S M T

ကြေပီနော်🤭🤭😁😁

😊🌹🌹🌹😊

အထုပ်ရှိဖို့ အရေးကြီတယ်
===================

သား သမီး မရှိလို့
အသက်များ ကြီးလာရင်
ဒုက္ခရောက်မယ်လို့
ထင်နေသူတွေ

သား သမီး ရှိလျက်
ဒုက္ခရောက်နေတဲ့ မိဘတွေ
အများကြီးတဲ့။

ကျွန်မ အရင်ကတည်းက
စဉ်းစားမိတာ တစ်ခုရှိတယ်။

မိဘလောက်
ဘယ် သား သမီးမှ
ပြန် မကောင်းနိုင်ဘူး လို့...

လူနည်းစု
သား သမီးက လွဲလို့ပေါ့...

သား သမီး ဆိုတာ...
အားကိုးစရာ လို့
မွေးလာကတည်းက တွေးထားရင်တော့
မိဘ အမှားပါ။

မိဘကိုယ်တိုင်
သားထောက် သမီးကံ
ခံစားရမယ့်ကံလဲ လိုပါတယ်။

မိဘတာဝန် ကျေထားလို့

သား သမီးက
ပြန်တာဝန် ကျေမှာပဲလို့
မျှော်လင့်ထားရင်

အဇာတသတ်ရဲ့
ဖခမည်းတော်လောက်
သား သမီး အပေါ်မှာ
တာဝန်ကျေတာ ရှိသေးလို့လား-?

ကျွန်မတို့ အနီးမှာ
မိဘ တော်တော်များများဟာ
ကျွန်မတို့လို သား သမီး ဆီက
ဘာ အထောက်အပံ့မှ မယူ

သား သမီး ကို
တစ္ဆေကုန်းပိုး မလုပ်တဲ့
မိဘ ရှိကြသလို

ဘယ်လောက် ထောက်ပံ့နေပါစေ
သူတို့ပေးခဲ့တာနဲ့ နှိုင်းယှဉ်ပြီး

သား သမီးတွေက
ပြန်မကြည့်လေခြင်း ဆိုပြီး
အလို မပြည့်တဲ့
မိဘများလည်း ရှိကြပါတယ်။

မိဘမေတ္တာဆိုတဲ့ ရှေးရိုး စကားကို
သရုပ်ဖော်ပြီး
ပေးဆပ်ခဲ့ကြတာမို့
ပြန်မျှော်လင့်ကြတယ်။

ခေတ်ကို မကြည့်ဘူး။

အခုခေတ်က...
အရင်လို
တစ်ယောက် လုပ်စာ
တစ်အိမ်လုံး စားတဲ့ခေတ်
မဟုတ်တော့ဘူး ဆိုတာကို
မေ့နေတတ်ကြတယ်။

သား သမီးတွေဟာ...
နေထွက် နေဝင် ရှာဖွေ လုပ်ကိုင်ရင်း
မိဘဆီ လာတွေ့ဖို့
အတွေးထဲမှာတင် ပျောက်နေကြရတယ်။

မိဘအတွက် ဖယ်ထားရင်း
သူတို့ သား သမီး အတွက်
ပါသွားတတ်ကြတယ်။

ရေစုန် စီးတာ
အား ပိုကောင်းတယ်လေ။

ဒါကြောင့်...
ငယ်စဉ်ကတည်းက ရှာပါ။
စုပါ။

သား သမီးကို
အသိပညာ
အတတ်ပညာ အမွေပေးပါ။

ကြီးပြင်းလာတဲ့အချိန်
ကိုယ်က ပေးချင်သပါ့ဆို
ကိုယ့်အတွက်
အိုစာ မင်းစာ ချန်ပြီး ပေးပါ။

ဘယ်သား သမီးမှ
မိဘလောက် မကောင်းနိုင်ပါဘူး။

သင့် သား/သမီး
သင့်ကို ပြန်ကြည့်တယ်ဆို

သင့် ကံကို
သင် ကျေးဇူးတင်ပါ။

သင့် သား သမီးကို
ကျေးဇူးတင်ပါ။

ငါက မိဘပဲ
သူတို့ ကြည့်ရမှာပေါ့လို့
စာအုပ်ကြီးအတိုင်း မတွေးပါနဲ့။

ဘိုးဘွားရိပ်သာမှာ...
အကြောင်းကြောင်းကြောင့်
သား သမီးတွေ ရှိပါလျက်နဲ့
ရောက်နေသူတွေဟာ
အများကြီးပါ။

သား/သမီး ရှိ မရှိက
အရေးမကြီးပါဘူး။

ကိုယ့်အတွက် (အထုပ်)ရှိဖို့သာ
ပို၍ အရေးကြီးပါတယ်။

Credit -ရွှေအေးနွယ်၊

SOE MIN TUN. မေတ္တာဖြင့်ပြန်လည်မျှ​ဝေသည်