EPS Topic Exam Myanmar

အသက် ၂၁ နှစ်နဲ့ သိန်းထောင်ချီ အကြွေးပတ်လည်ဝိုင်းခဲ့ရတဲ့ "ယုံကြည်မှု" ရဲ့ နောက်ဆက်တွဲ အနိဋ္ဌာရုံ

​"ညီမလေးတို့ တစ်ယောက်ချင်းစီက သိန်း ၁၀၀၊ ၂၀၀ နဲ့ ဘဝမပျက်သွားပါဘူး၊ အစ်မက အကုန်လျော်ပေးရင် အစ်မဘဝပျက်မှာပေါ့" တဲ့...။

ဒီစကားက တာဝန်ယူမှုမရှိတဲ့ လုပ်ငန်းရှင်တစ်ယောက်က သူမကို ယုံကြည်ပြီး ပစ္စည်းအပ်ခဲ့တဲ့ ကျောင်းသူလေးတစ်ယောက်ကို ပြောလိုက်တဲ့ ရက်စက်လွန်းတဲ့ စကားတစ်ခွန်းပါ။

​ကိုရီးယားမှာ ကျောင်းတက်ရင်း မိဘကို ဝန်ထုပ်ဝန်ပိုးမဖြစ်စေချင်လို့ Supplier အလုပ်ကို ကြိုးစားကြည့်ခဲ့တဲ့ ညီမလေး Theint။ Medicube ပစ္စည်းတွေ ခေတ်စားနေချိန်မှာ Supplier ၃ ယောက်စုပြီး Cargo ကနေတစ်ဆင့် ပစ္စည်းတွေ ပို့ခဲ့ပါတယ်။

​ပစ္စည်းတန်ဖိုး: ဝမ် ၉၅၀ ကျော် (မြန်မာငွေ သိန်း ၃၀၀၀ နီးပါး)
​ပစ္စည်းအလေးချိန်: ၁၀၀၀ ကီလိုဂရမ် (1 Ton)
​ဝန်ဆောင်ခ: ၁ ကီလိုကို ဝမ် ၂၈,၀၀၀ (ဈေးအမြင့်ဆုံးပေးခဲ့ရတာပါ)
​စရန်ငွေ: ကားခ ဝမ်သိန်း ၉၀ ကျော်ကိုလည်း ကြိုတင်ပေးချေခဲ့ပြီးသား။

​၄ လကြာတဲ့အထိ အစပျောက်နေတဲ့ ပစ္စည်းများ
​၂ လပိုင်း ၁ ရက်နေ့ကတည်းက အပ်ခဲ့တဲ့ ပစ္စည်းတွေဟာ အခုဆို ၄ လထဲ ရောက်တော့မယ်။ "၂ ပတ်ပဲ ကြာမယ်" လို့ ကတိပေးခဲ့ပေမယ့် အခုထိ ပစ္စည်းက ဘယ်ရောက်နေမှန်း မသိ၊ ဘယ်တော့ ရောက်မလဲဆိုတာလည်း အတိအကျ မဖြေနိုင်တော့ပါဘူး။

​Logistics ဘက်က ပြဿနာတက်ရင်တောင် "အစ်မတစ်ယောက်လုံး ရှိတယ်၊ တာဝန်ယူတယ်" ဆိုတဲ့ စကားကြောင့် ယုံကြည်ခဲ့တာပါ။ ဒါပေမဲ့ တကယ်တမ်း ပြဿနာတက်လာတဲ့အခါမှာတော့-
​ Cargo ရဲ့ တာဝန်ရှိသူဟာ Group ထဲကနေ Left ထွက်ပြီး ခေါင်းရှောင်သွားပါတယ်။

​"နယ်ပြန်ပြီး ပစ္စည်းရောင်းလျော်မယ်" လို့ အကြောင်းပြခဲ့ပေမယ့် ရန်ကုန်မှာပဲ အေးဆေး အလုပ်လုပ်နေတာကို တွေ့ရပါတယ်။
​Online ပေါ်မှာတော့ "သိန်း ၂၀၀၀ ကျော် လျော်ပေးလိုက်ရပြီ" လို့ ပုံရိပ်ကောင်းအောင် ပြောနေပေမယ့် လက်တွေ့မှာတော့ တစ်ပြားတစ်ချပ်မှ မလျော်ပေးခဲ့ပါဘူး။
​
​ကိုယ့်ကို ယုံကြည်ပြီး အော်ဒါတင်ထားတဲ့ Customer တွေရှေ့မှာ မျက်နှာမပျက်ချင်လို့၊ နာမည်အပျက်မခံချင်လို့ ညီမလေးမှာ အတိုးနဲ့ ပိုက်ဆံတွေချေးပြီး တစ်ဖက်သတ် Refund တွေ လိုက်လုပ်ပေးနေရပါတယ်။

​"အမေ့မျက်နှာကို မြင်ရင် ငိုမိမှာစိုးလို့ အမေနဲ့ ဖုန်းမပြောရတာ တစ်လကျော်ပြီ..."

