LengLeng Shop

ជូនកាដូប្រពន្ធ ឃើញប្រពន្ធប្រឹងប្រែងធ្វើការងារពេក😂😂

" មិនថាអ្នកបែកបាក់ ឈឺចាប់ បរាជ័យយ៉ាងណាទេ អ្នកតែងតែអាចចាប់ផ្តើមថ្មី និងប្រសើរជាងមុន"

ឃ្លានេះបង្កប់នូវគំនិតនៃភាពធន់ និងថាមពលនៃការលូតលាស់ផ្ទាល់ខ្លួន ដែលបង្ហាញឲ្យយើងឃើញថា បើទោះបីជាយើងមានអារម្មណ៍បាក់បែក ឬបរាជ័យក៏ដោយ ក៏យើងមានសមត្ថភាពកសាងខ្លួនឡើងវិញ និងរឹងមាំជាងមុនផងដែរ ហើយសម្រាប់ភាពយឺតយ៉ាវ និងការបរាជ័យមិនមែនជាឧបសគ្គដែលមិនអាចកាត់ថ្លៃបាននោះទេ! ប៉ុន្តែជាឱកាសសម្រាប់ការរីកចម្រើននិងការផ្លាស់ប្តូរជាវិជ្ជមាន។

ដោយផ្តាំយើងថា ត្រូវហ៊ានទទួលយកគំនិតនៃការចាប់ផ្តើមជាថ្មី ដើម្បីចាត់ទុកភាពមិនអនុគ្រោះទាំងនោះជាកត្តាជំរុញឱ្យរីកចម្រើន និងជឿជាក់លើសមត្ថភាពរបស់យើងក្នុងការជម្នះឧបសគ្គ និងបង្កើតអនាគតដ៏ល្អប្រសើរសម្រាប់ខ្លួនយើង។ ជាការរំឭកយើងឲ្យដឹងថាតម្លៃ និងសក្តានុពលរបស់យើងមិនត្រូវបានកំណត់ដោយកំហុសអតីតកាល ឬការតស៊ូបច្ចុប្បន្នរបស់យើងនោះទេ! ប៉ុន្តែដោយការតាំងចិត្តរបស់យើងក្នុងការក្រោកឡើងពីលើបញ្ហា ហើយព្យាយាមសម្រាប់ថ្ងៃស្អែកដ៏ភ្លឺស្វាងនៃជីវិត។😍🧞

រៀបចំដោយ #ផ្នត់គំនិតសហគ្រិន

គេថាជ្រើសសង្សារជ្រើសត្រឹម បុរសឬនារីដែលយើងស្រឡាញ់ ប៉ុន្តែជ្រើសប្ដីប្រពន្ធ សម្លឹងដល់ភាពជាឱពុកម្ដាយល្អសម្រាប់កូន។

ការកសាងគ្រួសារមួយ មិនមែនត្រឹមតែ "បងស្រឡាញ់អូន ឬក៏អូនស្រឡាញ់បង" តែវារួមមានសមត្ថភាព លទ្ធភាព របៀបរស់នៅជាមួយគ្នា និងកម្រិតអប់រំផ្លូវចិត្តម្នាក់ៗ។

បុរស: បើនារីដ៏ស្រស់ស្អាតរបស់អ្នក ធ្លាប់មានចង្កេះមួយក្ដាប់ ដែលអ្នកយល់ថាគួរឱ្យទាក់ទាញ គួរឱ្យត្រេតត្រអាលកាលពីមុននោះ ប្រែក្លាយជាស្ត្រីដែលមានកូន ក្បាលពោះមួយធ្លាយ សង្វារវារវើម តើអ្នកអាចសម្របសម្រួលផ្លូវចិត្តអ្នក ឱ្យនៅតែស្រឡាញ់នាងក្នុងកម្រិតប៉ុណ្ណា? តើអ្នកនឹងទាញយកអ្វី ជាមូលដ្ឋាននៃការសម្របសម្រួលផ្លូវចិត្ត ឱ្យទទួលយក ឱ្យនៅតែស្រឡាញ់ នៅតែមេត្តានាង?

នារី: បើថ្ងៃមួយបុរសដែលអ្នកស្រឡាញ់ ធ្លាប់មានអំណួត ដោយសមត្ថភាពការងារឬសមត្ថភាពហិរញ្ញវត្ថុរបស់គាត់ បានធ្លាក់ខ្លួន ក្លាយជាជនបាត់បង់ការងារ ឬពុំមានសមត្ថភាពការងារបន្ត តើអ្នកនឹងសម្របសម្រួលផ្លូវចិត្តអ្នកបែបណា ឱ្យនៅតែមានមោទនភាពចំពោះគាត់ នៅតែគោរព ស្រឡាញ់ និងរក្សាភាពស្មោះត្រង់ចំពោះគាត់ ក្នុងភាពជាភរិយាស្វាមី?

