SG Digital.

2026 - A New Year. A New Prosperity 🪭

📢 ព័ត៌មានបន្ទាន់

[BREAKING NEWS] THAILAND’S CONSTITUTIONAL COURT TO DELIVER VERDICT ON PM SHINAWATRA’S ETHICS CASE

តុលាការរដ្ឋធម្មនុញ្ញថៃ នឹងប្រកាសសាលក្រមលើសំណុំរឿងពាក់ព័ន្ធនឹង នាយករដ្ឋមន្ត្រីដែលបានផ្អាកការងារ ប៉ាតុងតាន់ ស៊ីណាវ៉ាត្រា ចោទប្រកាន់ពីការរំលោភលើស្តង់ដារអភិវឌ្ឍន៍និងសីលធម៌ នៅថ្ងៃទី 29 សីហា។

🗓 ថ្ងៃទី 21 សីហា — ការសវនាការពីសក្ខីភាគ 2 រូប រួមមាន ប៉ាតុងតាន់ និង អគ្គលេខាធិការការពារជាតិ។
📄 ថ្ងៃទី 27 សីហា — ការដាក់សេចក្តីសន្និដ្ឋានជាលាយលក្ខណ៍អក្សរ។

នាយករដ្ឋមន្ត្រីប៉ាតុងតាន់ ត្រូវបានផ្អាកពីតួនាទី ចាប់តាំងពីថ្ងៃទី 1 កក្កដា បន្ទាប់ពីតុលាការទទួលសំណើរពីក្រុមសមាជិកព្រឹទ្ធសភា ដើម្បីដកនាងចេញពីតំណែង។

មុននេះបន្តិចសម្តេចតេជោ ហ៊ុន សែន ប្រធានព្រឹទ្ធសភា បង្ហោះសារមួយក្នុងបណ្តាញសង្គមហ្វេសប៊ុកដោយមានខ្លឹមសារទាំងស្រុងថា៖

“ប៉ុន្មានថ្ងៃនេះមានការផ្សព្វផ្សាយព័ត៌មានពីរគឺទីមួយទាក់ទងដល់ការផ្តល់ជំនួយដ្រូនរបស់ជប៉ុនឲ្យថៃ ការផ្តល់ដ្រូនពីចិនឲ្យកម្ពុជា និងការលក់គ្រាប់និងយន្តហោះពីកូរ៉េខាងត្បូងឲ្យថៃ ដើម្បីធ្វើឃាតលើ ហ៊ុន សែន និង ហ៊ុន ម៉ាណែត។ ទីពីរគឺការរៀបចំផែនការធ្វើឃាតពីសំណាក់មេដឹកនាំថៃមកលើខ្ញុំ និងនាយករដ្ឋមន្ត្រី ហ៊ុន ម៉ាណែត។ បញ្ហាទាំងពីរនេះបើមិនមានការបកស្រាយឬរំលត់ទេ វានឹងក្លាយជាបញ្ហាធំសម្រាប់ថ្ងៃក្រោយ។ ដូចនេះខ្ញុំសូមធ្វើការបកស្រាយដូចខាងក្រោម៖

១. រឿងដ្រូន និងអាវុធ ឬយន្តហោះទោះកម្ពុជា ឬថៃ បានមកពីប្រភពណាក៏ សូមមេត្តាកុំពង្រីកបញ្ហាចេញផុតពីជម្លោះរវាងកម្ពុជា និងថៃទៅកាន់ប្រទេសផ្សេង ក្នុងពេលប្រទេសទាំងនោះកំពុងជួយដល់ការបញ្ឈប់ជម្លោះ និងគាំទ្រដល់ការឈប់បាញ់និងជំរុញឲ្យមានសន្តិភាពឡើងវិញរវាងប្រទេសទាំងពីរកម្ពុជា-ថៃ។

