Modern Green Homes

අද මං සයිට් එකේ ඉදන් අංගොඩ පැත්තෙන් කොටිකාවත්තට යනකොට දැක්කා ස්ලැබ් කොන්ක්‍රීට් කරන තැන් තුනක්.
ඒ තුනෙන් දෙකකම ඒගොල්ලො පාවිච්චි කලේ සංස්ථා සිමෙන්ති.
මට නැවතිලා කියන්න හිතුනා "මේ මොන මඟුළක්ද කරන්නෙ..සංස්ථා සිමෙන්ති වලින් ස්ලැබ් දාන්න පිස්සුද මනුස්සයෝ" කියලා. ඒත් ඉතින් එහෙම කියන්න බෑනෙ පිස්සෙක් වගේ, අනික මේ දවස්වල ලොකු ගාණක් එකපාර ගන්න තියෙන්නෙ සංස්ථා සිමෙන්ති විතරයි ගොඩක් තැන්වල.
ඒක නම් මාර අප්සට් සීන් එකක්.

මාතර පදිංචි මගෙ ලිස්ට් එකේ ඉන්න කෙනෙකුත් පෙරේදා ඇහුවා "සංස්ථා සිමෙන්ති වලින් ස්ලැබ් එක දැම්මොත් අවුල්ද කියලා", මං කෙලින්ම කිව්වෙ "අවුල්" කියලා.
........................................................................

"ඇයි සංස්ථා සිමෙන්ති කොන්ක්‍රීට් වලට අවුල්? , හාඩ්වෙයාර් එකෙන් කිව්වෙ සංස්ථා තමා හොදම එක කියලා..බාසුන්නැහෙත් ඒකම කිව්වා..ඔයා ඇයි ඔහොම කියන්නෙ?" කියලා කෙනෙක්ට අහන්න පුළුවන්.

මේකයි, ලංකාවෙ වෙළඳපොලේ ප්‍රධාන වශයෙන් සිමෙන්ති වර්ග තුනක් තියෙනවා. ඒ SLS 107 සිමෙන්ති, SLS 1247 සිමෙන්ති සහ SLS 1253 සිමෙන්ති විදියට.

ඕකෙන් SLS 1247 සහ SLS 107 සිමෙන්ති තමා කොන්ක්‍රීට් වලට හොද SLS 1253 සිමෙන්ති කොන්ක්‍රීට් වලට සුදුසු නෑ.

107 සිමෙන්ති ද 1247 සිමෙන්ති ද වඩාත් හොද?

107 සිමෙන්ති කියන්නෙ සාමාන්‍ය පෝට්ලන්ඩ් සිමෙන්ති, SLS 1247 න් එන්නෙ flyash මිශ්‍ර කරපු සිමෙන්ති . (සංයෝග කරන ලද ද්‍රාව සිමෙන්ති කියලා ගහලා තියෙනවා ලොකුවට)
ගෙවල් වගේ හදද්දි මේ දෙකෙන් කෝක පාවිච්චි කලත් වෙනසක් නෑ, ඒත් හොදම එක නම් 1247. ඔයා ලොකු පාලම් වගේ ඒවට භාවිතා කරන්නෙ SLS 1247 සිමෙන්ති.
මේ SLS 1247 සිමෙන්ති වල විශේෂ ලක්ෂණ කීපයක් තියෙනවා ඒ තමා මේකෙ තාප විමෝචනය ගොඩක් අඩුයි,ඒ නිසා පුපුරන්නෙ නෑ. ඒ වගේම මළකෑමට ප්‍රතිරෝධීයි.
ඒ වගේ දේවල් නිසා මේ SLS 1247 සිමෙන්තිය තමා හොදම එක වෙන්නෙ කොන්ක්‍රීට් වලට.
හැබැයි කලින් කිව්වා වගේ නිවසක වගේ පොඩි කොන්ක්‍රීට් වැඩ වලදි මේ දෙකෙන් කෝක පාවිච්චි කලත් වෙනසක් නැති තරම්.

