True Ceylon Cinnamon

A historic moment for Sri Lankan motorsport!

CINNAYA extends its heartfelt congratulations to 18-year-old racing sensation Yevan David on securing a remarkable P2 finish in the FIA Formula 3 Sprint Race at Silverstone Circuit.

As the first Sri Lankan ever to stand on an FIA Formula 3 podium, you have made history and filled the nation with pride. Your dedication, determination, and exceptional talent continue to inspire young Sri Lankans to dream bigger and aim higher.

Congratulations on this outstanding achievement. Wishing you every success in the races ahead.

🇱🇰🏁

මහා මණ්ඩල සභාපතිත්වය ඉසිලූ එකම ලාංකිකයා - ආචාර්ය ෂර්ලි අමරසිංහ

මෙවන් මිනිසුන් ගැන අප කතා කරන්නේ අඩුවෙන්ය. දේශපාලන වේදිකාවල හඬ නැගූ අය ගැන බොහෝ දෙනා දන්නා නමුත්, ලෝකයේ ඉහළම රාජ්‍යතාන්ත්‍රික වේදිකාවක ශ්‍රී ලංකාවේ නාමය රන් අකුරින් ලියා තැබූ පුද්ගලයන් ගැන දන්නේ ස්වල්ප දෙනෙකු පමණි. ඒ අතරින් ප්‍රමුඛතම නාමය වන්නේ ආචාර්ය හැමිල්ටන් ෂර්ලි අමරසිංහ ය.

1913 වසරේ උපත ලැබූ ෂර්ලි අමරසිංහ කොළඹ රාජකීය විද්‍යාලයෙන් අධ්‍යාපනය ලබා, පසුව කොළඹ හා ලන්ඩන් විශ්වවිද්‍යාලවලින් උසස් අධ්‍යාපනය හදාරා ලංකා සිවිල් සේවයට එක් විය. රාජ්‍ය සේවකයෙකු ලෙස ආරම්භ කළ ගමන, ඉන්දියාවේ ශ්‍රී ලංකා මහ කොමසාරිස් ධුරය, අමාත්‍යාංශ ලේකම් ධුර සහ ජාත්‍යන්තර රාජ්‍යතාන්ත්‍රික සේවය දක්වා විහිදී ගියේය.

1967 සිට 1980 දක්වා එක්සත් ජාතීන්ගේ සංවිධානයේ ශ්‍රී ලංකාවේ නිත්‍ය නියෝජිතයා ලෙස කටයුතු කළ ඔහු, 1976 වසරේ එක්සත් ජාතීන්ගේ මහා මණ්ඩලයේ 31 වැනි සැසිවාරයේ සභාපතිවරයා ලෙස තේරී පත් විය. එම ගෞරවය හිමි වූ එකම ශ්‍රී ලාංකිකයා ලෙස ඔහු අදත් ඉතිහාසයේ සටහන්ව සිටී.

එහෙත් ඔහුගේ ශ්‍රේෂ්ඨතම දායකත්වය එතැනින් අවසන් වූයේ නැත. ලෝක සාගර සම්පත් භාවිතය සම්බන්ධයෙන් ජාත්‍යන්තර නීති රාමුවක් ගොඩනැගූ එක්සත් ජාතීන්ගේ සමුද්‍රීය නීතිය පිළිබඳ තුන්වැනි සමුළුවේ සභාපතිවරයා ලෙසද ඔහු කටයුතු කළේය. අද ලෝකයේ බොහෝ රටවල් භුක්ති විඳින නාවික සැතපුම් 200ක අනන්‍ය ආර්ථික කලාප සංකල්පය ප්‍රායෝගිකව ස්ථාපිත වූයේ එම ක්‍රියාවලිය හරහාය. කුඩා දිවයිනක පුතෙකු වූ ෂර්ලි අමරසිංහ, එහිදී මහා බලවතුන් සහ සංවර්ධනය වෙමින් පවතින රටවල් අතර එකඟතාව ගොඩනැගූ විශිෂ්ට සාකච්ඡාකරුවෙකු ලෙස ලෝක ගෞරවය දිනා ගත්තේය.

ඔහුගේ සේවය අගයමින් එක්සත් ජාතීන්ගේ සංවිධානය අදටත් “Hamilton Shirley Amerasinghe Memorial Fellowship on the Law of the Sea” නමින් ජාත්‍යන්තර අධ්‍යාපනික අනුග්‍රහයක් පිරිනමයි. එය ශ්‍රී ලාංකිකයෙකු වෙනුවෙන් එක්සත් ජාතීන් ලබා දී ඇති ඉහළම ගෞරවයන්ගෙන් එකකි.

අපේ රටේ බොහෝ විට මතකයේ රැඳෙන්නේ බලය අල්ලාගත් අයයි. එහෙත් ලෝකය ජයගත්තේ බලයෙන් නොව, බුද්ධියෙන්, දැනුමෙන් සහ සාකච්ඡා කලාවෙන්ය. හැමිල්ටන් ෂර්ලි අමරසිංහ යනු එවැනි ශ්‍රී ලාංකිකයෙකි. එක්සත් ජාතීන්ගේ මහා මණ්ඩල සභාපති පුටුවට නැගුණු එකම ලාංකිකයා ලෙස පමණක් නොව, ලෝක සාගර නීතියේ පුරෝගාමියෙකු ලෙසද ඔහුගේ නාමය සදාකාලිකය. ශ්‍රී ලංකාව කුඩා වුවද, එහි පුත්‍රයන්ගේ දැවැන්තත්වයට සීමාවක් නොමැති බව ඔහුගේ ජීවිතය අපට යළිත් සිහිපත් කරයි.

Writer: චතුර්ක වින්දන
Follow us: True Ceylon Cinnamon
Visit us: www.TrueCeylonCinnamon.LK

අපේ ක්‍රීඩකයා ජයග්‍රහණය කළ බව සතුටින් සමරන අතර, වෙනත් ක්‍රීඩකයන්ට හෝ ඔවුන්ගේ රසිකයන්ට අපහාස කිරීම හෝ සමච්චලයට ලක් කිරීම සුදුසු නොවන බව සිහිපත් කරමු.

Neeraj Chopra යනු ඔලිම්පික් රන් පදක්කමක් දිනා ගැනීම සඳහා අතිවිශාල කැපවීමක්, වෙහෙසක් සහ විනයක් පෙන්වූ ලෝක මට්ටමේ ක්‍රීඩකයෙකි. එවැනි ක්‍රීඩකයන්ට ගෞරවය දැක්වීම සැබෑ ක්‍රීඩා ආත්මයේ අංගයකි.

අපගේ ක්‍රීඩකයාගේ විශිෂ්ට ජයග්‍රහණය ගැන ආඩම්බර වන අතරම, අනෙකුත් ක්‍රීඩකයන්ට ද ගෞරවය ලබා දෙමින් ශ්‍රී ලංකාවේ ක්‍රීඩා සංස්කෘතියේ ගෞරවය සහ අභිමානය රැක ගැනීම සියලු දෙනාගේ වගකීමකි.

ජයග්‍රහණ සමරමු. ගෞරවය රැකගමු. ශ්‍රී ලංකාවේ නාමය උසස්ව තබමු. 🇱🇰