PAKA-Participatory Development Knowledge Agency

🌱 ມາຕໍ່ກັນກັບໂຄງການທີ 2 ຈາກນັກພັດທະນາຊຸມຊົນ ຊຸດທີ 12
ຫຼັງຈາກທີ່ພວກເຮົາໄດ້ພາທຸກທ່ານໄປຮູ້ຈັກກັບໂຄງການທຳອິດແລ້ວ ມື້ນີ້ ສູນປາກກາ (PAKA) ຂໍພາທຸກທ່ານມາຮູ້ຈັກກັບອີກໜຶ່ງແນວຄວາມຄິດຂອງນ້ອງໆ ທີ່ມຸ່ງເນັ້ນການສ້າງຈິດສຳນຶກດ້ານສິ່ງແວດລ້ອມ ແລະ ການນຳຂີ້ເຫຍື້ອກັບມາສ້າງມູນຄ່າ ເພື່ອພັດທະນາຊຸມຊົນຂອງຕົນ.

ໂຄງການ ເຜີຍແຜ່ຄວາມຮູ້ການຄັດແຍກຂີ້ເຫຍື່ອ ໃຫ້ໄວໜຸ່ມເພື່ອສ້າງລາຍໄດ້ໃຫ້ແກ່ຊຸມຊົນ ( ສາມາດຕິດຕາມເພຈ ໂຄງການນ້ອງໆໄດ້ທີ່: Youth for clean )

📍ພື້ນທີ່ເປົ້າໝາຍ
ບ້ານຫາດຈັ້ນ, ເມືອງງອຍ, ແຂວງຫຼວງພະບາງ

ກຸ່ມເປົ້າໝາຍ
ໄວໜຸ່ມອາຍຸ 15 - 30 ປີ ຈຳນວນ 30 ຄົນ

🎯ຈຸດປະສົງຂອງໂຄງການ
• ເພື່ອເຜີຍແຜ່ຄວາມຮູ້ກ່ຽວກັບການຄັດແຍກ ແລະ ການຈັດການຂີ້ເຫຍື້ອ ເພື່ອຫຼຸດຜ່ອນປະລິມານຂີ້ເຫຍື້ອທີ່ຖືກຖິ້ມຊະຊາຍໃນຊຸມຊົນ
• ເພື່ອສົ່ງເສີມການນຳຂີ້ເຫຍື້ອກັບມາໃຊ້ປະໂຫຍດຄືນໃໝ່ເປັນສິນຄ້າ ຜ່ານການລີໄຊເຄິນ Plastic ເພື່ອຫຼຸດຜ່ອນຂີ້ເຫຍື້ອ ແລະ ສ້າງລາຍໄດ້ໃຫ້ແກ່ຊຸມຊົນ

ກິດຈະກຳຫຼັກຂອງໂຄງການ

1. ເຜີຍແຜ່ຄວາມຮູ້ກ່ຽວກັບການຄັດແຍກ ແລະ ຈັດການຂີ້ເຫຍື່ອ
2. ຈັດກິດຈະກຳຝຶກປະຕິບັດໂຕຈິງ ການແຍກຂີ້ເຫຍື່ອຕາມປະເພດ
3. ຝຶກການລີໄຊເຄິນ plastic ໃຫ້ເກີດປະໂຫຍດເປັນສິນຄ້າເພື່ອສ້າງລາຍໄດ້
4. ສ້າງບ່ອນຖິ້ມຂີ້ເຫຍື່ອຈາກໄມ້ໄຜ່ເພື່ອໃຫ້ຊຸມຊົນໄດ້ນຳໃຊ້

ຜ່ານໂຄງການນີ້ ນ້ອງໆຄາດຫວັງວ່າ ໄວໜຸ່ມໃນບ້ານຫາດຈັ້ນ ຈະມີຄວາມຮູ້ ແລະ ຄວາມເຂົ້າໃຈຫຼາຍຂຶ້ນກ່ຽວກັບການຄັດແຍກ ແລະ ຈັດການຂີ້ເຫຍື້ອ, ຮູ້ຈັກນຳຂີ້ເຫຍື້ອກັບມາໃຊ້ປະໂຫຍດຄືນໃໝ່ ແລະ ສາມາດຕໍ່ຍອດເປັນໂອກາດສ້າງລາຍໄດ້ໃນອະນາຄົດ. ພ້ອມກັນນັ້ນ ຍັງຈະຊ່ວຍຫຼຸດຜ່ອນປະລິມານຂີ້ເຫຍື້ອ ແລະ ສ້າງສະພາບແວດລ້ອມທີ່ສະອາດຂຶ້ນໃນຊຸມຊົນ.

ນອກຈາກນັ້ນ ນ້ອງໆຍັງຈະສ້າງກຸ່ມອາສາສະໝັກໃນບ້ານ ເພື່ອເປັນແກນນຳໃນການອະນຸລັກ ແລະ ຮັກສາສິ່ງແວດລ້ອມໃຫ້ຍືນຍົງຕໍ່ໄປ. ຈາກຫ້ອງຮຽນສູ່ຊຸມຊົນ ນີ້ຄືອີກໜຶ່ງຕົວຢ່າງຂອງພະລັງຄວາມຄິດສ້າງສັນຂອງໄວໜຸ່ມລາວ ທີ່ຕ້ອງການລົງມືສ້າງການປ່ຽນແປງໃຫ້ເກີດຂຶ້ນຈິງໃນຊຸມຊົນຂອງຕົນ.

ຖ້າຫາກທ່ານ ຫຼື ອົງກອນໃດ ສົນໃຈຮ່ວມສະໜັບສະໜູນ ຫຼື ພັດທະນາແນວຄິດນີ້ຕໍ່ຍອດ ສາມາດປະສານຫາທີມງານໂຄງການ ຫຼື ສູນປາກກາໄດ້ໂດຍກົງໄດ້ທີ່ເບີຕິດຕໍ່ລຸ່ມນີ້:

ປາວິນາ ສົມມີໄຊ (ຫົວໜ້າໂຄງການ)
ໂທ: +85620 9718 4213
ລ່ອງຈຸ່ນ ສີຫາລາດ (ຫົວໜ້າແຜນງານພັດທະນາການສຶກສາ)
ໂທ: +85620 9365 6463