Polytechnic Design & Construction

🔴តើអគារប្រភេទណាខ្លះតម្រូវឲ្យធ្វើការស្នើសុំ លិខិតអនុញ្ញាតសាងសង់?
--------------------------
ឯកសារ​ចាំបាច់​សម្រាប់​ការស្នើសុំ​ការអនុញ្ញាតសាងសង់៖
យោងតាមមាត្រា១៨ នៃ​អ​នុក្រឹត្យ ស្ដីពី​លិខិត​អ​នុញ្ញាត​សាងសង់ ចុះថ្ងៃទី ៣០ ខែធ្នូ ឆ្នាំ ២០២០ ដើម្បីអាចស្នើសុំការអនុញ្ញាតបាន ម្ចាស់អចលនទ្រព្យត្រូវភ្ជា់ប់មកជាមួយនឹងសំណុំឯកសារដូចខាងក្រោម៖
- សំណុំឯកសារស្នើសុំលិខិតអនុញ្ញាតសាងសង់ ជាភាសាខ្មែរ
- ឯកសារបញ្ជាក់ពីកម្មសិទ្ធិ ឬសិទ្ធិកាន់កាប់ស្របច្បាប់នៃដី ដែលសំណង់តាំងនៅ
- សលាកបត្រក្បាលដី
- គម្រោងប្លង់ស្ថាបត្យកម្ម
- ឯកសារបច្ចេកទេសផ្សេងៗទៀតសម្រាប់បម្រើឲ្យការសាងសង់។

🔻តើលិខិតអនុញ្ញាតសាងសង់មានប៉ុន្មានប្រភេទ?
លិខិត​អនុញ្ញា​តសាងសង់ត្រូវបានកំណត់​ចំនួន ៣ ថ្នាក់ផ្សេងគ្នា ទៅតាមទំហំនៃការសាងសង់ គម្រោងនីមួយៗ។
1. ថ្នា​ក់ក្រុង ស្រុក ខណ្ឌ ចំពោះសំណង់ដែល​មានផ្ទៃក្រឡា​កម្រាល​សំណង់​សរុបតូច​ជាង ឬស្មើ ៥០០​ ម៉ែត្រការ៉េ និងមានកម្ពស់ទាបជាង ឬស្មើ៤ជាន់ (គិតទាំងជាន់ផ្ទាល់ដី និងគ្មានជាន់ក្រោមដី)។
2. ​ថ្នាក់រា​ជធានី ខេ​ត្ត ចំពោះ​សំណង់​ដែលមានផ្ទៃ​ក្រឡាក​ម្រាលសំណង់ធំជាង ៥០០ ម៉ែត្រការ៉េ ដល់ ៣,០០០ ម៉ែត្រការ៉េ​ ទាបជាង ឬស្មើ១១ជាន់ (គិតទាំងជាន់ផ្ទាល់ដី និងគ្មានជាន់ក្រោមដី)។
3. គម្រោង​សាងសង់​ណាដែលមា​នផ្ទៃក្រឡាកម្រាលសំ​ណង់ធំ​ជាង ៣,០០០ ម៉ែត្រកា​រ៉េ ត្រូវមកសុំការអនុញ្ញាត​សាងសង់​នៅក្រសួង​រៀបចំដែន​ដី នគរូបនី​យកម្ម និង​សំណង់​ផ្ទាល់​តែម្តង។

🔴រយៈពេលនៃការស្នើសុំ៖
បើយោងតាម​អនុក្រឹត្យ​ខាងលើ​នេះដដែល
- សម្រាប់លិខិតអនុញ្ញាតសាងសង់ ដែលត្រូវការអនុញ្ញាតពីរដ្ឋមន្រ្តីក្រសួងដែនដី ត្រូវចំណាយពេលអតិបរមា ៤៥ថ្ងៃ នៃថ្ងៃធ្វើការ
- សម្រាប់លិខិតអនុញ្ញាតសាងសង់ ដែលត្រូវការអនុញ្ញាតពីអភិបាលរាជធានី-ខេត្ត ត្រូវចំណាយពេលអតិបរមា ២៥ថ្ងៃ នៃថ្ងៃធ្វើការ
- សម្រាប់លិខិតអនុញ្ញាតសាងសង់ ដែលត្រូវការអនុញ្ញាតពីអភិបាលក្រុង-ស្រុក-ខណ្ឌ ត្រូវចំណាយពេលអតិបរមា ១៥ថ្ងៃ នៃថ្ងៃធ្វើការ

🔴តើមានបញ្ហាអ្វីកើតឡើង បើសាងសង់ដោយមិនសុំការអនុញ្ញាត?
រាល់​សំណង់​ដែលសាងសង់​ដោយគ្មាន​លិខិ​តអនុញ្ញាត សំណង់នោះនឹងនឹងត្រូ​វចាត់ទុក​ជាសំណង់ ខុសច្បាប់ (បទល្មើស) ហើយការដ្ឋាន​សាងសង់នឹ​ងត្រូវបា​នប​ញ្ឈប់ជាបន្ទាន់។

🔵លើសពីនេះ បុគ្គលដែលក្លែងបន្លំឯកសារ ឬផ្តល់ព័ត៌មានមិនពិតដល់អាជ្ញាធរ ឬរដ្ឋមន្រ្តីដើម្បីទទួលបានលិខិតអនុញ្ញាតសាងសង់ នឹងត្រូវទទួលខុសត្រូវព្រហ្មទណ្ឌតាមបទប្បញត្តិ នៃក្រមព្រហ្មទណ្ឌ នេះបើយោងតាមមាត្រាទី៤៨ ជំពូកទី១០ នៃអនុក្រឹត្យនេះ ស្តីពីទណ្ឌកម្ម។

🔴តើក្នុងលក្ខខណ្ឌណាខ្លះ ដែលពុំចាំបាច់ស្នើសុំលិខិតសាងសង់ដែរទេ?
👉ពិតណាស់គឺមាន! សំណង់ផ្ទាល់ដី ដែលមានផ្ទៃក្រឡាកម្រាលសំណង់តិចជាង ឬស្មើ12m2 កម្ពស់ទាបជាង5m, លំនៅដ្ឋានធ្វើពីឈើ, ផ្ទះថ្មក្រោមឈើលើ ដែលមានផ្ទៃក្រឡាសំណង់មិនលើសពី100m2 ទាបជាង 9m ហើយមិនស្ថិតក្នុងតំបន់បេតិកភណ្ឌ, សំណង់បណ្តោះអាសន្ន (រោង, បង្គោល, ដងទង់, តូប...), របងដែលមិនធ្វើពីថ្ម ឬបេតុង គឺមិនតម្រូវឲ្យ​មានលិខិតអនុញ្ញាត​សាងសង់​នោះឡើយ ប៉ុន្តែម្ចាស់សំណង់ត្រូវតែជូនដំណឹងដល់មេឃុំ ឬចៅសង្កាត់នៃទីតាំងដែលសំណង់សាងសង់៕

ប្រភពរូបភាព៖ Linora Photography
---------------------------------
🔻សូមចូលរួមសហគមន៏ Telegram Channel របស់ពួកយើង តាមរយៈតំណ៖ https://t.me/cam_engineer ដើម្បីទទួលបានការចែករំលែករាល់អត្ថបទនានា និងឯកសារផ្សេងៗ ដែលទាក់ទងនឹងវិស័យវិស្វកម្មសំណង់ស៊ីវិលលឿនរហ័ស