WRecycle

ພາບແຫ່ງຄວາມຊົງຈຳລະຫວ່າງທາງອັນແສນໄກຈາກວຽງຈັນ-ສະຫວັນນະເຂດ ມີຄົບທຸກລົດຊາດ ທຸກຢ່າງບໍ່ເປັນໄປຕາມແຜນ ແຜນມີໄວ້ໃຫ້ປ່ຽນແຜນ.

ນີ້ເປັນພາບບາງສ່ວນທີ່ພວກເຮົາມີແຮງພໍທີ່ຈະເກັບມາຝາກໄດ້

ຂໍຂອບໃຈທຸກໆຄົນທີ່ປະກອບສ່ວນສະຫນັບສະຫນູນໃນການເດີນທາງໃນຄັ້ງນີ້ໂດຍສະເພາະ ຜູ້ບໍ່ປະສົງອອກນາມ, ຮ້ານກາເຟດຳໆ, ຮ້ານຄໍເບຍ, ອ້າຍວິທະຍາ (ປາກຊັນ), ແມ່ຕູ້ພໍ່ຕູ້ລະຫວ່າງທາງທີ່ປະກອບສ່ວນເຂົ້າປາອາຫານນ້ຳດື່ມ ແລະ ສຽງເຊຍໃຫ້ກຳລັງໃຈຕະຫລອດເສັ້ນທາງ.

ຄົນທຸກຄົນ ແລະ ລົດທຸກຄັນສາມາດອອກໄປນຳໃຊ້ໃນຊີວິດປະຈຳວັນ ແລະ ທ່ອງທ່ຽວຄືພວກເຮົາໄດ້

ຄວາມສຳເລັດໃນຄັ້ງນີ້ຄືມິດຕະພາບ, ນ້ຳໃຈ ແລະ ການຊ່ວຍເຫລືອກັນລະຫວ່າງທາງຂອງພວກເຮົາແລະຈາກພໍ່ແມ່ປະຊາຊົນຕະຫລອດເສັ້ນທາງ.

ພົບກັບພວກເຮົາ ໄດ້ໃນຄັ້ງຕໍ່ໄປ ວ່າຈະໄປໃສ ແລະ ໃຜຈະມາຮ່ວມເດີນທາງກັບພວກເຮົາ

ລາຍລະອຽດການເດີນທາງວຽງຈັນ-ສະຫວັນນະເຂດ.

ເນື່ອງຈາກຂໍ້ຈຳກັດດ້ານເວລາແລະຜູ້ສະໜັບສະໜູນໃນການເດີນທາງໃນຄັ້ງນີ້ ພວກເຮົາຈຳເປັນຕ້ອງໄດ້ສົມທົບທຶນດ້ວຍຕົວເອງແລະນ້ຳໃຈຈາກມິດສະຫາຍໝູ່ເພື່ອນທັງຫລາຍ ແຕ່ບໍ່ສາມາດແບກຮັບຄ່າໃຊ້ຈ່າຍໄດ້ທັງຫມົດໄດ້. ສະນັ້ນພວກເຮົາຕ້ອງໄດ້ປັບແຜນແລະລາຍລະອຽດຂອງການເດີນທາງຄືນໃຫມ່.

ສຳລັບໃຜທີ່ສົນໃຈຮ່ວມເດີນທາງກັບພວກເຮົາສາມາດລົງທະບຽນຕາມລີ້ງດ້ານລຸ່ມນີ້
https://forms.gle/RxAGzsAMMMG9H9LW6

ລາຍລະອຽດ:
➡️ ຄ່າລົງທະບຽນ300,000ກີບຕໍ່ 1 ຄົນ
➡️ ️ມີລົດເຊີວິສບໍລິການໃນການເດີນທາງ 3 ມື້
➡️ ຂົນສົ່ງລົດຖີບກັບຈາກສະຫວັນນະເຂດສູ່ວຽງຈັນວັນອາທິດ 13/2/2022
➡️ ວັນທີ 12-13/2/2022 ຮ່ວມກິດຈະກຳ ຮຽນເຮັດກາເຟດື່ມເອງ ຟຣີ ທີ່ຮ້ານດຳດຳ
ຫມາຍເຫດ:
- ຄ່າກິນຢູ່ແລະທີ່ພັກແມ່ນຮັບຜິດຊອບເອງ
- ລົງທະບຽນກ່ອນວັນທີ 3 ເດືອນ 2 ປີ 2022
- ຄວາມໄວປະມານ 25-30km/h ອິງຕາມສະພາບໂຕຈິງ

ລາຍລະອຽດເພີ່ມເຕີມສາມາດສົ່ງຂໍ້ຄວາມມາສອບຖາມທີມທາງເຮົາໄດ້