Citizen News

அம்பாறை அபிவிருத்திக்காக
🏠 இலக்கம் 4 ×

♒நாகை மீனவர்க கைது

எல்லை தாண்டி வந்து பிடித்ததாக தமிழக மீனவர்கள் 12 பேரை அவர்களின் விசைப்படகுகளுடன் துப்பாக்கி முனையில் இலங்கை கடற்படையினர் கைது செய்துள்ளனர்.

♒டக்ளஸின் மூன்று (அ) களின் திட்டம்.

முன்னாள் அமைச்சர் மற்றும் ஈழ மக்கள் ஜனநாயக கட்சியின் செயலாளர்நாயகமுமான டக்ளஸ் தேவானந்தா அவர்கள் ஊடகவியலாளர் மாநாடு ஒன்றினை தனது பம்பலப்பிட்டி அலுவலகத்தில் ஏற்பாடு செய்திருந்தார்.

இதன் போது உங்களது முக்கியமான அடிப்படை திட்டம் என்ன என்பது குறித்து ஊடகவியலாளர் ஒருவர் எழுப்பிய கேள்விக்கு இவ்வாறு பதில் வழங்கியிருந்தார்.

தங்களது கட்சியில் மூன்று (அ) க்கள் இருக்கின்றது .
1வது (அ) மக்களின் அன்றாட பிரச்சினைகளை தீர்த்து வைத்தல்.

2வது (அ) அபிவிருத்தி திட்டங்களை மேற்கொள்வதன் மூலம் பொருளாதார வசதிகளை செய்து கொடுத்தல்.

3வது (அ) அரசியல் தீர்வு

இவை மூன்றும் மக்களின் அடிப்படை ஆதாரமாக இருக்கின்றது. இந்த மூன்று (அ) க்களையும் அடிப்படையாக வைத்து எனது தலைமையின்கீழ் எனது கட்சியினர் செயல்படுகின்றனர். இச்சந்திப்பில் தேசியப்பபட்டியல் உறுப்பினர் பாபு சர்மா மற்றும் கொழும்பு மாவட்டத்தின் முதன்மை வேட்பாளர் எஸ். ராஜேந்திரன், வணக்கத்திற்குரிய தேரர் கிரன்பாஸ் விஜிதகேரத் மற்றும் ஏனைய வேட்ப்பாளர்களும் இதன் போது கலந்து கொண்டிருந்தனர் .

♒ரஷ்ய தம்பதியினர் கைது

குடிவரவு சட்டங்களை மீறி விசா இன்றி நாட்டில் தங்கியிருந்த ரஷ்ய தம்பதியொன்று கண்டி சுற்றுலாப் பொலிஸாரால் கைது செய்யப்பட்டுள்ளனர்.

ஹந்தானை பகுதியில் வைத்து நேற்று (26) மாலை குறித்த தம்பதியினர் கைது செய்யப்பட்டுள்ளனர்.

39 வயதான ஆண் மற்றும் 32 வயதான ரஷ்ய பெண் ஆகிய இருவரும் மேலதிக விசாரணைகளுக்காக கண்டி பொலிஸாரிடம் ஒப்படைக்கப்பட்டுள்ளனர்.