Rejuran Cambodia

អបអរសាទរ

ព្រះរាជពិធីបុណ្យចម្រើនព្រះជន្មព្រះករុណា « នរោត្តម សីហមុនី » ព្រះមហាក្សត្រនៃព្រះរាជាណាចក្រកម្ពុជា គម្រប់ព្រះជន្ម ៧៣ ព្រះវស្សា យាងចូល ៧៤ ព្រះវស្សា។

សូមព្រះបរមរាជានុញ្ញាត ថ្វាយព្រះពរ សូមព្រះអង្គទ្រង់ប្រកបដោយព្រះកាយពលមាំមួន ព្រះបញ្ញាវាងវៃ ព្រះសុខភាពបរិបូណ៌ និងគង់ប្រថាប់ជាម្លប់ដ៏ត្រជាក់ដល់ប្រជានុរាស្រ្ដជានិច្ចនិរន្ដន៍។ សូមបារមីនៃគុណព្រះរតនត្រ័យ និងវត្ថុស័ក្តិសិទ្ធិទាំងឡាយក្នុងលោក តាមថែរក្សាព្រះអង្គ ឲ្យទ្រង់មានព្រះជន្មាយុយឺនយូរ ព្រះសុខក្សេមក្សាន្ត សោយរាជ្យសម្បត្តិជាមហាម្លប់ដ៏ត្រជាក់ត្រជុំ ដល់ប្រជាពលរដ្ឋខ្មែរទូទាំងប្រទេស ប្រកបដោយសេចក្តីសុខ សន្តិភាព វិបុលភាព និងការរីកចម្រើនថ្កុំថ្កើងជានិច្ចតរៀងទៅ។

សូមព្រះអង្គទ្រង់គង់ជាព្រះប្រមុខដ៏ឧត្តុង្គឧត្តម នៃឯកភាពជាតិ សាសនា និងព្រះមហាក្សត្រ និងជាទីគោរពសក្ការៈដ៏ខ្ពង់ខ្ពស់បំផុតរបស់ប្រជាជនកម្ពុជាគ្រប់រូបតរៀងទៅ។

ទិដ្ឋភាពពីកម្មវិធី ចុះអនុស្សរណៈយោគយល់ (MOU) រវាងក្រុមហ៊ុន THE GROW TLP និង Camderma Clinic - ខេមឌែរម៉ា គ្លីនិក ស្តីពីកិច្ចសហប្រតិបត្តិការលើផលិតផល REJURAN ដែលបានប្រារព្ធឡើងនៅថ្ងៃទី 01 ខែឧសភា ឆ្នាំ 2026 នៅ សណ្ឋាគារ Classy ក្រុងបាត់ដំបង។

កិច្ចសហប្រតិបត្តិការនេះ ជាជំហានមួយក្នុងការនាំយកផលិតផល REJURAN Original ពីប្រទេស កូរ៉េ 🇰🇷 ដែលមានគុណភាពខ្ពស់ លំដាប់អន្តរជាតិ មកជូនវេជ្ជបណ្ឌិត និងអតិថិជននៅក្នុងប្រទេសកម្ពុជា។

កិច្ចសហការនេះ ពិតជាមានសារៈសំខាន់ ដែលបានលើកកម្ពស់វិស័យសម្ភស្សក្នុងប្រទេសកម្ពុជា អោយកាន់តែល្អ និងរីកចំរើនលើឆាកអន្តរជាតិ។

អបអរសាទរ

« ព្រះ​រាជ​ពិធី​ច្រត់​ព្រះ​នង្គ័ល »

ថ្ងៃអង្គារ ៤ រោច ខែពិសាខ ឆ្នាំមមី អដ្ឋស័ក ព.ស ២៥៧០
ត្រូវនឹងថ្ងៃទី០៥ ខែឧសភា ឆ្នាំ២០២៦

អបអរសាទរ

ទិវាពលកម្មអន្តរជាតិ ១ ឧសភា

ខួបលើកទី ១៤០

សួស្តីឆ្នាំថ្មី ✨

ក្នុងឱកាសដ៏វិសេសវិសាលនៃ “ ពិធីបុណ្យចូលឆ្នាំថ្មី ប្រពៃណីជាតិខ្មែរ ” សូមទេវតាឆ្នាំថ្មី ប្រទានពរជ័យ សិរីមង្គល និងវិបុលសុខ ជូនដល់លោក អ្នក និងក្រុមគ្រួសារ សូមទទួលបានសុខភាពល្អ សេចក្តីសុខ សំណាងល្អ និងភាពជោគជ័យគ្រប់ភារកិច្ចគ្រប់ពេលវេលា។

សូមអរគុណ !!!

សេចក្តីជូនដំណឹង

ក្នុងឱកាស បុណ្យចូលឆ្នាំថ្មី ប្រពៃណីជាតិខ្មែរ ខាងមុខនេះ ក្រុមហ៊ុនយើងខ្ញុំសូមជូនដំណឹងដល់អតិថិជន និងដៃគូសហការទាំងអស់ថា ក្រុមហ៊ុននឹងឈប់សម្រាកចាប់ពីថ្ងៃទី ១៤ ខែ មេសា ឆ្នាំ២០២៦ រហូតដល់ថ្ងៃទី ១៦ ខែ មេសា ឆ្នាំ២០២៦ ។

ក្រុមហ៊ុននឹងបើកដំណើរការវិញជាធម្មតានៅថ្ងៃទី ១៧ ខែ មេសា ឆ្នាំ២០២៦ ។

សូមគោរពជូនពរ អតិថិជន និងដៃគូសហការទាំងអស់ ជួបតែសេចក្តីសុខ សុភមង្គល សុខភាពល្អ និងជោគជ័យគ្រប់ភារកិច្ចក្នុងឱកាសឆ្នាំថ្មីនេះ។

សូមអរគុណ។