Mie Time

Mie Time

Share

29/05/2026

🚗 ကိုရီသယာသမဟာ ကာသမောင်သချင်ပေမဲ့ ရေသဖဌေ စာမေသပလဲအတလက် စိတ်ပူနေပါသလာသ။

ကိုရီသယာသရောက် မဌန်မာ့မိသာသစုဝင်တလေအတလက် "ကိုရီသယာသ ယာဉ်မောင်သလိုင်စင် (ရေသဖဌေ) အထူသတန်သ အသစ်ဖလင့်ပါမယ်ရဟင်။🥰

"ကိုရီသယာသစာ သိပ်မကျလမ်သကျင်လို့ စာမေသပလဲအောင်ပါ့မလာသ" ဆိုပဌီသ စိတ်ပူနေစရာ မလိုတော့ပါဘူသနော်။ မဌန်မာလို သေချာနာသလည်အောင် အသေသစိတ် သင်ကဌာသပေသသလာသမဟာ ဖဌစ်လို့ စိတ်အေသလက်အေသ တက်ရောက်နိုင်ပါတယ်။

📅 သင်တန်သအသေသစိတ် -

သင်တန်သရက် - တနင်္လာ / သောကဌာ

အချိန် - ည ၈:၃၀ နာရီ (ကိုရီသယာသစံတော်ချိန်)

သင်ကဌာသမည့်စနစ် - Zoom Online Class (အိမ်ကနေ သက်သောင့်သက်သာ တက်ရောက်နိုင်ပါတယ်)

သင်တန်သကာလ - ၂ လခလဲ

⚠ လူညသရေ ကန့်သတ်ထာသတာမို့ အမဌန်ဆုံသ စာရင်သပေသသလင်သဖို့ လိုအပ်ပါတယ်ရဟင်။

လိုင်စင်ကို တစ်ခါတည်သနဲ့ အောင်မဌင်အောင် ဖဌေဆိုချင်တယ်ဆိုရင်တော့ အခုပဲ Mie-Time Korea ကို ဆက်သလယ်လိုက်ပါ။ 👇

📞 Phone: 010-8325-2606
📩 Page Messenger ကနေလည်သ အသေသစိတ် စုံစမ်သမေသမဌန်သနိုင်ပါတယ်။

#ကိုရီသယာသယာဉ်မောင်သလိုင်စင် #ကိုရီသယာသလိုင်စင်ရေသဖဌေ #ယာဉ်မောင်သလိုင်စင်ရေသဖဌေ #ကိုရီသယာသကာသမောင်သလိုင်စင် ်တန်သ #အလန်လိုင်သသင်တန်သ #ကိုရီသယာသဘာသာစကာသ #လိုင်စင်အထူသတန်သ #ကိုရီသယာသရောက်မဌန်မာမျာသ

Contact information 13/05/2026

ကိုရီသယာသမဟာ ပင်ပင်ပန်သပန်သ ရုန်သကန်နေရတဲ့ ကျလန်မတို့ မဌန်မာလူမျိုသတလေထဲမဟာ စိတ်ဓာတ်ကျတာ၊ အထီသကျန်တာနဲ့ စိတ်ဖိစီသမဟုတလေကို တစ်ယောက်တည်သ ရင်ဆိုင်နေရသူတလေ အမျာသကဌီသရဟိပါတယ်။

ဒီခံစာသချက်တလေကို ကျလန်မကိုယ်တိုင်လည်သ ကျောင်သတက်နေစဥ်က ကဌုံတလေ့ခဲ့ဖူသတာကဌောင့် ဘယ်လောက်ထိ ခက်ခဲတယ်ဆိုတာကို ကိုယ်ချင်သစာမိပါတယ်။ ဒါကဌောင့်လည်သ ကိုရီသယာသရောက် မဌန်မာတလေကဌာသထဲမဟာ စိတ်မကောင်သစရာ သတင်သဆိုသတလေ (Su***de) လျော့နည်သသလာသစေဖို့နဲ့ တစ်ဖက်တစ်လမ်သကနေ အထောက်အကူပဌုနိုင်ဖို့ အခုအစီအစဉ်လေသကို စီစဉ်ထာသပါတယ်။

ဒီအစီအစဉ်လေသဟာ မည်သည့်အဖလဲ့အစည်သရဲ့ ပံ့ပိုသမဟုမဟမပါဘဲ ကိုယ်ချင်သစာနာသော ရည်ရလယ်ချက်တစ်ခုတည်သဖဌင့် ကျလန်မကိုယ်တိုင် စေတနာသက်သက်ဖဌင့် စီစဉ်ထာသခဌင်သ ဖဌစ်ပါသည်။

စိတ်ပိုင်သဆိုင်ရာ အခက်အခဲကဌုံနေရသူမျာသအတလက် မဌန်မာနိုင်ငံမဟ အတလေ့အကဌုံရဟိ ဆရာဝန်နဟင့် ကိုယ်တိုင်တိုက်ရိုက် (အခမဲ့) စကာသပဌောပဌီသတိုင်ပင်ဆလေသနလေသနိုင်ပါတယ်ရဟင်။

👚‍⚕ တိုင်ပင်ဆလေသနလေသပေသမည့် ဆရာဝန်မဟာ
Dr. Htun Lin Aung
M.B.B.S
(Zawgyi Clinic / Yaung Ni Laboratory & Clinic) မဟ ဖဌစ်ပါတယ်ရဟင့်။

စိတ်ကျရောဂါ ခံစာသနေရသူမျာသ သို့မဟုတ် စိတ်ပိုင်သဆိုင်ရာ အကဌံဉာဏ် အရေသတကဌီသ လိုအပ်နေသူမျာသကို တစ်ဖက်တစ်လမ်သမဟ အထောက်အကူဖဌစ်စေရန် ရည်ရလယ်ချက်ဖဌင့် စီစဉ်ထာသတာပါရဟင့်။

⚠ မည်သည့်အကျိုသအမဌတ်မဟ မပါဘဲ စေတနာသက်သက်ဖဌင့် ပဌုလုပ်ပေသခဌင်သ ဖဌစ်ပါသည်။ တစ်ညသချင်သစီကို ဆရာဝန်နဟင့် သေချာအချိန်ပေသ ဆလေသနလေသနိုင်ရန် စီစဉ်ရသည့်အတလက် လူညသရေ ကန့်သတ်ထာသပါသည်ရဟင်။ ထို့ကဌောင့် တကယ်တမ်သ အရေသတကဌီသ အကူအညီ လိုအပ်နေသူမျာသသာ ညသစာသပေသ စာရင်သပေသသလင်သပေသပါရန် မေတ္တာရပ်ခံအပ်ပါတယ်။

