English Test Collection

Type yes for totally free pdf book 📖

“មនសិការជាតិ ខ្ពស់ជាងសញ្ញាបត្រ”

កាលពីចន្លោះឆ្នាំ២០១៩ ដល់ឆ្នាំ២០២១ ខ្ញុំធ្លាប់ទទួលបានឱកាសមួយក្នុងការបន្តការសិក្សាថ្នាក់បរិញ្ញាបត្រជាន់ខ្ពស់ (Master’s Degree) នៅប្រទេសជិតខាង។ ទោះបីជាពេលនោះ ស្ថានភាពទំនាក់ទំនងរវាងប្រទេសទាំងពីរមិនទាន់មានភាពរកាំរកូសខ្លាំងដូចពេលបច្ចុប្បន្នក៏ដោយ ក៏ការសម្រេចចិត្តរបស់ខ្ញុំមិនបានផ្អែកលើស្ថានភាពចំពោះមុខតែមួយម្យ៉ាងនោះដែរ។

ក្រោយពីការពិចារណាយ៉ាងដិតដល់ និងមើលធ្លុះតាមរយៈវ៉ែនតាប្រវត្តិសាស្ត្រ ខ្ញុំបានសម្រេចចិត្តយ៉ាងម៉ឺងម៉ាត់ថានឹង “បដិសេធ” ឱកាសនោះ។ មូលហេតុចម្បងដែលធ្វើឱ្យខ្ញុំហ៊ានលះបង់សញ្ញាបត្រពីបរទេសមួយនេះ គឺដោយសារការយល់ឃើញពីមនោគមវិជ្ជា និងយុទ្ធសាស្ត្រ “ផ្តល់ដើម្បីយកមកវិញ ឬជួយដើម្បីជួញ”។

ក្នុងនាមជាកូនខ្មែរដែលចងចាំមិនភ្លេចនូវដានប្រវត្តិសាស្ត្រនៃការឈ្លានពានម្តងហើយម្តងទៀត ខ្ញុំមិនអាចទទួលយកការបណ្តុះបណ្តាលដែលបង្កប់ដោយចេតនាទុច្ចរិត ឬការចង់ពង្រីកឥទ្ធិពលមកលើជាតិសាសន៍ខ្លួននោះឡើយ។

សម្រាប់ខ្ញុំ ចំណេះដឹងពិតប្រាកដមិនមែនស្ថិតនៅលើតែសញ្ញាបត្រដែលទទួលបានពីប្រទេសដែលមានមហិច្ឆតាទន្ទ្រាននោះទេ។ ការរក្សាតម្លៃ មនសិការ និងភាពរឹងមាំនៃស្មារតីជាតិនិយម គឺជាមេរៀនដ៏មានតម្លៃបំផុតដែលខ្ញុំបានរៀន និងអនុវត្ត។ ខ្ញុំសុខចិត្តបាត់បង់ឱកាសសិក្សានៅទីនោះ ដើម្បីរក្សានូវជំហរច្បាស់លាស់មួយសម្រាប់ខ្លួនឯង និងសម្រាប់មាតុភូមិ។

អត្ថបទ: Prom KimSeng-ព្រំ គឹមសេង