នេះគ្រាន់តែជាករណីមួយ។ ជីវិតគូ នៅមានករណីជាច្រើនទៀត រាប់មិនអស់។ "ចំណងប្រាំប្រការ" ជាចំណងដែលគូស្វាមីភរិយាចួបប្រទះ និងទាមទាឱ្យមានភាពវៃឆ្លាតក្នុងការដោះស្រាយ។

ក្ដីស្រឡាញ់ ជាឬសគល់នៃសុភមង្គល តែវាអាចលូតលាស់បែកមេឃធាង ចេញស្លឹក ជាផ្កា ជាផ្លែ នៃសុភមង្គល វាទាមទារឱ្យមានការមើលថែ ច្រូចទឹក ដាក់ជី ជ្រុំគល់ កម្ដៅព្រះអាទិត្យគ្រប់គ្រាន់ ស្ថិតក្រោមអាកាសធាតុល្អជាដើម ។ល។ ដូចគ្នានឹងសុភមង្គលនៃជីវិតគូ វាទាមទារឱ្យមានបន្ថែមនូវ ឆន្ទ: ការគោរព ការផ្ដល់ឱ្យ ការសង្គ្រោះគ្នា ការស្គាល់ពីតួនាទីនិងកាតព្វកិច្ច របៀបដោះស្រាយបញ្ហា ដោយបញ្ហានេះ វាកើតជាទំនាស់មិនត្រឹមតែក្រៅខ្លួន មានទាំងក្នុងខ្លួន។

ឧទាហរណ៍ ចំណីរកិលេស គឺថ្មី ចុះភរិយាមុខដដែល ជាបុគ្គលតែមួយ ឱ្យថ្មីយ៉ាងម៉េច? កែសម្ភស្សឬយ៉ាងម៉េច? នេះសុទ្ធតែជាទំនាស់ក្នុងខ្លួន ដែលត្រូវតែសម្របសម្រួលផ្លូវចិត្តខ្លួនឯង។ ដៃគូខ្លះ បែកបាក់គ្នា ព្រោះភាគីម្ខាងទៀតលះភាពអាត្មានិយមមិនបាន "ញៀនស្រា ញៀនបារី ញៀនល្បែង" តើនឹងសម្របសម្រួលស្ថានភាពនៃទំនាស់នេះដោយរបៀបណា?

ទាំងនេះ វាសុទ្ធតែអាចដោះស្រាយទៅបាន ដរាបណា អ្នកនោះមានសមត្ថភាព លទ្ធភាពដោះស្រាយ ករណីខ្លះដោះស្រាយដោយការយល់ត្រូវ ដោយបញ្ញា ដោយសទ្ធា ដោយព្រហ្មវិហាធម៌ ដែលកើតចេញពីសតិ ពីចិត្តខ្ពស់(ចិត្តដែលមានការអប់រំ) ប៉ុន្តែករណីខ្លះទៀតនោះ វាទាមទាឱ្យដោះស្រាយដោយហិរញ្ញវត្ថុ វាទាមទាឱ្យមានសមត្ថភាពហិរញ្ញវត្ថុជាចាំបាច់។ ដូចនេះហើយ ទើបជារឿយៗ គេតែងតែទូន្មានទាំងបុរស ទាំងនារីថា:

"កុំយកតែពាក្យថាស្រឡាញ់ មកដឹកនាំជីវិតគូ។ ព្រោះពាក្យថា ស្រឡាញ់នេះ វាជាខណ:ចិត្តមួយ ដែលវាកើត វារលត់ យើងជាបុគ្គលធម្មតាតាមមិនទាន់។ តើយកអ្វីទៅថែរក្សា ទៅចង ទៅដោះស្រាយ? ឬត្រឹមទឹកភ្នែក និងសេចក្ដីឈឺចាប់ប្រែជាស្អប់?"

បើស្រឡាញ់គ្នាពិត ក្រៅពីពាក្យថាស្រឡាញ់ ត្រូវខំសាងសមត្ថភាពខ្លួនឯង ( ចំណេះ ជំនាញ ហិរញ្ញវត្ថុ) រៀនស្វែងយល់ពីគ្នា រៀនដោះស្រាយបញ្ហា អប់រំចិត្តខ្លួនឯងឱ្យច្រើនៗ។ សាងខ្លួនឯង មិនត្រឹមតែជាប្ដីប្រពន្ធ តែជាអនាគតម្ដាយ និងឪពុកល្អម្នាក់ សម្រាប់កូនៗ៕

រក្សាសិទ្ធិដោយ: ស្នង នេត្រា
Pic: Babies