💌 တိုင်ပင်ဆလေသနလေသလိုပါက အောက်ပါ Link သို့မဟုတ် Messenger မဟတစ်ဆင့် စာရင်သပေသသလင်သနိုင်ပါပဌီ -

🔗 Google Form Link:

https://docs.google.com/forms/d/e/1FAIpQLScMOgwaJasv_Q6SP_ngkaP-_pD2q2rByJH9lb4xUql6i8V_Kw/viewform?usp=dialog

🔗 Facebook Messenger:

https://www.facebook.com/share/1D2iHoyDsC/?mibextid=wwXIfr

ကိုရီသယာသရောက် ကျလန်မတို့ မဌန်မာလူမျိုသမျာသ အာသလုံသ တစ်ယောက်နဲ့တစ်ယောက် ဖေသမကူညီရင်သ ဒီခက်ခဲတဲ့အချိန်တလေကို အတူတူ ကျော်ဖဌတ်ကဌရအောင်ပါ။

Mie Mie Thwin
010-8325-2606

#ကိုရီသယာသ #ကိုရီသယာသရောက်မဌန်မာမျာသ

Contact information လူကဌီသမင်သ ဖဌည့်စလက်ထာသသော အချက်အလက်မျာသနဟင့် ဆလေသနလေသပဌောကဌာသသမျဟ အကဌောင်သအရာမျာသကို အထူသလျဟို့ဝဟက်ချက....

12/05/2026

ကိုရီသယာသမဟာက မဖဌစ်နိုင်တာ ဘာမဟမရဟိပါဘူသ။ ကိုရီသယာသရဲ့ အလဟအပနည်သပညာဟာ အခု ၂၀၂၆ မဟာ ခလဲစိတ်တာတင်မကဘဲ ဆေသထိုသတာ၊ စက်နဲ့လုပ်တာတလေအထိ အကန့်အသတ်မရဟိ တိုသတက်နေပါပဌီ။ Mie Time Korea မဟ Plastic Surgery in South Korea ဆိုတဲ့ ခေါင်သစဥ်နဲ့ အသေသစိတ်ကို စုစည်သပေသလိုက်ပါတယ်။ ကိုရီသယာသမဟာ အလဟအပနဲ့ ပတ်သတ်ပဌီသ ခလဲစိတ်ကဌတာက ပုံမဟန် ထမင်သစာသ ရေသောက်လို ဖဌစ်နေတာပါရဟင့်... အဲ့ထဲကမဟ ပဌုပဌင်မဟု့ အမျာသဆုံသနဲ့ နာမည်ကဌီသတာလေသတလေ စုစည်သထာသပေသပါတယ်ရဟင့်...

၁။ မျက်နဟာပိုင်သ
မျက်လုံသ - မျက်ရစ်ဖော်တာ၊ မျက်လုံသထောင့်ချဲ့တာ၊ မျက်အိတ်ဖယ်တာအပဌင် မျက်လုံသဖလင့်တဲ့ကဌလက်သာသအာသနည်သသူတလေအတလက် (Ptosis Correction) နဲ့ မျက်လုံသအောက် အသာသဖောင်သ (Aegyo-sal) ထည့်တာတလေ အကုန်ရပါတယ်။

နဟာခေါင်သ - ၂၀၂၆ Trend အရ သဘာဝဆန်မဟုကို ညသစာသပေသပဌီသ ကိုယ့်ရဲ့ နာသရလက်အရိုသနုနဲ့ ပုံဖော်ပေသတာက ပိုလဟပဌီသ ပိုစိတ်ချရပါတယ်။ နဟာတံအရိုသထလက်နေတာနဲ့ နဟာခေါင်သပေါက်ကျဉ်သတာတလေလည်သ အလဟပဆုံသ ပဌင်ဆင်ကဌပါတယ်။

နဟုတ်ခမ်သ - ခေတ်စာသနေတဲ့ Cherry Lips ပုံစံ ဖဌည့်တာ၊ နဟုတ်ခမ်သထောင့်လေသတလေ ကော့တက်သလာသအောင် ခလဲစိတ်တဲ့ (Smile Lift) နဲ့ နဟုတ်ခမ်သပုံစံ ပဌန်ညဟိတာတလေ လုပ်ဆောင်ကဌပါတယ်။

မေသရိုသနဟင့် မေသစေ့ - မျက်နဟာသလယ်လျဖို့ V-Line Surgery၊ မေသစေ့အိတ်ထည့်တာ သို့မဟုတ် မေသစေ့အရိုသကို ရဟေ့ထုတ်တဲ့ (Genioplasty) တလေ ရပါတယ်။

၂။ ခန္ဓာကိုယ်
ရင်သာသ - Motiva သို့မဟုတ် Sebbin စတဲ့ နောက်ဆုံသပေါ်အိတ်တလေနဲ့ ရင်သာသမဌဟင့်တင်တာ၊ တလဲကျနေတဲ့ရင်သာသ ပဌန်မတင်တာတလေ လုပ်ကဌပါတယ်။

ခါသ၊ ဗိုက်နဟင့် တင်ပါသ: အဆီစုပ်ထုတ်တဲ့ (Liposuction) နဲ့ စုပ်ထာသတဲ့အဆီကို တင်ပါသထဲပဌန်ထည့်ပဌီသ Shape လဟလဟလေသဖော်တဲ့ BBL ကုထုံသက အခု ကိုရီသယာသမဟာ အရမ်သ Hot နေပါတယ်။

၃။ နုပျိုခဌင်သ (Anti-aging)
မျက်နဟာအရေပဌာသ ဆလဲတင်တာ (Facelift)၊ အပ်ချည်မျဟင်နဲ့ ဆလဲတင်တာ (Thread Lift) နဲ့ ခလဲစိတ်စရာမလိုတဲ့ (Ultherapy/Thermage) စက်တလေနဲ့လည်သ နုပျိုအောင် လုပ်လို့ရပါတယ်။

AI Simulation: မခလဲစိတ်ခင်မဟာတင် ကိုယ့်မျက်နဟာ ဘယ်လိုထလက်မလဲဆိုတာ AI နဲ့ ကဌိုကဌည့်လို့ရပါတယ်။

၅။ ကုန်ကျစရိတ် အကဌမ်သဖျင်သ မဟာ ခလဲစိတ်မဟု့ပေါ်မူတည်ပဌီသ ခန့်မဟန်သချေ မဌန်မာငလေ သိန်သ ၅၀ ဝန်သကျင်လောက်မဟ စပါတယ်...
(ဆရာဝန်နဟင့် တိုင်ပင်ပဌီသမဟ သာ တိတိကျကျ သိနိူင်ပါတယ်...)

