Presidential Task Force Essential Services

එළවළු කිලෝග්‍රෑම් දස ලක්ෂයක් ගොවි ජනතාවගෙන් මිලදීගෙන ගෙන රට පුරා බෙදාහැරීමේ ඓතිහාසික මෙහෙවර..
නව කොරෝනා වෛරසය තුරන් කිරීමේ ජාතික වැඩපිළිවෙලට සමගාමීව අත්‍යවශ්‍ය සේවා අඛණ්ඩව පවත්වාගෙන යාම සඳහා රජය නිරන්තරවම අවධානය යොමු කර ඇත. ඒ අනුව රට තුළ පවත්නා ඇඳිරි නීතී තත්ත්වය හේතුවෙන් තම නිෂ්පාදන අලෙවි කර ගැනීම පිළිබඳ ගැටලුවකට මුහුණ දී සිටින ගොවි ජනතාව වෙත සහනයක් ලබාදීමේ අරමුණින් සහ සිංහල දෙමළ අළුත් අවුරුදු හා පාස්කු සමය තුළ පාරිභෝගික ජනතාවට එලවළු හා පලතුරු හිඟයකින් තොරව බෙදාහැරීමේ අරමුණින් විශේෂයෙන්ම නුවරඑළිය හා දඹුල්ල ආර්ථික මධ්‍යස්ථාන කේන්ද්‍ර කර ගනිමින් රට පුරා එළවළු හා පළතුරු අස්වැන්න මිළදී ගැනීම සඳහා වැඩපිළිවෙලක් රජය විසින් සාර්ථකව ක්‍රියාත්මක කරන ලදී. මිලදී ගනු ලැබූ සමස්ත එළවළු ප්‍රමාණය රට පුරා පිහිටි පළාත් පාලන ආයතන වෙත බෙදා හරින ලද අතර, පළාත් පාලන ආයතන විසින් තම බල ප්‍රදේශය තුළ එම එළවළු සාධාරණ මිලකට අලෙවි කිරීමට කටයුතු කර ඇත.