AMATAK-Civil Engineering

👨‍🎓ប្រធានបទ៖ និយាយពី «Robot»
📚អត្ថបទ៖ 10 «Effective length factor, k»

📚 1. តើអ្វីទៅជា មេគុណប្រវែងប្រសិទ្ធភាពរបស់សសរ (Effective length factor, k)?
🔴 មេគុណប្រវែងប្រសិទ្ធភាពរបស់សសរ k ដំណាងអោយផលធៀបនៃចម្ងាយរវាង ចំនុចដែលម៉ូម៉ង់ស្មើរសូន្យនៅក្នុងសសរ និងកម្ពស់គ្មានទម្រររបស់សសរ (unsupported height of column) នៅក្នុងទិសដៅមួយ។
📚 2. តាមរយៈទ្រឹស្តី ករណីមិនយោគខាង(without sidesway) តើមេគុណ k មានតម្លៃស្មើរប៉ុន្មាន?
🔴មេគុណ k អាស្រ័យលើទម្ររ ផ្នែកខាងក្រោម និងផ្នែកខាងលើ៖
- k = 0.5 ករណី Fixed-Fixed
- k = 0.7 ករណី Fixed-Pinned ឬ Pinned-Fixed
- k = 1.0 ករណី Pinned-Pinned
📚 3. តើទម្រររបស់សសរ ផ្នែកខាងក្រោម និងផ្នែកខាងលើ នៅក្នុងគ្រោងបង្គុំសំណង់ពិតជាក់ស្តែងជាអ្វី?
🔴 ទម្រររបស់សសរ ៖
-ផ្នែកខាងក្រោមមាន ធ្នឹមជុំវិញសសរ និងសសរខាងក្រោម។
-ផ្នែកខាងលើមាន ធ្នឹមជុំវិញសសរ និងសសរខាងលើ។
📚 4. តើអញ្ញាត្តនីមួយៗ ដែលត្រូវបានប្រើប្រាស់ក្នុងការកំណត់មេគុណ k តាមរយៈ Alignment chart មានអត្ថន័យយ៉ាងដូចម្តេច?
🔴 អត្ថន័យអញ្ញាត្តនីមួយៗ ៖
- EI : គឺជាភាពរឹងក្រាញ់ (Stiffness) ដែល E ជាម៉ូឌុលអេឡាស្ទិច(Young’s modulus) បញ្ជាក់ពីប្រភេទសម្ភារៈដែលយកមកប្រើ និង I ជាម៉ូម៉ង់និចលភាពលំដាប់ទីពីរ ស្ថិតនៅត្រង់ទីប្រជុំទម្ងន់របស់មុខកាត់(Second Moment of Inertia at centroid of section)។ នៅក្នុងគ្រោងបង្គុំសំណង់បេតុងអាម៉េរ ម៉ូម៉ង់និចលភាព I មានតម្លៃប្រៃប្រួលក្នុងគ្រោងបង្គុំ អាស្រ័យលើកំរិតនៃការប្រេះ និងបរិមាណភាគរយដែកដែលមានក្នុងមុខកាត់សសរ។ ដើម្បីគិតពិចារណាលក្ខខណ្ឌទាំងនេះនៅក្នុងការគណនា I ត្រូវបានសន្មត់ស្មើរ 0.70*Ig ។
-Lc: គឺជាប្រវែងរបស់សសរ ដែលគិតពីតំណរនែជាន់មួយ ទៅតំណរនែជាន់មួយទៀត។
- L : គឺជាប្រវែងរបស់ធ្នឹម ដែលគិតពីអ័ក្សមួយ ទៅអ័ក្សមួយ។
📚 5. តើអ្វីទៅជា Global system និង Local systems នៅក្នុងកម្មវិធី Robot Structural Analysis?
🔴-Global system គឺជាអ័ក្សដំណាងអោយគ្រោងបង្គុំសំណង់ទាំងមូល (frame)។
- Local systems គឺជាអ័ក្សដំណាងអោយផ្នែកណាមួយនៃគ្រោងបង្គុំសំណង់ (elements)។
📚 6. តើធ្វើយ៉ាងណាដើម្បីអាចកំណត់មេគុណប្រវែងប្រសិទ្ធភាពរបស់សសរ(Effective length factor)នៅក្នុងកម្មវិធី Robot Structural Analysis?
🔴ដើម្បីអាចកំណត់មេគុណ k នៅក្នុងកម្មវិធី Robot Structural Analysis យើងត្រូវវិភាគអំពីទិសដៅពត់បង្កោងរបស់សសរ។
- ករណីដែលម៉ូម៉ង់វិលជុំវិញអ័ក្ស z ទម្ររដែលទប់សសរមាន សសរខាងលើ សសរខាងក្រោម និង ធ្នឹមតាមទិដៅy។
-ករណីដែលម៉ូម៉ង់វិលជុំវិញអ័ក្ស y ទម្ររដែលទប់សសរមាន សសរខាងលើ សសរខាងក្រោម និង ធ្នឹមតាមទិដៅz។
-ករណីសសរខាងដែលគ្មានធ្នឹម ត្រូវដាក់តម្លៃសូន្យ។
📥ចូលក្រុមតេលេក្រាមធំរបស់សាលា ដើម្បីទទួលបាននូវការចែករំលែកចំណេះដឹងជាច្រើន https://t.me/joinchat/RV_wA51qxS08TyC9