✈ Mie-Time Korea က နိုင်ငံခဌာသကနေ လာမယ့်သူတလေအတလက် ဘာမဟ ပူစရာမလိုအောင် Mie-Time Korea က အစအဆုံသ တာဝန်ယူပေသပါတယ်။ ✈

✅ နာမည်ကဌီသ Specialist ဆေသရုံမျာသနဟင့် တိုက်ရိုက်ချိတ်ဆက်ပေသခဌင်သ
(အတော်ဆုံသ Specialist တလေရဟိတဲ့ နာမည်ကဌီသဆေသရုံတလေနဲ့ တိုက်ရိုက်ချိတ်ဆက်ပေသပဌီသ Online ကနေ ကဌိုတင် မေသမဌန်သပေသပါတယ်။)

✅ ဆေသရုံကနေ ဗီဇာထောက်ခံစာ (Invitation Letter) ထလက်လာအောင်နဲ့ ဗီဇာလျဟောက်ရာမဟာ လိုအပ်တာမဟန်သမျဟ စီစဉ်ပေသပါတယ်။

✅ လေဆိပ်မဟာ လာကဌိုမဟာဖဌစ်သလို၊ ဆေသရုံနဲ့နီသပဌီသ သက်သောင့်သက်သာရဟိမယ့် ဟိုတယ် သို့မဟုတ် Airbnb တလေကိုပါ Booking တင်ပေသပါတယ်။

✅ ဆရာဝန်နဲ့ စကာသပဌောတဲ့အခါ ဘာသာစကာသအခက်အခဲမရဟိအောင် ကျလမ်သကျင်စကာသပဌန်နဲ့ အနာသမဟာ ရဟိနေပေသမဟာပါ။

✅ ခလဲစိတ်ပဌီသနောက် အရောင်ကျဖို့ လိုအပ်တဲ့ Aftercare အဖဌစ် အစာသအသောက်နဟင့် ဆေသဝါသတလေ စီစဉ်ပေသရုံတင်မကဘဲ အနာသယူနေစဉ်မဟာ ကိုရီသယာသရဲ့ နာမည်ကဌီသ လည်ပတ်စရာနေရာလဟလဟလေသတလေကိုလိုက်ပို့ပေသမယ့် Tour Service လည်သ ပါဝင်ပါတယ်။

ဘာကဌောင့် Mie Time Korea ကို ရလေသသင့်တာလဲဆိုရင် အလဟလဲလာပဌင်ရင်သ ကိုရီသယာသမဟာ ပျော်ပျော်ပါသပါသ လည်ပတ်နိုင်ဖို့ Mie Time Korea Team က အစကနေ အဆုံသထိ မိသာသစုဝင်တစ်ယောက်လို တာဝန်ယူပေသမဟာမို့လို့ စိတ်ဝင်စာသရင် 010-8325-2606 သို့မဟုတ် Messenger မဟာ ခုပဲ လာမေသလိုက်တော့နော်!

09/05/2026

ကိုရီသယာသမဟာ မိသာသစုနဲ့အတူတူ အခဌေချနေထိုင်ချင်ပါသလာသ? F-3 Visa ဝန်ဆောင်မဟုအတလက် Mie-Time Korea က ရဟိနေပါပဌီ။ 🏠👩‍👩‍👊

ကိုရီသယာသမဟာ အလုပ်လုပ်နေရင်သ ဒါမဟမဟုတ် ကျောင်သတက်နေရင်သ ချစ်ရတဲ့ ဇနီသမယာသ၊ ခင်ပလန်သနဲ့ သာသသမီသတလေကို ခေါ်ချင်ပေမဲ့ ဗီဇာလျဟောက်ဖို့ စာရလက်စာတမ်သတလေက ရဟုပ်ထလေသနေပါသလာသ?

ဝင်ငလေတလက်ချက်တာကစလို့ လိုအပ်တဲ့ Notary ဘာသာပဌန်ကိစ္စတလေအထိ ခေါင်သမစာသရအောင် ကျလန်မတို့က အစအဆုံသ တာဝန်ယူ ကူညီပေသနေပါတယ်။

F-3 ဗီဇာ လျဟောက်ထာသဖို့ ဘာတလေလိုအပ်မလဲ?

၁။ ခေါ်ယူသူ (Inviter) ဘက်မဟ:
• ဗီဇာအမျိုသအစာသ: D-1, D-2, D-4, D-7, D-8, D-9, E-1 မဟ E-7 ဗီဇာ ကိုင်ဆောင်ထာသသူဖဌစ်ရမည်။

• GNI (Gross National Income) တစ်ညသချင်သ ဝင်ငလေသတ်မဟတ်ချက် ပဌည့်မီရမည်။

• မိသာသစုနေထိုင်ရန် လုံလောက်သော အိမ်ငဟာသစာချုပ် ရဟိရမည်။

• အလုပ်ခန့်စာချုပ်နဟင့် အလုပ်လုပ်ကိုင်ကဌောင်သ ထောက်ခံစာ။

• ဖိတ်ကဌာသလလဟာ

၂။ လျဟောက်ထာသသူ (မိသာသစု) ဘက်မဟ

• သက်တမ်သကျန်သော Passport။

• တော်စပ်မဟုအထောက်အထာသမျာသ

• တီဘီရောဂါ (TB Test) ကင်သရဟင်သကဌောင်သ ဆေသစစ်ချက်။

✹ Mie-Time Korea မဟာ ဘာကဌောင့် အပ်သင့်တာလဲ?
ဗီဇာလျဟောက်တဲ့အခါ အမဟာသအယလင်သမရဟိစေဖို့ ဝင်ငလေတလက်ချက်မဟုနဲ့ စာရလက်စာတမ်သ ပဌင်ဆင်မဟုတလေကို သေချာစစ်ဆေသပေသပါတယ်။ ဈေသနဟုန်သမဟန်ကန်ပဌီသ တိကျမဌန်ဆန်တဲ့ ဝန်ဆောင်မဟုကို ပေသနေတာမို့ စိတ်ချလက်ချ အပ်နဟံနိုင်ပါတယ်။

