Local bussiness

លែងបារម្ភពីសត្វល្អិតមកបំផ្លាញដំណាំបងប្អូនទៀតហើយ!
#វិធីធ្វើថ្នាំពុលធម្មជាតិសម្លាប់សត្វល្អិតបំផ្លាញដំណាំ
សូមជួយ share គ្រាន់ជាកាដូរចែកជូនកសិករយើង

-អត្ថបទដោយ៖ អ៊ាង សុផល្លែត
Facebook.com/SOPHALLETH
* ធាតុផ្សំ៖
- ម្ទេស ១ គីឡូ បុកឲ្យម៉ដ្ឋ
- ស្លឹក ឬសំបកស្តៅ ១គីឡូ ដំឲ្យទក់
- ស្លឹកទៀប ១ គីឡូ បុកឲ្យម៉ដ្ឋ
- សំបកកន្ទួត ១ គីឡូ ដំឲ្យទក់
- ខ្ទឹមស កន្លះគីឡូ បុកឲ្យម៉ដ្ឋ
- ស្កត្នោតរាវ ១គីឡូ (ពេលលាយវាក្លាយជាអ៊ីអឹមដេញសត្វល្អិត)
- ទឹកធម្មតា ២៥ លីត្រ
- វល្លិ៍ ឬ មើមបណ្តូលពេជ្រ ១ គីឡូ ដំឲ្យទក់
* វិធីលាយ៖
បុកធាតុផ្សំខាងលើ ហើយដាក់ត្រាំ ទឹកធម្មតា ទុករយៈពេល ១ខែ អាចប្រើបានហើយ ហើយកូរវាមួយថ្ងៃពីរដង។
* វិធីប្រើ៖ ពេលប្រើ ទឹកថ្នាំ ១លីត្រ លាយនឹងទឹក ១៥លីត្រ បាញ់លើដំណាំណាដែលជួបការបំផ្លាញពីសត្វល្អិតផ្សេងៗ។ សូមព្យាយាមប្រើប្រាស់ថ្នាំសម្លាប់ដែលផ្សំពីធម្មជាតិទៅតាមលទ្ធភាពដែលអាចធ្វើទៅបាន ដើម្បីទទួលបានសុខភាពល្អទាំងអ្នកផលិត និងអ្នកប្រើប្រាស់។
☞☞☞ សូមរក្សារនូវទម្រង់អត្ថបទដើមទាំងស្រុង នូវរាល់ប្រភពដែលយកអត្ថបទរបស់ខ្ញុំទៅចែកចាយបន្ត។

#វិធីបណ្តុះផ្សិតចំបើងក្នុងកញ្ច្រែង

#ធាតុផ្សំ៖
១- ចំបើងស្អាត និងស្ងួតចិញ្ច្រាំ ៥០គីឡូក្រាម
២- ម្សៅអង្ករដំណើប ម្សៅពោត ១គីឡូក្រាមដូចគ្នា
៣- ទឹកជី EM ២៥០មីលីលីត្រ
៤- លាមកគោហាលស្ងួតម៉ដ្ឋ សំបកសណ្តែកសៀង សណ្តែកបាយ ដើមចេក កំប្លោកចិញ្ច្រាំ កន្ទក់ម៉ដ្ឋ យក៥គីឡូដូចៗគ្នា។
#វិធីបណ្តុះ៖
១- ដាក់ លាយចំបើង លាមកគោ សំបកសណ្តែកសៀង សណ្តែកបាយ ដើមចេក កំប្លោកចិញ្ច្រាំ កន្ទក់ម៉ដ្ឋ ឲ្យល្បាយសព្វ។
២- លាយម្សៅអង្ករដំណើប ជាមួយទឹកជី EM ២៥០មីលីលីត្រ សម្រាប់បរិមាណទឹកដែលអាចស្រោចឲ្យសើមល្បាយខាងលើបាន៦០% ច្របល់ឲ្យសព្វរួចទុក១ម៉ោង។
៣- យកល្បាយមកញាត់ចូលក្នុងកញ្ច្រែង (ទំហំមានអង្កត់ផ្ចិតប្រមាណ៥តឹក) ដាក់ជាន់ទី១កម្ពស់២តឹក ឲ្យណែន រួចយកលាមកគោស្ងួត ទៅរោយបន្ថើរៗពីលើ រួចរោយម្សៅពោត និងមេផ្សិតបន្ថើរៗពីលើ និងដាក់កំប្លោកពីលើមួយជាន់ទៀត ដោយអនុវត្តបែបនេះចំនួន ៣ជាន់ដូចៗគ្នា។
៤- យកកញ្ច្រែងដែលបានដាក់បណ្តុះរួចនោះទៅដាក់នៅ
ក្រោមដើមឈើ ឬកន្លែងដែលមានម្លប់ រួចធ្វើគ្រោងឫស្សីរាងកោងសម្រាប់ដាក់គ្របដំបូលថង់ប្លាស្ទិចកម្ពស់១ម៉ែត្រ ការពារកុំឲ្យលិចទឹក ហើយសង្កត់អោយហប់ កុំអោយរបើកតាមខ្យល់ និងធ្វើដំបូលស្លឹកដូង ឬស្លឹកត្នោតខាងលើមួយជាន់ទៀត។
#ការថែទាំ៖
៥- ផ្សិតអាចដុះបានល្អនៅសីតុណ្ហភាព៣០-៣២អង្សា មួយអាទិត្យម្តងបើកផ្ទាំងសំពត់ចេញ ប្រស់ទឹកអោយសើមចំបើងផ្អួរៗតិចៗ ហើយគ្របទុកវិញ តែកុំប្រស់ទឹកច្រើនហួសប្រមាណ នឹងនាំអោយផ្សិតរលួយកូន ខានដុះចេញមក។
៦- ក្នុងរយៈពេលពីរអាទិត្យ ផ្សិតនឹងចាប់ផ្តើមដុះចេញកូនតម្រៀបគ្នា។ បើសិនជាមានផ្សិតធំល្មម អាចបេះបាន សូមបេះចេញ ដើម្បីទុកកន្លែង អោយផ្សិតដុះថែមទៀត នៅថ្ងៃបន្តបន្ទាប់មក។
៧- រយៈកាលបេះផល គឺរវាងចុងអាទិត្យទីពីរ រហូតដល់ពេញអាទិត្យទី៤។
៨- ចូលអាទិត្យទី៥ ឬ ទី៦ ផ្សិតនឹងថមថយលែងដុះ យើងអាចរើយកយកចំបើងនោះមកជ្រលក់ទឹកដែលលាយខាងលើ ប្រស់ជីរលាមកគោ មេផ្សិត និងម្សៅពោតសាជាថ្មី។
អត្ថបទ៖ អ៊ាង សុផល្លែត

