Hiru mobile technology

දැන්වත් පොඩි එවුන්ට,
පණ යනකන් අකුරු රවුම් කර කර ලියන හැටි උගන්නන්නෙ නැතුව, අහවල් රජතුමා හදපු වැව් ගාණයි, පොරට හිටපු බිසෝවරු ගාණයි, 2500ක අම්මට සිරි වෙන ප්‍රෞඩ ඉතිහාසය ගැනයි කියවන්නෙ නැතුව, ඒවා කැමති එකෙකුට ඉගෙන ගන්න ඉඩ ඇරලා, ඒකට බලකිරීමක් කරන්නෙ නැතුව,
සරල වෙබ්සයිට් එකක් හදන්න, microcontroller එකක් program කරන්න, අඩුම තරමේ SolidWorks, Blender වගේ software එකක් පාවිච්චි කරල cartoon character එකක් අඳින්න උගන්නපල්ලා.

මුතු ඇටේ තමයි සුපිරි ම එක, මේක තමයි පෙරදිග ධාන්‍යාගාරය, මේක තමයි ආසියාවේ ආශ්චර්යය, අපි රාවණාගෙ දරුවෝ, අහවල් තරුවෙන් ආවේ, සිංහ ලේ, යක්ක පුත්තු; ඕවා දැං යල් පැන ගිය කතා.

දැන් යක්ක පුත්තුන්ට තෙල් ටික ගහ ගන්න ම පඩිය මදි වෙලා තියෙන්නේ. වෙනදා වේල් තුන කාපු උන් දැං කන්නේ එක වේලයි, නැත්නම් එක වේල තුනට බෙදා ගෙන කනවා.

පොඩි එවුන්ව එක වසරේ ඉඳල ශිෂ්‍යත්ව පන්ති යවන එක නෙවෙයි වැඩේ, උන්ට තමන්ගේ හයියෙන් කරන්න පුළුවන් ශිල්පයක්, කර්මාන්තයක් උගන්නන්න ඕන.
එතකොට උන් කවදා හරි දවසක ආණ්ඩුවෙන් රස්සාවල් ඉල්ලන්නේ නැතුව, තමන්ගෙ ව්‍යවසායකත්වයක‍් ගොඩනගාගෙන තව දෙන්නෙකුට හරි රස්සාවල් දේවි.

Hiru Mobile Technology