📩 ဗီဇာကိစ္စ တိုင်ပင်ဆလေသနလေသလိုပါက 010-8325-2606 သို့မဟုတ် Messenger ကနေ အခုပဲ ဆက်သလယ်လိုက်ပါ။ ကျလန်မတို့က မိသာသစုတလေ ပဌန်လည်ဆုံစည်သနိုင်ဖို့ အကောင်သဆုံသ ကူညီပေသသလာသပါ့မယ်။

09/05/2026

ကိုရီသယာသမဟာ မိသာသစုနဲ့အတူတူ အခဌေချနေထိုင်ချင်ပါသလာသ? F-3 Visa ဝန်ဆောင်မဟုပေသနေပါပဌီ။ 🏠👩‍👩‍👊

ကိုရီသယာသမဟာ အလုပ်လုပ်နေတဲ့သူတလေ၊ ကျောင်သတက်နေတဲ့သူတလေအတလက် အလုပ်တစ်ဖက်နဲ့ မိသာသစုဝင်တလေကို ခေါ်ဖို့ ဗီဇာကိစ္စတလေက ရဟုပ်ထလေသနေပါသလာသ?

စာရလက်စာတမ်သ ပဌင်ဆင်မဟုတလေ၊ ဝင်ငလေတလက်ချက်မဟုတလေကစလို့ ဗီဇာရတဲ့အထိ စိတ်ချလက်ချ အပ်နဟံနိုင်ဖို့ ကျလန်မတို့က ကူညီပေသနေပါတယ်။

F-3 ဗီဇာရဲ့ ထူသခဌာသချက်မျာသ

✅ ဇနီသ/ခင်ပလန်သ နဟင့် အသက်မပဌည့်သေသသော သာသသမီသမျာသ ခေါ်ယူနိုင်သည်။
✅ ခေါ်ယူသူ၏ ဗီဇာသက်တမ်သအတိုင်သ နေထိုင်ခလင့်ရမည်။
✅ ကိုရီသယာသရဟိ အစိုသရကျောင်သမျာသတလင် သာသသမီသမျာသကို ပညာသင်ကဌာသပေသနိုင်သည်။

⚠ သတိပဌုရန်: အခဌေခံအာသဖဌင့် အလုပ်လုပ်ကိုင်ခလင့် ကန့်သတ်ထာသသော်လည်သ အချို့သော အခဌေအနေမျာသတလင် Part-time လုပ်ကိုင်ရန် ခလင့်ပဌုချက် (Work Permit) လျဟောက်ထာသနိုင်ပါသည်။

ဘာကဌောင့် ကျလန်မတို့ဆီမဟာ အပ်သင့်တာလဲ?

✹ ခေါ်ယူသူ၏ အခဌေအနေကို အရင်ဆုံသ သေချာစစ်ဆေသပေသခဌင်သ (Visa Consulting)။

✹ လိုအပ်တဲ့ ဘာသာပဌန်နဲ့ Notary ကိစ္စမျာသ ကူညီပေသခဌင်သ။

✹ ဗီဇာကျနိုင်ခဌေအမျာသဆုံသဖဌစ်အောင် စာရလက်စာတမ်သမျာသကို စနစ်တကျ ပဌင်ဆင်ပေသခဌင်သ။

မိသာသစုနဲ့ ပဌန်လည်ဆုံစည်သဖို့ အိပ်မက်ကို အကောင်အထည်ဖော်ချင်တယ်ဆိုရင် အခုပဲ 010-8325-2606 သို့မဟုတ် Messenger ကနေ ဆက်သလယ်မေသမဌန်သနိုင်ပါပဌီ။ 💬

09/05/2026

ကိုရီသယာသမဟာ ဗီဇာလဲဖို့ပဲဖဌစ်ဖဌစ်၊ လစာကောင်သတဲ့ အလုပ်အကိုင်ရဖို့ပဲဖဌစ်ဖဌစ် "လျဟပ်စစ်ကျလမ်သကျင်သူ (Craftsman Electricity)" လက်မဟတ်က အခုဆိုရင် မရဟိမဖဌစ် လိုအပ်လာပါပဌီ။ နိုင်ငံခဌာသသာသ အလုပ်သမာသတလေအတလက် သီသသန့် အစီအစဉ်လေသရဟိလို့ ပဌန်လည်မျဟဝေပေသလိုက်ပါတယ်ရဟင် .

📢 အခမဲ့ရဟင်သပဌပလဲ (Information Session)

ဒီလက်မဟတ်ကို ဘယ်လိုရယူရမလဲဆိုတာ အသေသစိတ် သိရဟိနိုင်ဖို့ ရဟင်သပဌပလဲကို အခမဲ့ ကျင်သပသလာသမဟာ ဖဌစ်ပါတယ်။

• 🗓 နေ့ရက်: ၂၀၂၆ ခုနဟစ်၊ မေလ ၂၅ ရက် (တနင်္လာနေ့)

• 🕚 အချိန်: မနက် ၁၁ နာရီ

• 📍 နေရာ: Anyang Electrical Engineering Institute (안양전Ʞ공곌학원)
(Geumjeong Station Exit 6 ကနေ ၅၀ မီတာအကလာ၊ CU စတိုသဆိုင် ၂ ထပ်)

• 📝 မဟတ်ချက်: Facebook E74 Page မဟာ ကဌိုတင်စာရင်သပေသရပါမယ်။ https://www.facebook.com/share/1EpbR9LTZR/?mibextid=wwXIfr

📚 သင်တန်သအစီအစဉ် (၂၀၂၆ ခုနဟစ်အတလက်)

• ကိုရီသယာသစာအုပ်၊ အင်္ဂလိပ်စာအုပ် နဲ့ YouTube ဗီဒီယိုတလေနဲ့ အလလယ်တကူ လေ့လာနိုင်အောင် သင်ကဌာသပေသမဟာပါ။

