F16

Бүгін жаңғыртылған Риддер теміржол вокзалы алғашқы жолаушыларын қабылдады.

Вокзал – сапар басталатын, жақындармен қауышатын ерекше орын. Сондықтан мұндай нысандар заман талабына сай, жайлы әрі қолжетімді болуы маңызды.

ШҚО әкімі Нұрымбет Сақтағанов жұмыс сапары барысында жаңғырту жұмыстарының нәтижесімен танысты. Тарихи келбеті сақталған ғимарат толық жаңартылып, тұрғындар мен қала қонақтарына барынша қолайлы жағдай жасалды. Бұл вокзал жыл сайын шамамен 100 мың жолаушыға қызмет көрсетеді.

Зайсан ауданында жаңа әуежайдың құрылысы қарқынды жүріп жатыр.

Аудан әкімінің орынбасары Ермек Қорабаевтың айтуынша, шілдеде алғашқы сынақ рейсін орындау жоспарланып отыр.

Өңір үшін стратегиялық маңызы зор нысанның инвесторы кім болатыны құрылыс аяқталғаннан кейін белгілі болмақ.