Edge Elements

اول شي لازم نشرح شنو يعني انهيار السوق متى نقدر نقول انه انهار

الفكرة الأساسية إن مو كل انخفاض يعني "انهيار"، في ثلاث مراحل مختلفة:

**التصحيح** هو انخفاض بين ١٠٪ و٢٠٪ ويصير بشكل منتظم — تقريبًا مرة كل سنة أو سنتين. هذا طبيعي جدًا وجزء من صحة السوق، مو سبب للذعر.

**سوق الدب** يبدأ من ٢٠٪ انخفاض وما دون. هني المعنويات تتغير، الناس تبدأ تبيع من الخوف، وقد يمتد لأشهر أو سنة. مثال: أزمة ٢٠٢٢ لما انخفض S&P حوالي ٢٥٪.

**الانهيار الحقيقي** هو انخفاض ٤٠٪ فأكثر — وأهم شيء يميزه هو **السرعة**. مو بس الحجم. انهيار ١٩٢٩ كان ٨٩٪، انهيار كورونا ٢٠٢٠ كان ٣٤٪ في ٣٣ يوم بس.

القاعدة العملية: لما تسمعين "السوق انهار" في الأخبار، اسألي — جم النسبة وجم المدة؟ لأن الكلمة تنقال على أشياء مختلفة جدًا.

دايماً ايني هالسؤال: شنو لازم اسوي اذا ابي ابني ثروه في هالفتره؟ هل اوقف الاستثمار الشهري حاليا وانطر النزول؟

الجواب المختصر: لا توقفين، بالعكس هذا أحسن وقت تشترين فيه.

الإجابة الطويلة في ثلاث نقاط عملية:
أولًا، الانتظار يضرج مرتين — مرة لأنه فاتتج أسعار منخفضة، ومرة لأن الارتداد يصير فجأة وما أحد يعرف متى بالضبط. حتى المحترفين يفشلون في "توقيت السوق".
ثانيًا، الانهيار يعني إنك تشترين أكثر وحدات بنفس المبلغ. لو كنتِ تستثمرين ٥٠٠ دينار شهريًا وانخفض السعر ٣٠٪، معناها مبلغ الاستثماري اشترى ٤٣٪ أكثر مما كان يشتري قبل.
ثالثًا، اذا عندج سيولة إضافية فوق الاستثمار الشهري، هذا الوقت بالذات تزيدين فيه المبالغ — مو تنقصيها. الأثرياء ما بنوا ثرواتهم في أوقات الارتفاع.

السؤال الأهم الذي أنصحك تسأليه نفسك: هل احتياطيج النقدي الطارئ كامل؟ لأن شرط الاستمرار في الاستثمار وقت الأزمة هو إنج ما تحتاجين هذي الفلوس قريب.

تبين اساعدج في خطة مالية واستثمارية كامله وشلون تستفيدين من الانهيار سجلي في ورشة Money Reset المقاعد محدودة

هذي اهيا الفترة نفسها الي بنيت فيها الثروة لا تطوفج….

ماراح اتكلم عن خوف الاستثمار؛؛ هذا البوست حق الي تبي تستثمر بس مو عارفه جم لازم تستثمر ولي متى على شان توصل الهدف…

سويت لكم Compound Interest Calculator بالدينار الكويتي تساعدكم في هالموضوع، بس تحتاجين تحطين اول شي جم المبلغ الي راح تبدين فيه، وجم شهريا راح تضيفين عليه ايه لازم شهريا، نسبة العائد خليها على 8% وانصح انه عدد السنين ما يقل عن 15
سنة والcompound annual

وشوفي الأرقام إذا وصلتي المبلغ الي تبينه ممتاز إذا لا زيدي الاستثمار الشهري او عدد السنوات راح توصلين 😏

الcalculator موجوده في ال bio

Good Luck 😉