PMCI Cambodia

នៅថ្ងៃទី ១១ តុលា ឆ្នាំ ២០២៥ ក្រុមការងារ និងក្រុមគ្រូពេទ្យ PMCI Cambodia បានផ្ដល់សេវាគ្លីនិកចល័ត(ឥតគិតថ្លៃ) ជូនដល់សហគមន៍ ដែលមានមានទីតាំងនៅ "ក្រុមជំនុំស្រលាញ់ឃ្លាំងមឿង" ស្ថិតនៅ ភូមិឃ្លាំងមឿងត្បូង ឃុំព្រែកអំពិល ស្រុកខ្សាច់កណ្តាល ខេត្តកណ្តាល។

យើងសូមថ្លែងអំណរគុណយ៉ាងជ្រាលជ្រៅដល់ "ក្រុមជំនុំស្រលាញ់ឃ្លាំងមឿង" សម្រាប់ការសហការជាមួយយើង ក្នុងការផ្តល់កន្លែង និងជួយសម្របសម្រួលសកម្មភាពនេះ។ ការគាំទ្ររបស់អ្នកជាកម្លាំងសំខាន់ ឲ្យយើងអាចបន្តធ្វើបេសកកម្មនេះបានដោយជោគជ័យ។❤

🌐 គេហទំព័រ PMCI Cambodia : https://www.pmcic.org/

📍នៅថ្ងៃទី ១០ តុលា ឆ្នាំ ២០២៥ ក្រុមការងារ PMCI Cambodia (Medical Team) បានធ្វើដំណើរទៅកាន់ ព្រះវិហារ Grace Church (ស្ថិតនៅ ភូមិបាគូ សង្កាត់ដង្កោ ខ័ណ្ឌដង្កោ រាជធានីភ្នំពេញ) ដើម្បីផ្ដល់សេវា ពិនិត្យសុខភាព(ឥតគិតថ្លៃ) សម្រាប់ប្រជាជននៅតំបន់នោះ។
គោលបំណងសំខាន់គឺដើម្បីផ្តល់ សេវាសុខភាព និងជួយអប់រំបញ្ហាផ្នែកសុខភាពដល់សហគមន៍។

🌐 គេហទំព័រ PMCI Cambodia : https://www.pmcic.org/

ក្រុមការងារ និង ក្រុមគ្រូពេទ្យ របស់ PMCI Cambodia បានចុះអនុវត្តសកម្មភាពប្រមូលទិន្នន័យនិងធ្វើតេស្តជាតិស្ករក្នុងឈាម និងសម្ពាធឈាម នៅក្នុងសហគមន៍បឹងត្របែក (ភូមិ១ ភូមិ៤ និងភូមិ៥) សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ក្រោមកិច្ចសហកានិងរសម្របសម្រួលពីអាជ្ញាធរ ។សកម្មភាពនេះត្រូវបានអនុវត្តរយៈពេលពីរថ្ងៃ (ថ្ងៃទី៨-៩ ខែតុលា ឆ្នាំ២០២៥)។

-គោលបំណងនៃសកម្មភាពគឺដើម្បីផ្ទៀងផ្ទាត់ទិន្នន័យពិតប្រាកដពីអ្នកជំងឺដែលបានសម្ភាសពីមុន និងបង្កើនការយល់ដឹងអំពីអត្រាជំងឺមិនឆ្លង (NCD) នៅក្នុងសហគមន៍។

❤ សុខភាពសហគមន៍ គឺជាគោលដៅរួមរបស់យើង និង សូមអរគុណដល់អ្នកជំងឺ និងសហគមន៍សម្រាប់ការចូលរួមសកម្មក្នុងសកម្មភាពនេះ។

💒 ទីតាំងបេសកម្មស្ថិតនៅ Kampong Thom Methodist Church ថ្ងៃ០២ ខែ តុលា ឆ្នាំ ២០២៥ ( ភូមិបល្ល័ង្កលិច សង្កាត់
ដំរីជាន់ខ្លា ក្រុងស្ទឹងសែនខេត្តកំពង់ធំ)។

បេសកកម្មគ្លីនិកចល័តរបស់យើង បន្តនាំយកសេវាសុខភាពដ៏ចាំបាច់ ទៅដល់សហគមន៍។ ចាប់ពីការត្រួតពិនិត្យសុខភាព ការផ្ដល់ថ្នាំ និងការផ្តល់ចំណេះដឹង អំពីការការពារ ។ មនុស្សគ្រប់រូបមានតម្លៃ ហើយអ្នកជំងឺគ្រប់រូបដែលទទួលនូវសេវាកម្មវេជ្ជសាស្ត្រពីយើងគឺជាជំហានមួយក្នុងការបង្កើតសហគមន៍ មានសុខភាពល្អ និងរឹងមាំ។ 💙