Kanha

ប្រយ័ត្ន​ចាញ់​បោកគេ!

ក្រសួង​ការងារ​បញ្ជាក់​ថា កម្ពុជា-រុស្ស៊ី ពុំ​មាន​កិច្ច​ព្រម​ព្រៀង​ស្ដីពីការ​ផ្លាស់​ប្ដូរ​កម្លាំង​ពលកម្ម និង​ការ​បញ្ជូនបុគ្គលិក ឬ​ពលករ​ទៅ​ធ្វើ​ការ​នៅ​ប្រទេស​រុស្ស៊ី​នៅ​ឡើយទេ​ គិត​ត្រឹម​ថ្ងៃទី​១៤ ខែតុលា ឆ្នាំ២០២៦។

ក្រ​សួងការងារ​ចាត់​ទុក​ការ​ផ្សព្វ​ផ្សាយ ឬការ​ចុះ​ជ្រើស​រើស​មនុស្ស​ចេញទៅ​ធ្វើ​ការ​នៅ​ប្រទេស​រុស្ស៊ី​ជា​ទង្វើ​ខុស​ច្បាប់ និង​បាន​អំពាវ​នាវ​ឲ្យ​ប្រជា​ពល​រដ្ឋ​មាន​ការ​ប្រុង​ប្រយ័ត្ន​ចំពោះ​ការ​ផ្សព្វ​ផ្សាយ ឬ​ការ​អូស​ទាញ​ណា​មួយ​។​ ក្នុង​ករណី​មានការ​សង្ស័យ​ត្រូវ​ទាក់ទង​មក​ក្រ​សួង​តាម​លេខ​ ១២៩៧៕​

#ព័ត៌មាន

វិបត្តិនៃការមានបុត្រ!

ការលំបាកមានកូនក្លាយជាវិបត្តិមួយដែលពិភពលោកកំពុងតែព្រួយបារម្ភ ដែលមានអត្រា ១០ទៅ១៥% នៃគូស្វាមីភរិយាទាំងឡាយ។

ក) តើអ្វីទៅជាវិបត្តិនៃការមានបុត្រ (Infertility)?
វិបត្តិនៃការមានបុត្រ (Infertility) គឺជាបរាជ័យក្នុងការមានបុត្រក្នុងរយៈពេលមួយឆ្នាំ ទោះបីជាមានការរួមភេទទៀងទាត់ដោយពុំមានប្រើមធ្យោបាយពន្យារកំណើត។

ខ) តើមានមូលហេតុអ្វីខ្លះ?
មូលហេតុអាចប្រភពមកពីភាគីស្រ្តី ឬភាគីបុរស ឬអាចទាំងពីរនាក់។
១. ភាគីស្រ្តី 34% ៖ បញ្ហាផលិតមេជីវិតញី ស្ទះដៃស្បូន ដុះសាច់ក្នុងស្បូន គីសដៃស្បូន ពិសារស្រាឬជក់បារី និងជំងឺក្រពេញអរម៉ូន
២. ភាគីបុរស 20% ៖ បញ្ហាផលិតមេជីវិតឈ្មោល បញ្ហាស្ទះផ្លូវបញ្ចេញមេជីវិតឈ្មោល ជំងឺក្រពេញអរម៉ូន ពិសារស្រាឬជក់បារី
៣. ភាគីបុរសនិងស្រ្តី 38%
៤. មូលហេតុផ្សេងៗដែលពុំអាចពន្យល់បាន 8%

គ) តើមានការរោគវិនិច្ឆ័យដូចម្តេច?
ការធ្វើរោគវិនិច្ឆ័យមានដូចជា ការធ្វើតេស្តឈាមមើលអរម៉ូនបុរសស្រ្តី ការថតអេកូសាស្រ្ត ការថតដៃស្បូន និងការវិភាគមេជីវិតបុរស

ឃ) តើមានការព្យាបាលដែរឬទេ?
ការព្យាបាលអាស្រ័យទៅតាមមូលហេតុមួយៗដែលរកឃើញ ដែលក្នុងនោះរួមមាន
១. ការប្រើថ្នាំភ្ញោចមេជីវិតញី (ovulation induction)
២. ការចាក់បញ្ចូលមេជីវិតឈ្មោលទៅក្នុងស្បូនស្រ្តី (Intra-uterine insemination)
៣. ការបង្កកំណើតដោយជំនួយវេជ្ជសាស្រ្ត (In-vitro Fertilization)

ដូច្នេះប្រសិនបើបងប្អូនប្រជាពលរដ្ឋមាន បញ្ហាលំបាកមានកូន ដូចបានជម្រាបជូនខាងលើ សូមពិគ្រោះជាមួយគ្រូពេទ្យជំនាញ ដើម្បីស្វែងរករោគវិនិច្ឆ័យ និងធ្វើការព្យាបាល ឲ្យទាន់ពេលវេលាដោយបច្ចេកទេសទំនើបប្រកបដោយប្រសិទ្ធភាពខ្ពស់។ (ប្រភព៖ មន្ទីរពេទ្យកាល់ម៉ែត)

#គ្រួសារ #សុខភាព #មន្ទីរពេទ្យកាល់ម៉ែត