Wathsala Jayasinghe

පිරිමින්ටත් චිත්තවේගීය අවශ්‍යතා ඇත
සමාජය බොහෝවිට පිරිමියෙකුට උගන්වන්නේ ශක්තිමත් වෙන්න, නොවැටෙන්න, නොඅඬන්න කියලා. ඒ නිසාම ඔවුන්ගේ හැඟීම් බොහෝ වෙලාවට නිහඬව හිත ඇතුළේම සැඟවී යනවා.
ඒත් මනෝවිද්‍යාත්මකව බලන විට, පිරිමින්ටත් ආදරය, පිළිගැනීම, ගෞරවය, අවධානය සහ ආරක්ෂිත බැඳීමක් අවශ්‍යයි. ඔවුන්ටත් තමන්ගේ දුක කියන්න පුළුවන් තැනක් ඕනේ. විනිශ්චය නොකර අහගෙන ඉන්න කෙනෙක් ඕනේ. "ඔයා මහන්සි වෙලා නේද?" කියලා අහන වචනයක් ඕනේ.
බොහෝ පිරිමින් තමන්ගේ හැඟීම් වචනවලින් නොකියනවා. ඒ වෙනුවට ඔවුන්ගේ ආදරය ක්‍රියාවලින් පෙන්වනවා. රැකබලා ගැනීමෙන්, උදව් කිරීමෙන්, ළඟින් ඉඳීමෙන්, වගකීම් දරමින් ඔවුන් තමන්ගේ හිත ප්‍රකාශ කරනවා.
ඒ නිසා පිරිමියෙකුගේ නිහඬබව දුර්වලකමක් ලෙස නොබලන්න. සමහරවිට ඒ නිහඬබව ඇතුළේත් ආදරය ලබන්න, තේරුම් ගන්න, අගය කරන්න කියන ගැඹුරු අවශ්‍යතාවයක් සැඟවී තිබිය හැකියි.
පිරිමින්ටත් අවශ්‍ය වන්නේ ලෝකය ඉදිරියේ ශක්තිමත් වෙන්න නොවෙයි. කෙනෙකු ඉදිරියේ තමන්ගේ සැබෑ හිත පෙන්වන්න පුළුවන් තරම් ආරක්ෂිත ආදරයක් ලැබීමයි.

වත්සලා විජේරත්න
Psychological Counsellor, Psychotherapist

BSc Coun & Psy,
HND Psychotherapy,
Certified NLP Practitioner,
Dip Psy,Dip Coun
Cert Drug Counselling
Member of American Psychological Association. (APA)
Member of Sri Lanka Professional Psychological Counsellors Association (SLPPCA)
Member of NLPEA

ඔයා වගේ හිත නිවන භාවනාවක් කොහෙද තියෙන්නේ.
දවස පුරා හිතට එකතු වෙන වෙහෙස, කලබල, බර හැඟීම් අතරේ, ඔයාව මතක් වෙන එකම මොහොතක් ඇති හිතට ආයෙත් නිදහසේ හුස්ම ගන්න.
ඔයාගේ වචන, ඔයාගේ ආදරය, ඔයාගේ ලෙන්ගතුකම ඒ හැමදේම හිතට ගෙනෙන්නේ වචනවලින් කියන්න බැරි සැනසීමක්.
සමහර මිනිස්සු ජීවිතයට එන්නේ ආදරය දෙන්න විතරක් නෙවෙයි, හිත නිවන්නත්. ඒ නිසාම මට හිතෙනවා.
ඔයා වගේ හිත නිවන භාවනාවක්, මේ ලෝකේ වෙන කොහෙද තියෙන්නේ..

වත්සලා විජේරත්න
Psychological Counsellor, Psychotherapist