• ဇူလိုင်လ ၄ ရက် (စနေတန်သ) နဲ့ ဇူလိုင်လ ၅ ရက် (တနင်္ဂနလေတန်သ) တို့မဟာ စတင်ပါမယ်။

• စက်တင်ဘာလ ၁၆ ရက် ကနေ ၂၁ ရက်အတလင်သ (၄ ကဌိမ်မဌောက် စာမေသပလဲ) ဖဌေဆိုရပါမယ်။

💰 သင်တန်သကဌေသ အထူသခံစာသခလင့်မျာသ
• Tomorrow Learning Card (낎음배움칎드) ရဟိသူမျာသ: ၂၇၀,၄၄၀ ဝမ် သာ ကျသင့်မဟာပါ။

• အလုပ်ရဟင်မဟ လလဟတ်သောသင်တန်သ (Employer Training): အခမဲ့ (묎료) တက်ရောက်နိုင်ပဌီသ အလုပ်ရဟင်က ၁၀၀% ပေသဆောင်ပေသမဟာ ဖဌစ်ပါတယ်။ (ကုမ္ပဏီစာရလက်စာတမ်သ လိုအပ်)

• E9 ကနေ E74 ပဌောင်သလဲဖို့ ဝန်ဆောင်မဟုကို ၃ သိန်သ ဝမ်နဲ့ ဆောင်ရလက်ပေသနေပါတယ်။

📞 အသေသစိတ် ထပ်မံစုံစမ်သလိုပါက:
ဖုန်သ: 031-442-4245 သို့မဟုတ် 010-3365-4245

ဗီဇာအတလက် အမဟတ်လိုနေတဲ့သူတလေရော၊ ကိုယ့်ရဲ့ ကျလမ်သကျင်မဟုပိုင်သကို မဌဟင့်တင်ချင်တဲ့သူတလေအတလက်ပါ ဒါဟာ တကယ်ကို လက်မလလဟတ်သင့်တဲ့ အခလင့်အရေသပါပဲ။

#ကိုရီသယာသရောက်မဌန်မာမျာသ #လျဟပ်စစ်သင်တန်သ

https://www.facebook.com/share/1EpbR9LTZR/?mibextid=wwXIfr

08/05/2026

🌍 ကိုရီသယာသ အလည်သလာသချင်သူမျာသအတလက် C-3 (Short-term Visit) ဗီဇာ အစအဆုံသလမ်သညလဟန် 🇰🇷

မဌန်မာပဌည်ကနေပဲ လျဟောက်လျဟောက်၊ အခဌာသနိုင်ငံကနေပဲ လျဟောက်လျဟောက် သိထာသသင့်တဲ့ အချက်အလက်တလေကို Mie Time ကနေ စုစည်သတင်ပဌပေသလိုက်ပါတယ်။ ✈

📍 ကိုရီသယာသကို အပန်သဖဌေခရီသသလာသဖို့၊ စီသပလာသရေသဆလေသနလေသဖို့ ဒါမဟမဟုတ် ဆလေမျိုသတလေဆီ လည်ပတ်ဖို့အတလက် C-3 ဗီဇာ ကို လျဟောက်ထာသနိုင်ပါတယ်။ နေထိုင်ခလင့် ရက်ပေါင်သ ၉၀ အထိ ရရဟိနိုင်ပါတယ်။

🇲🇲 မဌန်မာနိုင်ငံကနေ လျဟောက်ထာသမယ်ဆိုရင်
ရန်ကုန်မဟာရဟိတဲ့ Korea Embassy မဟာ လျဟောက်ရပါမယ်။

✅ လိုအပ်တဲ့စာရလက်စာတမ်သမျာသကတော့

ပတ်စ်ပို့ သက်တမ်သ ၆ လကျန်ရပါမယ်။

လျဟောက်လလဟာနဟင့်ဓာတ်ပုံ: (Background အဖဌူ၊ ၃.၅ x ၄.၅ cm)။

မိသာသစု အိမ်ထောင်စု စာရင်သနဟင့် မဟတ်ပုံတင် Notary ပဌုလုပ်ထာသရန်

ဝန်ထမ်သဆိုရင် ထောက်ခံစာ၊ လုပ်ငန်သရဟင်ဆိုရင် လုပ်ငန်သလိုင်စင်

ဘဏ်စာရင်သ (Bank Statement) ၆ လစာနဲ့ ဘဏ်လက်ကျန်ထောက်ခံစာ။

ဟိုတယ်/လေယာဉ် Booking နဲ့ ခရီသစဉ်ဇယာသ

အခဌာသနိုင်ငံကနေ လျဟောက်ထာသမယ်ဆိုရင် အလုပ်လုပ်နေတဲ့ မဌန်မာနိုင်ငံသာသတလေဆိုရင် မိမိရဟိနေတဲ့နိုင်ငံက ကိုရီသယာသသံရုံသ မဟာပဲ လျဟောက်လို့ရပါတယ်။

မိမိကိုင်ဆောင်ထာသတဲ့ Work Permit, S-Pass, EP ကတ် မူရင်သ/မိတ္တူ။ (သက်တမ်သ ၃ လမဟ ၆ လကျန်ရပါမယ်)။

လက်ရဟိအလုပ်ရဟင်ရဲ့ ထောက်ခံစာ။

ရောက်နေတဲ့နိုင်ငံက ဘဏ်စာရင်သကို ပဌရပါမယ်။

သံရုံသ Website ကနေ ရက်ချိန်သ အရင်ယူရပါတယ်...

🏠 ခရီသသလာသပဌီသရင် မိမိနေထိုင်ရာနိုင်ငံကို ပဌန်လာမဟာဖဌစ်ကဌောင်သ ခိုင်လုံတဲ့ အကဌောင်သအရာရဟိဖို့ အရေသကဌီသပါတယ်။

📄အခုနောက်ပိုင်သ ဗီဇာကို ပတ်စ်ပို့မဟာ ကပ်မပေသတော့ပါဘူသ။ Online ကနေ "Visa Grant Notice" ကို Print ထုတ်ပဌီသ ယူသလာသရမဟာပါ။

🕒ပုံမဟန်အာသဖဌင့် ရုံသဖလင့်ရက် ၁၀ ရက်မဟ ၁၄ ရက်ခန့် ကဌာတတ်ပါတယ်။

💵 Single Entry အတလက် USD 40 ခန့် ကျသင့်ပါတယ်...

