V-Build

ខំរៀនភាសាកូរ៉េនោះគឺជាការល្អហើយ, ក៏ប៉ុន្ដែ បើអ្នកមិនបានស្វែងយល់ពីការលុញឲ្យបានត្រឹមត្រូវទេនោះ វានឹងធ្វើឲ្យយើងមានកំហុសច្រើនទៅៗ ព្រោះតែការច្រឡំជួរ ច្រឡំលេខរៀងសំណួរ ឬច្រឡំចម្លើយជាដើម...

នេះជាក្រដាសលុញ ដែលដូចនឹងការប្រឡងមែនទែននៅថ្ងៃ ២៥, ២៦ ខែ មិថុនា ឆ្នាំ ២០១៦ ខាងមុខ

ចង់ឲ្យប្អូនៗ សិក្ខាកាមយកចិត្តទុកដាក់អានវាបន្ដិច នោះនឹងមានប្រយោជន៍ច្រើន

១- របៀបលុញ
- ការលុញត្រូវតែប្រើប៊ិចពណ៌ខ្មៅតែមួយគត់
- ការលុញត្រូវតែពេញល្អ (បើអាចរក្សាទុករង្វង់ពណ៌ក្រហមបានជាការល្អ)
- បើប៊ិចធម្មតា គួរតែលុញពីក្រៅចូលទៅក្នុង ហើយបើប៊ិចដែលមានលក្ខណៈ
ទឹកបែបដាម រីក គួរតែលុញពីក្នុងចេញក្រៅ ហើយត្រូវប្រយ័ត្ន កុំប៉ះ
កុំយកម្រាមដៃវាសពីលើ ព្រោះវាបណ្ដាលឲ្យប្រឡាក់

២- មុនពេលចាប់ផ្ដើមធ្វើលំហាត់
- ពិនិត្យមើលឈ្មោះ និងលេខកូដប្រឡង ឲ្យបានច្បាស់ មុននឹងសីុញ៉េនៅលើ
ក្រដាសវត្តមាន បើមានខុស សូមកែឲ្យត្រឹមត្រូវតាមអត្តសញ្ញាណបណ្ណ និង
លេខកូដកាលពីទិញពាក្យឲ្យត្រូវគ្នា
- សីុញ៉េនៅប្រអប់បន្ទាប់ពីឈ្មោះរបស់យើងតែប៉ុណ្ណោះ
- ពិនិត្យប្រភេទវិញ្ញាសារបស់យើងឲ្យបានច្បាស់ ព្រោះវាមាន A, B, C និង D
បើក្រដាសលុញយើងជាវិញ្ញាសា A ត្រូវតែទទួលយកវិញ្ញាសា A ដែរ

៣- ពេលធ្វើលំហាត់
- ពិនិត្យវិញ្ញាសាដែលយើងកំពុងធ្វើ ឧទាហរណ៍ថាយើងធ្វើលំហាត់ទី ១
(លេខរៀងលំហាត់ មិនមានរង្វង់ទេ ហើយមានពី ១ ដល់ ៥០ ហើយលេខ
របស់ចម្លើយមានត្រឹមតែ ៤ ទេ ដែលសុទ្ធតែមានរង្វង់ពណ៌ក្រហម)
បើចម្លើយ ដែលយើងគិតថាត្រូវនៅ ចម្លើយលេខ ៣ គូសធីកនៅលើក្រដាស
វិញ្ញាសានោះ រួចមកលុញនៅលើក្រដាសលុញ ដែលមានគំរូដូចខាងក្រោម
ព្រោះថា មានតែក្រដាសលុញទេ ដែលគេត្រូវប្រមូលយកទៅកែនៅកូរ៉េវិញ
សូមលុញដោយប្រុងប្រយ័ត្ន សូមលុញឲ្យត្រូវនឹងចម្លើយលេខ ៣
ដែលនៅក្នុងលំហាត់លេខរៀង់ទី ១ ចៀសវាងច្រឡំមកលេខរៀងទី ២
ដែលបណ្ដាលឲ្យខុសទាំងអស់តាំងពីលំហាត់ទី ២ ហ្នឹងទៅរហូត
ចុងក្រោយស្រាប់តែភ្លាត់មាត់ថា ចុម!សល់លំហាត់ ១ ឬលើសលំហាត់មួយ...
ពេលនោះអ្វីៗក៏ចប់បាត់

បើអញ្ចឹងទេ សូមប្រុងប្រយ័ត្នទាំងអស់គ្នា ហើយសូមជូនពរដល់សិស្សដែលរៀននៅសាលាវីបៀលទាំងអស់គ្នា ឲ្យមានសំណាងល្អគ្រប់ៗគ្នា ហើយជួបតែលំហាត់ដែលស្រួលៗធ្លាប់បានប្រឡងនៅសាលា និងចុងក្រោយសូមឲ្យប្រឡងជាប់គ្រប់ៗគ្នា ដោយមានលំដាប់ក្នុងចំណោម ៤៧០០នាក់សំរាប់ឧស្សាហកម្ម, ៣៤០០នាក់ សំរាប់កសិកម្ម និង ១០០០នាក់ សំរាប់សំណង់ !!!
ហើយអ្នកដែលបានអាន និងយកចិត្តទុកដាក់មើល ក៏សូមសំណាងល្អដូចៗគ្នា និងប្រឡងជាប់គ្រប់ៗគ្នាផងដែរ

បំណងល្អពីគណៈគ្រប់គ្រងអង្គការ វីបៀល

បងប្អូនអាច Save image ទុកក្នុងទូរស័ព្ទ ហើយយកទៅ Print ដើម្បីរៀនលុញបាន