» ស្លឹកទៀបបារាំងអាចមានប្រសិទ្ធភាពខ្ពស់ជួយទប់ស្កាត់ និងព្យាបាលជម្ងឺមហារីក
ទឹកនោមផ្អែម ឈឺសន្លាក់ឆ្អឹង និងជម្ងឺរលាកផ្សេងៗទៀត

* ធាតុផ្សំ៖
- ស្លឹកទៀបបារាំង៤០សន្លឹក (កុំយកស្លឹកចាស់ពេក) និងទឹកស្អាត១លីត្រ
- យកវាទៅហាលនឹងខ្យល់ឲ្យស្ងួត ព្រោះវាធ្វើឲ្យស្លឹកដែលហាលស្ងួតនោះមានប្រសិទ្ធិភាពថ្នាំកាន់តែប្រសើរឡើងថែមទៀត កុំយកស្លឹកវាទៅហាលនឹងកំដៅថ្ងៃ ឬកំដៅក្នុងចង្ក្រាន្តអគ្គីសនី ពីព្រោះកំដៅខ្លាំងពេកវាធ្វើឲ្យបាត់បង់មេថ្នាំ។
និងប្រសិទ្ធិភាពរបស់វា។
* វិធីធ្វើ៖
- ដាក់ដាំទឹក១លីត្រឲ្យពុះ
- ពេលពុះភ្លាមដាក់ស្លឹកទៀបចូល និងបន្ថយភ្លើង រួចរំងាស់រយៈពេល២០នាទី ពណ៌វានឹងក្លាយទៅជាត្នោតចាស់ ឬដូចតែធម្មតា។
- ទុកវាឲ្យត្រជាក់សិនចាំផឹក តែនេះមានប្រសិទ្ធិភាពត្រឹមរយៈពេល៧-៨ម៉ោង ហើយអាចក្លាសេបាន។
- ត្រូវផឹកទឹកនេះឲ្យបានជាប់រយៈពេល៣០ថ្ងៃ និងផឹក៣ដងក្នុងមួយថ្ងៃ ម្តង១កែវមុនពេលបាយ ហាមខកខាន តែនេះងាយស្រូបយកនៅពេលក្រពះទទេ។
- ក្រោយផឹកបាន៣០ថ្ងៃត្រូវទៅឲ្យគ្រូពេទ្យពិនិត្យថាតើជម្ងឺនៅមាន ឬអត់ ហើយប្រសិនបើរោគសញ្ញានៅមានត្រូវនៅបន្តផឹកដដែល។ ប្រសិនបើរោគសញ្ញាបាត់មុនរយៈពេល៣០ថ្ងៃ ត្រូវបន្តផឹកដើម្បីឲ្យប្រាកដថាគ្មានរោគសញ្ញាណាមួយនៅសល់។
* សម្រាប់អ្នកដែលចង់ថែទាំសុខភាព៖ អាចផឹក១កែវក្នុង១ថ្ងៃ ៣០នាទីមុនពិសារបាយ ហើយ៥ថ្ងៃក្នុងមួយអាទិត្យ ហើយមិនត្រូវលាយជាមួយតែអ្វីផ្សេងនោះទេអាចធ្វើឲ្យវាឆុងគ្នា។
-អាចសាកល្បងវិធីនេះ ពេលដែលពេទ្យវិទ្យាសាស្រ្ត្តអស់សម្ថភាពព្យាបាលហើយ។
អត្ថបទដោយ៖ អ៊ាង សុផល្លែត
ឯកសារដើម៖ ខ្មែរ សុវណ្ណភូមិ