Mathisutha

"நேர்மையானவருடனும் பழகலாம்,
தவறிழைப்பவருடனும் பழகலாம் - ஆனால்
நேர்மையானவர் என்று சொல்லிக் கொண்டு தவறிழைப்பவருடன் பழக முடியாது - காரணம்
தம் தவறை நியாயப்படுத்தவும் /சமப்படுத்தவும் பழகுபவரில் பிழைகளை தேடவும்/உருவாக்கவுமே முனைவார்கள்."
-மதிசுதா

கிளிநொச்சியின் சேரன் திரையரங்கில், அரங்கம் நிறைந்த காட்சியாக எமது வெந்து தணிந்தது காடு திரையிடப்பட்டது,

வெளியிடப்பட்டு 3 வருடம் கடந்த நிலையிலும் உள்ளூர் படமொன்றை திரையரங்கில் காண மக்கள் தயாராகவே உள்ளார்கள் என்ற செய்தியை இதன் மூலம் பதிந்து வைக்க விரும்புகின்றேன்.

ஏனென்றால் அண்மையில் நீளிரா திரையிடல்களின் போது கார்த்திக் சுப்ராஜ் அவர்களும் சோமிதரன் அவர்களும் பகிரங்கப்படுத்திய செய்தி ஒன்று எனக்கு பெரும் மனவருத்தமளித்தது.
"ஈழத்து படங்களை எமது மக்கள் ஆதரிப்பதில்லை"

வருத்தத்திற்குரிய காரணம், இப்படியான கதைகளை யாரும் தொட விரும்பாத நிலையை உருவாக்குவதுடன் முதலிட வருபவரையும் தயங்க வைக்கும் வார்த்தை இதுவாகும்.

இப்படி ஒரு படம் பற்றி தன்னிடம் சோமிதரன் எதுவும் சொன்னதே இல்லை என்றே கார்த்திக் கூறினார் ஆனால் இதைப் போல மக்கள் மீளப் பார்க்கவும் தயாராக உள்ள பல படங்கள் இங்குண்டு என்ற செய்தியையும் இங்கு மக்களால் வர்த்தக வெற்றி பெற்றுக் கொடுத்த படங்கள் உண்டென்ற செய்தியையும் பகிர விரும்புகின்றேன்.

மக்களின் கருத்துக்களை நாளை இணைக்கின்றேன்.