២. រឿងផែនការធ្វើឃាតរបស់មេដឹកនាំថៃមកលើរូបខ្ញុំ និងនាយករដ្ឋមន្ត្រី ហ៊ុន ម៉ាណែត រឿងនេះពិបាកនឹងជឿណាស់ បើទោះបីជាមេដឹកនាំថៃស្អប់ ឬមិនចូលចិត្តខ្ញុំ និង ហ៊ុន ម៉ាណែត ក៏ដោយក៏មេដឹកនាំថៃមិនទាន់ឈានដល់កំរិតអគុណធម៌មករៀបចំផែនការសម្លាប់ខ្ញុំ និង ហ៊ុន ម៉ាណែត នោះដែរ។ ក្នុងប្រវត្តិសាស្ត្រគេតែងតែរកវិធីសម្លាប់មេទ័ពដែលពូកែ ដើម្បីងាយយកឈ្នះលើសង្រ្គាមតែសម័យនេះមិនដូចសម័យមុនទេ គេត្រូវការមនុស្សដែលអាចនិយាយគ្នាបាន ដើម្បីកសាងសន្តិភាព។ កម្ពុជាក៏ត្រូវការមេដឹកនាំថៃរូបណាដែលមានអំណាចខ្លាំង ដើម្បីចរចារកសន្តិភាពបាន។ ឯថៃក៏ត្រូវការមេដឹកនាំកម្ពុជាណាដែលមានអំណាចខ្លាំង ដែលពេលនេះគឺមានតែ ហ៊ុន សែន និង ហ៊ុន ម៉ាណែតប៉ុណ្ណោះដើម្បីចរចាដែល ហ៊ុន ម៉ាណែត ចេញមុខចរចាដោយផ្ទាល់។ យោងលើហេតុផលនេះគឺ គ្មានមូលហេតុណាមួយដែលមេដឹកនាំថៃ មានគម្រោងសម្លាប់ ហ៊ុន សែន និង ហ៊ុន ម៉ាណែត នោះឡើយ។ ប្រសិនបើ ហ៊ុន សែន ឬ ហ៊ុន ម៉ាណែត ស្លាប់ដោយស្នាដៃមេដឹកនាំថៃមែនវាច្បាស់ជានឹងកើតមាន ហ៊ុន សែន ឬ ហ៊ុន ម៉ាណែត រាប់ម៉ឺនរាប់សែនរាប់លាននាក់ នៅលើទឹកដីកម្ពុជាភ្លាមដែលវានឹងក្លាយជាសត្រូវសួរពូជពិបាករំលត់។ សម្រាប់ខ្ញុំក្តី ហ៊ុន ម៉ាណែតក្តី ក៏មិនមែនជាកូនសត្វកង្កែបដែលគេងាយនឹងសម្លាប់នោះដែរ។ ទាំងនេះក៏ជាការពន្យល់បន្ថែមថា មេដឹកនាំថៃមិនរៀបចំផែនការដើម្បីសម្លាប់ ហ៊ុន សែន និង ហ៊ុន ម៉ាណែត នោះទេ។ នៅក្នុងផែនការសម្លាប់ ហ៊ុន សែន និង ហ៊ុន ម៉ាណែត ដោយមេដឹកនាំថៃគេលើកថា និងប្រើយន្តហោះ។ ចំណុចនេះគួរតែប្រទេសដែលលក់យន្តហោះ ចម្បាំងឲ្យថៃ ត្រូវរឹតបណ្តឹងលើកិច្ចសន្យាប្រើប្រាស់យន្តហោះ ព្រោះកន្លងទៅនេះថៃបានប្រើយន្តហោះ ដែលទិញពីអាមេរិក និងស៊ុយអែត វាយចូលជ្រៅក្នុងទឹកដីកម្ពុជា។ កម្ពុជាមិនជំទាស់នឹងការលក់យន្តហោះចម្បាំងឲ្យថៃទេ តែសូមកុំឲ្យថៃប្រើប្រាស់យន្តហោះវាយប្រហារចូលទឹកដីកម្ពុជា ឬទឹកដីឡាវ ឬម៉ាឡេស៊ី ឬមីយ៉ាន់ម៉ា ដែលជាប្រទេសជាប់ព្រំដែនជាមួយថៃ៕”

ប្រភព៖ Samdech Hun Sen of Cambodia

ផែនការរបស់ថៃ ប្រើវិធីទំលាក់គ្រាប់ដើម្បីធ្វើឃាដសម្តេច ហ៊ុន សែន និងសម្តេចធិបតី ហ៊ុន ម៉ាណែត

អ្នកនាំពាក្យក្រសួងការពារជាតិ៖ គិតចាប់ពីម៉ោង៦:១០នាទី មកដល់ម៉ោង១០:៣០ នាទីព្រឹក ថ្ងៃទី៤ ខែសីហា ឆ្នាំ២០២៥ នេះ សភាពការណ៍ជួរមុខតាមបន្ទាត់ព្រំដែន ទិសខេត្តព្រះវិហារ និងឧត្តរមានជ័យ មានសភាពស្ងប់ស្ងាត់ធម្មតា។ កងកម្លាំងកម្ពុជា បន្តរក្សាការប្រុងប្រយ័ត្នខ្ពស់ បំពេញតួនាទីបានយ៉ាងខ្ជាប់ខ្ជួន និងគោរពយ៉ាងម៉ឺងម៉ាត់បំផុតលើការអនុវត្តបទឈប់បាញ់ដែលបានឯកភាពគ្នា

[ប្រភពព័ត៌មានផ្លូវការ Telegram ក្រសួងព័ត៌មាន៖ https://t.me/ministryofinformation