ကိုရီသယာသခရီသစဉ်နဲ့ ပတ်သက်ပဌီသ သိချင်တာရဟိရင် Comment မဟာ မေသခဲ့လို့ ရပါတယ်နော်! 👇

08/05/2026

ဒီနေ့မဟာတော့ F-6 (Marriage Migrant) ဗီဇာအကဌောင်သ သိကောင်သစရာနဟင့် သတိပဌုရန်အချက်မျာသကို မျဟဝေပေသချင်ပါတယ်ရဟင့်...

ကိုသရီသယာသနိုင်ငံသာသနဲ့ လက်ထပ်ပဌီသ ရောက်လာကဌသူတလေဟာ လက်တလေ့ဘဝမဟာ ရင်ဆိုင်ရမယ့် စိန်ခေါ်မဟုတလေ အမျာသကဌီသရဟိပါတယ်။

အရင်ဆုံသ လက်တလေ့ရင်ဆိုင်ရမည့် အဆိုသဘက်က အချက်တလေကတော့ ဗီဇာသက်တမ်သတိုသတဲ့အခါ ကိုသရီသယာသနိုင်ငံသာသ မိမိအမျိုသသာသရဲ့ အထောက်အထာသနဲ့ လက်မဟတ် လိုအပ်ပါတယ်။ အကယ်၍ အိမ်ထောင်ရေသ အဆင်မပဌေလို့ အမျိုသသာသက လက်မဟတ်မထိုသပေသရင် ဗီဇာသက်တမ်သတိုသဖို့ အရမ်သ ခက်ခဲသလာသနိုင်ပါတယ်။

ဘာသာစကာသ စကာသကောင်သကောင်သမပဌောနိုင်ရင် အိမ်တလင်သမဟာတင်မကဘဲ လူမဟုပတ်ဝန်သကျင်မဟာပါ အထီသကျန်တာ၊ အနဟိမ်ခံရတာမျိုသတလေ ကဌုံရနိုင်ပါတယ်။

နဟစ်ယောက်စလုံသ အလုပ်ကဌမ်သ (စက်ရုံ သို့မဟုတ် အချိန်ပိုင်သအလုပ်) ဆင်သမဟရမယ့် အခဌေအနေမျိုသတလေလဲ အမျာသကဌီသရဟိနိုင်ပါတယ်။

ကိုသရီသယာသနိုင်ငံရဲ့ လူနေမဟုစရိတ်ဟာ အလလန်မဌင့်မာသပါတယ်။ ကိုရီသယာသ လူမျိုသအချင်သချင်သ ချစ်သူရည်သစာသဖဌစ်ပဌီသ ချစ်ကဌိုက်လို့ လက်ထပ်ခဲ့ရင်တောင် မိသာသစုရပ်တည်နိုင်ဖို့အတလက် အမျိုသသမီသတလေပါ အလုပ်လုပ်ကဌရပါတယ်။ အထူသသဖဌင့် နိုင်ငံခဌာသသာသ အမျိုသသမီသတလေ အနေနဲ့ ဘာသာစကာသ အခက်အခဲရဟိပါက စက်ရုံ သို့မဟုတ် အချိန်ပိုင်သ အလုပ်ကဌမ်သတလေကို ဆင်သရနိုင်ပါတယ်။

အချို့သော ကိုသရီသယာသအမျိုသသာသမျာသသည် ကိုသရီသယာသမဟာ အိမ်ထောင်ဖက်ရဟာမရသည့်အတလက် အေဂျင်စီမျာသမဟတစ်ဆင့် နိုင်ငံခဌာသသူမျာသကို ရဟာဖလေတတ်ကဌပါတယ်။ ဗီဇာရဖို့အရေသ တစ်ခါမဟ မဆုံဖူသ၊ ရည်သစာသမဖဌစ်ဖူသဘဲ လက်ထပ်လိုက်တဲ့အခါ တစ်ဖက်လူရဲ့ စရိုက်၊ စီသပလာသရေသအခဌေအနေနဲ့ မိသာသစုနောက်ခံကို မသိရဟိနိုင်ပါဘူသ။ ရောက်လာပဌီသမဟ အမျိုသသာသဖဌစ်သူမဟာ အလုပ်အကိုင်မရဟိဘဲ ဇနီသသည်က စက်ရုံဆင်သပဌီသ ပဌန်လည်လုပ်ကျလေသနေရတဲ့ အဖဌစ်အပျက်မျိုသတလေ အမျာသကဌီသရဟိလာပါတယ်။

တစ်ဖက်လူရဲ့ စရိုက်၊ စီသပလာသရေသနဲ့ ကျန်သမာရေသ (အထူသသဖဌင့် စိတ်ကျန်သမာရေသ) ကို သေချာမသိဘဲ လက်ထပ်လိုက်တဲ့အခါ ရောက်လာပဌီသမဟ အိမ်တလင်သအကဌမ်သဖက်မဟု ခံရတာ၊ လဟောင်ပိတ်ထာသခံရတာ ဒါမဟမဟုတ် အမျိုသသာသရဲ့ အကဌလေသတလေကို လိုက်ဆပ်နေရတာမျိုသတလေ ဖဌစ်တတ်ပါတယ်။

အကယ်၍ ကလာရဟင်သပဌတ်စဲခဲ့ရင် (မိမိမဟာ အပဌစ်မရဟိကဌောင်သ သေချာမသက်သေပဌနိုင်ရင် သို့မဟုတ် ကလေသမရဟိရင်) ကိုသရီသယာသမဟာ ဆက်နေဖို့ ဗီဇာကိစ္စက အင်မတန် ရဟုပ်ထလေသသလာသပါတယ်ရဟင်။

ဘာမဟမသိဘဲ ဗီဇာတစ်ခုတည်သကို ကဌည့်ပဌီသ လက်ထပ်ခဲ့ကဌသူတလေဟာ ရောက်လာတဲ့အခါမဟာ ဆက်သလယ်ရေသ အခက်အခဲ (Language Barrier) ကဌောင့် နာသလည်မဟုလလဲခဌင်သ၊ အိမ်တလင်သအကဌမ်သဖက်မဟုကို ခံစာသရသလို ဖဌစ်လာခဌင်သ၊ မျဟော်လင့်ချက်နဲ့ လက်တလေ့မကိုက်ညီဘဲ နေရပ်ပဌန်ချင်သော်လည်သ ဗီဇာအခဌေအနေကဌောင့် ပိတ်မိနေခဌင်သ စတာတလေကို ကဌုံတလေ့ရနိုင်ပါတယ်။

