YASA Creative Studio

ආරෝග්‍යා පරමා ලාභා
සන්තුට්ඨි පරමං ධනං
විස්සාස පරමා ඤාති
නිබ්බානං පරමං සුඛං
ධම්මපදයේ සුඛ වග්ගයේ එන ඉහත ගාථාව මහා කාරුණික බුදුරජාණන් වහන්සේ කොසොල් මහ රජතුමා අරභයා කළ දේශනාවක්.මෙම ගාථාවෙන් කියැවෙන්නේ උසස්ම ලාභය ලෙස රෝග නැති කම බවත් ඉහළම ධනය සතුට බවත්, ඉහළම ඥාතියා විශ්වාසය බවත්, ඉහළම සැපය නිවන බවත් ය.මිනිසෙකුට මෙලොවදී ලැබිය හැකි ඉහළම ලාභය නිරෝගී බව හෙවත් ලෙඩ රෝග නැති කමයි.
එමෙන්ම ලොව පුරා පැතිරී යන කොරෝනා වසංගත තත්වය හමුවේ ලෝ වාසී සියලු දෙනා අපේක්ෂා කරනුයේ තම තමන්ගේ නීරෝගී බව සහ අභාග්‍ය සම්පන්න මරණින් ගැලවීමයි. නිරෝගීබව කොයිතරම් ලාභයක් දැයි අප සියලු දෙනා අද වන විට අත්දැකීම් තුලින්ම සාක්ෂාත් කර ගනිමින් සිටී .උතුම් සම්බුද්ධ දේශනා සදහන් වන අංගුත්තර නිකායේ එන “ සප්පායා සප්පායං ජානතී අසප්පායං අපනාමෙති. සප්පායං උපනාමෙති. සප්පානිය සමණා ජානාති” යන බුද්ධාවවාදය එදා සහ අදට ඉතාමත් ගැලපේ.එනම් පඨවි, ආපෝ, තේජෝ,වායෝ යන සතර මහා භූතයන්ගෙන් සැදුන දහසක් ලෙඩ කාරක වලින් සැකසුනු අපේ ශරීරය රෝග ආකරයකි. සැබවින්ම ලෙඩ රෝග සෑදීම නොව නොසෑදීම පුදුමයට කරුණකි.එනිසාම සැණකින් හෝ කුමන මොහොතේ හෝ ලෙඩවීමේ ප්‍රවණතාව වැඩියි. නිරෝගී ජීවිතයක් කෙතරම් වටින්නේදැයි බුද්ධිමත්ව අප සැම සිතා බැලිය යුතු කාලයයි මේ.
ක්‍ෂණසම්පත්තිය සහිත උතුම් මනුෂ්‍යය භවයක් ලැබී ඇති මෙම බුද්ධෝත්පාද කාලය තුල කුසල් දහම්හි නිරත වී සසරින් එතර වන්නට අප සැම මෙම උතුම් සම්බුදු තෙමගුල සමරමි අධිෂ්ඨාන කරගත යුතුයි

ලොවම සුවපත් වේවා..
සියල් සතුනගේ සිත් දහමෙන් සැනසෙන , ලොවම වෙලා ගත් රෝ බිය දුරුවෙන පින්බර දිනයක් වේවා..!
තුන් ලොව කෙලෙස් දුරු කොට අමා දහමින් ලොවම සැනසූ සම්බුදු හිමියන්ගේ අසිරිමත් තෙමඟුල දා ලොවම සුවපත් වේවායි හදවතින්ම ප්‍රාර්ථනා කරන්නෙමු.

මවක්, බිරිඳක්, සොයුරියක්, දියණියක්, මිතුරියක්, සේවිකාවක්.............ඇය කවුරු වුණත්..කාන්තාවක්. සමාජයේ පැවැත්ම උදෙසා සොබා දහමෙන්ම සියුමැලි බව හා සංවේදී බව දායාද කරගත් ඇය ආරක්ෂා කරමින් රැකවරණය සැලසීම සමාජයේ වගකීමයි.

This is the Season of Gratitude ...
Happy Pongal