CAJMC

ការថ្វាយបង្គំកាលពីថ្ងៃអាទិត្យនេះ យើងបានទទួលសេចក្ដីបង្រៀនព្រះបន្ទូលតាមរយៈអ្នកគ្រូគង្វាលមកពី
ព្រះគម្ពីរ៖(ថែស្សាឡូនីចទី១ ៥:១៦–១៨)
ចំណងជើង៖ ព្រះហឫទ័យរបស់ព្រះសម្រាប់យើងនៅកណ្តាលសេចក្តីទុក្ខលំបាក
ដែលបានបង្រៀនយើងថា ទោះបីជាជីវិតយើងពោរពេញដោយបញ្ហា និងទុក្ខវេទនាក៏ដោយ ព្រះបង្រៀនឲ្យយើងត្រូវមាន៖
• អរសប្បាយជានិច្ច
• អធិស្ឋានឥតឈប់ឈរ
• អរព្រះគុណក្នុងគ្រប់ការទាំងអស់
បងប្អូនអើយ ចំពោះសេចក្តីអំណររបស់គ្រីស្ទបរិស័ទមិនមែនមកពីលើស្ថានភាពល្អ ឬអាក្រក់ក្នុងជីវិតនោះទេ ប៉ុន្តែមកពីការជឿថាព្រះគង់នៅជាមួយយើង ស្រឡាញ់យើង និងបានសង្គ្រោះយើង។ ដូច្នេះ សូម្បីតែនៅក្នុងគ្រាលំបាក យើងក៏អាចអរសប្បាយ អធិស្ឋាន និងអរព្រះគុណបាន ព្រោះនេះជាព្រះហឫទ័យរបស់ព្រះសម្រាប់ជីវិតយើង។

During last Sunday’s worship, we received the teaching of God’s Word through the pastor, based on
Scripture: 1 Thessalonians 5:16–18
Title: God’s Will for Us in the Midst of Suffering
It taught us that even though our lives are filled with problems and hardships, God instructs us to always have:
• Rejoice always
• Pray without ceasing
• Give thanks in all circumstances
Dear brothers and sisters, the joy of Christians does not come from good or bad life situations, but from believing that God is with us, loves us, and has already saved us. Therefore, even in difficult times, we can still rejoice, pray, and give thanks, because this is God’s will for our lives.

រីករាយការថ្វាយបង្គំរៀងរាល់ថ្ងៃអាទិត្យ រីករាយនឹងព្រះបន្ទូលនៃព្រះ✝️❤️

“ត្រូវស្អាងអាសនាថ្វាយព្រះ” (លោកុប្បត្តិ ៣៥:១–៥)

នៅក្នុងគ្រាវិបត្តិ និងភាពភ័យខ្លាច ព្រះជាម្ចាស់មិនបានប្រាប់យ៉ាកុបឲ្យរៀបចំសង្គ្រាមទេ ប៉ុន្តែបង្គាប់ឲ្យគាត់ ស្អាងអាសនា និងថ្វាយបង្គំព្រះជាមុនសិន។
យ៉ាកុបបានគោរពតាម ដោយបោះបង់រូបព្រះទាំងអស់ ញែកខ្លួនឲ្យបរិសុទ្ធ ហើយថ្វាយបង្គំព្រះដោយចិត្តដឹងគុណ។
ព្រះជាម្ចាស់បានទទួលការថ្វាយបង្គំនោះ ហើយ
👉ប្រទានពរ
👉 ការពារ និងនាំពួកគេឲ្យមានសុវត្ថិភាព
👉 ធ្វើឲ្យសត្រូវភ័យខ្លាច និងមិនហ៊ានដេញតាម

សារសំខាន់សម្រាប់យើងថ្ងៃនេះ៖
🔹 ព្រះជាម្ចាស់ទ្រង់ជាអ្នកផ្តល់ពរមុន មិនមែនអ្នកទាមទារមុនទេ
🔹 ការថ្វាយបង្គំ គឺជាការឆ្លើយតបដោយសេចក្តីដឹងគុណ
🔹 នៅពេលមានបញ្ហា យើងត្រូវថ្វាយបង្គំព្រះជាមុនសិន
🔹 ព្រះទ្រង់គង់ជាមួយ ណែនាំ ការពារ និងប្រទានព្រះពរដល់រាស្ត្ររបស់ទ្រង់ជានិច្ច

👉 ជីវិតអ្នកជឿ គឺជាជីវិតនៃការថ្វាយបង្គំ ដឹងគុណ និងពឹងផ្អែកលើព្រះជាម្ចាស់🙏

🌟ការរង់ចាំរបស់ម៉ារា🌟
ម៉ារា មានផ្ទៃពោះដោយព្រះវិញ្ញាណ មុនរៀបការជាមួយលោកយ៉ូសែបជាគូដណ្តឹងរបស់នាង ដូច្នេះ នាងត្រូវបានគេចំអក សង្ស័យ និង និយាយបង្កាច់។
ប៉ុន្តែនាង រង់ចាំព្រះយេស៊ូវដោយជំនឿ រហូតជួបអេលីសាបិត ហើយព្រះបានឲ្យអេលីសាបិតលួងលោមនាង ហើយពួកគាត់បានសរសើរព្រះ (លូកា ១:៤៦-៥៥)។

នៅពេលយើងរង់ចាំព្រះយេស៊ូវដោយជំនឿ ទ្រង់នឹងព្យាបាលចិត្តយើង បំពេញសេចក្តីត្រូវការ ហើយឲ្យយើងក្លាយជាព្រះពរ និងជាពន្លឺដល់អ្នកដទៃ និងប្រជាជាតិរបស់យើង។
ការថ្វាយបង្គំនៅថ្ងៃអាទិត្យ ទី០៧-១២-២៥ ម៉ោង១១-១២ថ្ងៃត្រង់។