ඇයි SLS 1253 සිමෙන්ති කොන්ක්‍රීට් වලට නොසුදුසු වෙන්නෙ?

මොකද 1253න් එන්නෙ හුණගල් මිශ්‍ර සිමෙන්ති.
මේක කොන්ක්‍රීට් වලට සුදුසු නැතිවෙන්නෙ අමතරව එකතු කරල තියෙන හුණු (Lime) නිසා.
ඒක සුදුසු බිත්ති බදින්න සහ කපරාරුවට, මොකද මේ සිමෙන්ති හොදට ඇලෙනවා.

මේකෙන් කොන්ක්‍රීට් දැම්මොත්, කොන්ක්‍රිට් එක හැකිලිලා (Shirnk) පොඩි පිපිරීම් උනත් ඇති වෙන්න පුලුවන් අමතරව මිශ්‍ර කරලා තියෙන Lime නිසා.

දැන් දන්නවනෙ මේවගෙ වෙනස්කම්.
ඉතින් ආයෙ කොන්ක්‍රීට් වලට සිමෙන්ති ගද්දි SLS 1247 සහ SLS 107 සිමෙන්ති ගන්න.

හාඩ්වෙයාර් එකේ මුදලාලි මොනා කිව්වත්, බාසුන්නැහැ මොනා කිව්වත් ඒ අයටත් මේක කියලා හරි සිමෙන්තිය තෝරගන්න.

//පොඩි පොඩි ලින්ටල් දාන ඒවට වගේ නම් ඉතින් මොන සිමෙන්තියෙන් කොන්ක්‍රීට් දැම්මත් ඒකෙ අවුලක් නෑ. ස්ලැබ් වලදි තමා ඔය වෙනස හොදින්ම තේරෙන්නෙ. //

**මෙතන මේ මං වැඩියෙන්ම අදහස් කරන්නෙ ස්ලැබ් වලට 1253 සිමෙන්ති සුදුසුම නෑ කියන එක.

උපුටා ගැනිමකි

Modern green homes is one of Sri Lanka’s famous construction and real-estate development company which specializing in green building and sustainability concept. It provides you every type of construction, repair and rehabilitation under supervision of well qualified engineers with best quality, for reasonable prices. In addition, preparing building estimates, architectural plans for buildings and structures, necessary instructions for design and build by specialized authorities with skilled labours will be provided.
Taking blueprints and modals, engineers, architects, technical officers, managers and labours, work together to make them a reality. The reason why you choose our company is, we are cling to our vision eco friendly green building concept beyond other competitive.

Modern Green Homes යන අප ආයතනය හරිත සංකල්පය පාදක කොටගෙන ගොඩනැගුන ශ්‍රී ලංකාවේ සුප්‍රසිද්ධ ඉදිකිරිම් ආයතනයක් වන අතර මෙමගින් ඔබට අවශ්‍ය සියලුම ඉදිකිරීම් සහ අළුත්වැඩියා කිරිම් ඉංජිනේරු අධීක්ශණය යටතේ ඉතා උසස් අන්දමින් සහ පහසු මිලට සිදුකර දෙනුලැබේ. මීට අමතරව ඉදිකිරීම් ඇස්තමේන්තු සකස් කිරීම, වාස්තුවිද්‍යානුකූලව නවීන නිවාස සැලසුම් නිර්මාණය කිරීම, ඉදිකිරීම් කටයුතු සඳහා අවශ්‍ය උපදෙස් සහ විශේෂඤ සහය ලබාදීම ඇතුළුව සියළුම ආකාරයේ ඉදිකිරීම් සඳහා අවශ්‍යවන පුහුණු ශ්‍රමිකයන් ලබාදීමද සිදු කරනු ලැබේ. මෙහි ඇති විශේෂත්වය වන්නේ අප ආයතනය විසින් සිදුකරනු ලබන සියලු සැලසුම් සහ ඉදිකිරීම් හුදෙක් වෙනත් ආයතන වලින් ඔබ්බට ගොස් ඉතාමත් පරිසර හිතකාමී ලෙස සිදුකරනු ලැබීමය.