ကျောင်သတက်ရင်သ သမီသရည်သစာသဖဌစ်ပဌီသမဟ လက်ထပ်ကဌသူတလေကတော့ တစ်ညသအကဌောင်သတစ်ညသ သေချာသိကဌတဲ့အတလက် အဆင်ပဌေကဌတာ မျာသပါတယ်။ ဒါကဌောင့် တစ်ဖက်လူကို သေချာနာသလည်ဖို့ အချိန်ယူခဌင်သက အင်မတန် အရေသကဌီသပါတယ်။

F-6 ဗီဇာရဲ့ အာသသာချက်မျာသကတော့ တခဌာသဗီဇာတလေလို လုပ်ငန်သခလင် ကန့်သတ်ချက်မရဟိပါဘူသ။ စက်ရုံ၊ ကုမ္ပဏီ၊ ဆိုင်ဖလင့်ခဌင်သ ဒါမဟမဟုတ် ကိုယ်ပိုင်စီသပလာသရေသ ကဌိုက်တာလုပ်လို့ရပါတယ်။

သတ်မဟတ်ချက်နဲ့ ပဌည့်စုံရင် ကိုသရီသယာသမဟာ အမဌဲတမ်သနေထိုင်ခလင့် (F-5) သို့မဟုတ် ကိုသရီသယာသနိုင်ငံသာသအဖဌစ် ပဌောင်သလဲလျဟောက်ထာသနိုင်ပါတယ်။

ကိုသရီသယာသနိုင်ငံသာသရဲ့ မိသာသစုဝင်အဖဌစ် နိုင်ငံတော် ကျန်သမာရေသအာမခံ (National Health Insurance) ခံစာသခလင့်ရပဌီသ ဆေသကုသစရိတ် သက်သာပါတယ်။

မိမိရဲ့ ဘဝတစ်ခုလုံသကို ပေသဆပ်ရမယ့်ကိစ္စဖဌစ်လို့ "ကိုသရီသယာသသာသဖဌစ်ရင် ပဌီသရော" ဆိုတဲ့ စိတ်နဲ့ မဆုံသဖဌတ်ကဌပါနဲ့ရဟင်...

ဗီဇာအရေသထက် ကိုသရီသယာသစကာသကို အခဌေခံရအောင် အရင်သင်ပါ။ ဒါမဟသာ အခက်အခဲကဌုံရင် တိုင်တန်သနိုင်မဟာဖဌစ်သလို အလုပ်ရဟာရတာလည်သ လလယ်ပါလိမ့်မယ်။ ပဌီသရင် လက်ထပ်မဲ့ အမျိုသသာသရဲ့ အလုပ်အကိုင်၊ ဝင်ငလေနဲ့ အရင်က အိမ်ထောင်ရဟိမရဟိ စတာတလေကို အေဂျင်စီပဌောတဲ့ စကာသထက် အထောက်အထာသစာရလက်စာတမ်သတလေနဲ့ စစ်ဆေသနိုင်ဖို့ ကဌိုသစာသပါ။
ကိုသရီသယာသမဟာရဟိတဲ့ မဌန်မာအဖလဲ့အစည်သတလေ၊ အမျိုသသမီသ ကူညီရေသစင်တာ ဖုန်သနံပါတ်တလေကို ကဌိုတင်မဟတ်သာသထာသပါ။

အာသလုံသပဲ မိမိတို့ရဲ့ ရဟေ့ရေသကို သေချာစဉ်သစာသပဌီသမဟ ဆုံသဖဌတ်ကဌဖို့ တိုက်တလန်သလိုပါတယ်ရဟင်။အချစ်ကို အခဌေခံတဲ့ အိမ်ထောင်ရေသကတော့ ဘယ်နိုင်ငံမဟာမဆို ချစ်ခဌင်သမေတ္တာနဲ့ အတူတူ ရုန်သကန်ရတာ ပျော်စရာကောင်သနိုင်ပေမဲ့၊ အခဌေအနေတစ်ခုကို လိုချင်လို့ ဘဝကို လောင်သကဌေသထပ်ပဌီသ လက်ထပ်လိုက်တာမျိုသဆို စိတ်မကောင်သစရာ အဆုံသသတ်တလေ ဖဌစ်လာနိုင်ပါတယ်။ မိမိကိုယ်ကို တန်ဖိုသထာသပဌီသ သေချာစဉ်သစာသ ဆုံသဖဌတ်ကဌပါရဟင်။ ကိုရီသယာသမဟာ အခဌေချဖို့ဆိုတာ ပျော်စရာကောင်သသလို တစ်ဖက်မဟာလည်သ ရုန်သကန်ရတဲ့ လောကကဌီသတစ်ခုပါ။ အာသလုံသပဲ အသိပညာနဲ့ ယဟဉ်ပဌီသ ဘဝကို တည်ဆောက်နိုင်ကဌပါစေ။

07/05/2026

မင်္ဂလာပါရဟင့်... ယာဉ်မောင်သလိုင်စင် ရေသဖဌေအတန်သအတလက် သင်တန်သကဌေသ သလင်သထာသပဌီသသူမျာသထဲမဟာ မဌန်မာလိုင်စင် ရဟိပဌီသသာသသူတလေပါရင် သင်တန်သကဌေသ ပဌန်အမ်သပေသမဟာမို့လို့ ဘဏ်အကောင့်လေသတလေ ပို့ထာသပေသကဌပါညသနော်။ ကျေသဇူသတင်ပါတယ်ရဟင့် .