​ဒီစကားက ညီမလေးရဲ့ ခံစားချက်ကို အတိုင်းသား မြင်နေရပါတယ်။ လုပ်ငန်းရှင်ကြီးတွေက "ဘဝပျက်မှာစိုးလို့" ခေါင်းရှောင်နေချိန်မှာ အသက် ၂၁ နှစ်အရွယ် ကျောင်းသူလေးကတော့ တကယ်ကို ဘဝပျက်မတတ် စိုက်လျော်ပေးနေရတာပါ။
​
​Cargo တို့ရဲ့ တာဝန်ယူမှု ကင်းမဲ့ပုံကို သိရှိစေဖို့။
​နောက်ထပ် ကျောင်းသူ/သားတွေ၊ လုပ်ငန်းရှင်ငယ်လေးတွေ အခုလို မနစ်နာစေဖို့။

​ဒီအကြောင်းအရာကို အများသိအောင် ဝိုင်းဝန်း Share ပေးကြပါဦး။ တရားမျှတမှု ရရှိပါစေလို့ ဆုတောင်းပေးပါတယ်🙏🙏🙏

အိမ်မက်တို့ ဆုံဆည်းရာမြေမှ ကြွေလွင့်သွားရတဲ့ ကြယ်တစ်ပွင့်

​မိသားစုရဲ့ ရှေ့ရေးအတွက် ကိုရီးယားမြေမှာ ချွေးနဲ့ရင်းပြီး ကြိုးစားခဲ့တဲ့ အိမ်ထောင်ဦးစီးတစ်ယောက်ရဲ့ ခရီးစဉ်ဟာ မမျှော်လင့်ဘဲ ဆုံးခန်းတိုင်သွားခဲ့ရပါပြီ။
​ရန်ကုန်၊ ဒဂုံအရှေ့ပိုင်းကနေ မိသားစုကို လုပ်ကျွေးဖို့ ရောက်ရှိနေတဲ့ ကိုကျော်မင်းဦး (၃၈ နှစ်) ဟာ ပြီးခဲ့တဲ့ ဧပြီလ ၂၄ ရက် ရေချိုးပြီးချိန်မှာ ရုတ်တရက် ဦးနှောက်သွေးကြောပေါက်တဲ့ ဝေဒနာကို ခံစားခဲ့ရပါတယ်။ ဂင်မ်ချောင်မြို့ ဂျယ်အိလ်ဆေးရုံမှာ အောင်မြင်စွာ ခွဲစိတ်နိုင်ခဲ့လို့ မျှော်လင့်ချက်တွေ ရှိခဲ့ပေမယ့် ဦးနှောက်အတွင်း သွေးယိုစိမ့်မှု ထပ်မံဖြစ်ပွားခဲ့တာကြောင့် မေလ ၇ ရက် နံနက်အစောပိုင်းမှာပဲ အသက်ဇီဝိန် ချုပ်ငြိမ်းသွားခဲ့ပါတယ်။

​ဇနီးဖြစ်သူ ဒေါ်မြင့်မြင့်စိုးနဲ့ သားသမီးသုံးဦးတို့ရဲ့ အားကိုးရာဖြစ်တဲ့ ကိုကျော်မင်းဦးဟာ အဝေးတစ်နေရာမှာ ရှိနေပေမယ့် နောက်ဆုံးအချိန်အထိ အစွမ်းကုန် တိုက်ပွဲဝင်သွားခဲ့ပါတယ်။ သူ့ရဲ့ ကြိုးစားမှုနဲ့ မိသားစုအပေါ် ထားတဲ့ မေတ္တာတွေကတော့ ကျန်ရစ်သူတွေရဲ့ ရင်ထဲမှာ အမြဲရှိနေမှာပါ။

​ကိုကျော်မင်းဦးတစ်ယောက် ကောင်းရာသုဂတိလားပါစေ။မိသားစုနှင့်ထပ်တူ ဝမ်းနည်းကြေကွဲရပါသည်။