Farah Al Rifai Nutrition

تدرون ان العادات الغذائية للأطفال تقرر من عمر السبع سنوات لباقي حياتهم؟

تدرون ان السمنة منذ الصغر تجعل الطفل اكثر عرضة ان يكون سمينا بنسبة ٩٠٪؜ في الكبر مقارنة بالطفل اللي ما يعاني من السمنة؟

تدرون ان ٢ ميليار شخص في العالم يعاني من السمنة و ان التوجّهات الجديدة اهي الوقاية و ليس العلاج؟

تدرون ان الأبحاث الحديثة معظمها تربط السمنه في تغيّر في الهرمونات و ما فوق الجينات و الناقلات العصبية في جهة تحت المهاد في المخ(hypothalamus) ؟ وليس فقط افراط طعام عضوي؟ اي ان السبب الرئيسي يبدي بسيكولوجي و يتحول عضوي في المخ قبل الوصول فقط لعدد و حجم الخلايا الدهنية.

تدرون ان الفتيات عرضة للسمنة في عمر ابكر من الأولاد؟

الحين دريتوا. شنو بتسوون❓❓❓

أول شي:
الصورة من تصوير الحب، تعرفون منو 😋

ثاني شي:

شلون أقدر التزم بالكميات اللي محددتيها حقي فرح او بالكميات المناسبة حق صحتي و جسمي في شهر رمضان المبارك؟

١. حطوا بصحن صغير. تبّين الكمية أكبر. حطوا الحلو بمواعين الأطفال و بادياتهم. بما انه نحن ناكل بعيوننا، فنحن نشبع بعيوننا بعد

٢. شربوا ماي و تمر او تمر و لبن و صلّوا بعدين ردّوا السفرة كملوا وجبتكم. البطن بيرسل للمخ انه يخفف من الشهوة و كمية الأكل

٣. وقت الغبقة سولفوا على الطاولة من دون ما يكون في صحنكم اكل. لما تبدون تاكلون تركيزكم ال ١٠٠٪؜ على الأكل جدامكم و الطعام اللي موجود و حواسكم كلها تنغمس باللحظة. لحظة دخول الأكل للفم، المضغ و البلع. التركيز و الحضور في الجمعات، دائما.

٤. تذكروا انه مو ضروري تاكلون كل شي بخاطركم على السفرة. فيه ٩ ساعات للإمساك. فيه اليوم الثاني. لاحقين تجربون كل شي. اول ما تبدون تحسون بالشبع قوموا عن طاولة الأكل.

٥. الماي حليفكم. كل ساعة بين الوجبات قلاص، و قبل كل وجبة قلاص.

٦. اذا ما تتابعون مع أخصائية تغذية، انصحكم عالأقل تتعلمون الكميات اللي تصلح لجسمكم واللي حتساعدكم توصلون لهدفكم الغذائي.

الأكل لذة. الأكل الناطع نعمة.

مو ضروري تنحرموا من اكلاتكم المفضلة او الأكل يكون ماصخ عشان ينزل وزنكم.

الشطارة بالكمية و بالتعامل مع الغذاء و برمجة مخكم على ذلك.

اللقمة من الكيك بتحلّيك و نص الكيك بيحلّيك. شوف انت اشكثر مهتم بصحتك و جسمك و اشكثر كافي لك الحلى…

انتو قولوا لي، شلون رمضان ويّاكم للحين؟؟

#غبقة #حلويات #رمضان #رمضانيات