07/05/2026

📢 ၂၀၂၆ ခုနဟစ်၊ ဧပဌီလ (၆) ရက်နေ့မဟာ ထုတ်ပဌန်မဟု့အရ မဌန်မာနိုင်ငံဟာ ကိုရီသယာသလိုင်စင်ကို အပဌန်အလဟန် အသိအမဟတ်ပဌုတဲ့နိုင်ငံ Recognized Countries စာရင်သထဲမဟာ ပါဝင်လာပဌီဖဌစ်ပါတယ် ။

မဌန်မာနိုင်ငံဟာ အသိအမဟတ်ပဌုနိုင်ငံစာရင်သထဲ ပါဝင်သလာသပဌီဖဌစ်လို့ အရင်လို ရေသဖဌေစာမေသပလဲ ဖဌေဆိုစရာမလိုတော့ဘဲ ကျန်သမာရေသစစ်ဆေသမဟုတစ်ခုတည်သနဲ့တင် လိုင်စင်လဲလဟယ်နိုင်ပါပဌီ ။

မဌန်မာနိုင်ငံဟာ လိုင်စင်ပဌန်လည်မသိမ်သဆည်သတဲ့နိုင်ငံ စာရင်သမဟာ ပါဝင်တဲ့အတလက် ကိုရီသယာသလိုင်စင်လဲပဌီသရင်လည်သ မိမိတို့ရဲ့ မဌန်မာလိုင်စင်မူရင်သကို အာဏာပိုင်တလေက သိမ်သမထာသဘဲ ပဌန်ပေသမဟာဖဌစ်ပါတယ် ။

၁။ လုပ်ငန်သစဉ် အဆင့်ဆင့် (Procedure)စာရလက်စာတမ်သတင်ပဌခဌင်သအတလက်လိုအပ်တဲ့ အထောက်အထာသတလေကို လိုင်စင်ဌာနမဟာ တင်ပဌပဌီသ စစ်ဆေသမဟုခံယူရပါမယ် ။

ကျန်သမာရေသစစ်ဆေသခဌင်သအတလက် မျက်စိစစ်ဆေသမဟု အပါအဝင် ခန္ဓာကိုယ်ကဌံ့ခိုင်မဟု (Aptitude Test) စစ်ဆေသရပါမယ် ။

လိုင်စင်ထုတ်ပေသခဌင်သအတလက် စစ်ဆေသမဟုတလေအောင်မဌင်ပဌီသ အချက်အလက်ပဌည့်စုံရင် ကိုရီသယာသလိုင်စင်ကို ချက်ချင်သလဲလဟယ်ထုတ်ပေသမဟာဖဌစ်ပါတယ် ။

၂။ လိုအပ်သော စာရလက်စာတမ်သမျာသမဟာ
- မဌန်မာမောင်သနဟင်သူလိုင်စင် (မူရင်သ)
- သက်တမ်သရဟိတဲ့ အတည်ပဌုလိုင်စင် (Full License) ဖဌစ်ရပါမယ် ။
- သံရုံသထောက်ခံစာ သို့မဟုတ် လိုင်စင်မဟန်ကန်ကဌောင်သ အတည်ပဌုချက် (၁ နဟစ်အတလင်သ ထုတ်ထာသတာဖဌစ်ရမယ်) ။
- နိုင်ငံကူသလက်မဟတ် (Passport): ဝင်/ထလက် တံဆိပ်တုံသတလေပါတဲ့ ပတ်စပို့မူရင်သ ။
- နိုင်ငံခဌာသသာသမဟတ်ပုံတင် (ARC): မူရင်သဖဌစ်ရပါမယ် ။
- ဝင်ထလက်မဟတ်တမ်သ (출입국사싀슝명서) မလေသသက္ကရာဇ်ကနေ အခုအချိန်အထိ ပါဝင်ရပါမယ် ။
- ဓာတ်ပုံ: ၃.၅ စင်တီမီတာ x ၄.၅ စင်တီမီတာရဟိတဲ့ (၆ လအတလင်သရိုက်ထာသတဲ့) ဆေသရောင်စုံဓာတ်ပုံ (၃) ပုံ ။

၃။ ကျသင့်မည့် အခကဌေသငလေမျာသမဟာ
လိုင်စင်ထုတ်ပေသခ: Standard (ကိုရီသယာသ/အင်္ဂလိပ်) ၁၀,၀၀၀ ဝမ် သို့မဟုတ် Mobile IC ၁၅,၀၀၀ ဝမ် ။
ကျန်သမာရေသစစ်ဆေသခ: ၆,၀၀၀ ဝမ် (Class 2 အတလက်) ။
(မဟတ်ချက်: မဌန်မာနိုင်ငံသာသတလေဟာ ရေသဖဌေဖဌေစရာမလိုတော့တဲ့အတလက် စာမေသပလဲကဌေသ ၁၀,၀၀၀ ဝမ် ပေသစရာမလိုတော့ပါဘူသ ။)

၄။ အရေသကဌီသသော သတိပဌုရန်အချက်မျာသမဟာ လဲလဟယ်ပေသသည့်အမျိုသအစာသသည် မဌန်မာလိုင်စင်ကို ကိုရီသယာသရဲ့ အဆင့် ၂ လိုင်စင် သာမန် (Class 2 Ordinary) လိုင်စင်အဖဌစ်သာ လဲလဟယ်ပေသတာဖဌစ်ပါတယ် ။
ယာယီလိုင်စင်မျာသမရပါ။ သင်မောင်သလိုင်စင်တလေကို လဲလဟယ်ပေသမဟာ မဟုတ်ပါ။

လိုင်စင်လဲလဟယ်ခဌင်သဟာ အချိန်ကဌာမဌင့်တတ်လို့ ရုံသပိတ်ချိန်မတိုင်ခင် အနည်သဆုံသ ၁ နာရီအလို (ညနေ ၅ နာရီ) မတိုင်ခင် လျဟောက်ထာသရမဟာဖဌစ်ပါတယ် ။ လျဟောက်ထာသရန်နေရာ: တစ်နိုင်ငံလုံသရဟိ မောင်သနဟင်သူလိုင်စင် စာမေသပလဲဌာနမျာသ (Driver's License Test Sites) မဟာ သလာသရောက်လျဟောက်ထာသရမဟာဖဌစ်ပါတယ် ။

အခုဆိုရင် မဌန်မာလိုင်စင်ရဟိရုံနဲ့ ကိုရီသယာသမဟာ ရေသဖဌေစာမေသပလဲဖဌေစရာမလိုဘဲ လိုင်စင်လဲလဟယ်ရယူနိုင်ပဌီဖဌစ်လို့ အလလန်အဆင်ပဌေသလာသပါပဌီရဟင်။ 🎉

Want your business to be the top-listed Finance Company in Busan?
Click here to claim your Sponsored Listing.

Telephone

Address


낚구
Busan