Economic Research Institute

Ел ішінде кітап оқу мәдениетін насихаттау, зерделі ұлт қалыптастыру, сондай-ақ шығармашыл, жасампаз және бәсекеге қабілетті тұлғаны дамыту мақсатында Президент Қасым-Жомарт Тоқаев «Кітап оқу мәдениетін дамыту туралы» Қаулы қабылдады.

«Кітап – жансыз, бірақ ол – шынайы дос» дейді Гюго. Осы тұста Экономикалық зерттеулер институты сарапшылары да өздері оқыған кітап туралы ойын бөлісуді жалғастырады. Фискалдық саясат орталығының аға сарапшысы Айнұр Құсайынова бүгін Сейдахмет Құттықадамның «Ұлтқа қызмет ету» кітабы туралы әңгімелеп берді.

- Маған бұл кітап үлкен әсер қалдырды. Кітапта өз елін өзгертуге үлес қосқан әлемдік реформатор көшбасшылар туралы жазылған.
Тарихы, мәдениеті, мінезі әртүрлі болса да бәрін біріктіретін ортақ нәрсе – еліне, халқына адал қызмет етсем деген ниет.

Халықтың дамуы мен мемлекеттің күшеюі ең алдымен жауапкершілік, білім және дұрыс ұстанымнан басталатынын тағы бір рет түсіндім.

Сонымен қатар, нағыз көшбасшылық тек билікпен емес, ұзақ мерзімді ойлаумен өлшенетінін байқадым. Ой салатын кітап.