ForestsGO

ថ្ងៃបុណ្យអ៊ុំទូកខាងមុខនេះ មានផែនការទៅណាហើយនៅអ្នកអើយ!

ទិដ្ឋភាពទេសភាព ខ្នងវាល នាចុងរដូវវស្សា ដើមរដូវរម្ហើយ
ពិតជាស្រស់ស្រាយណាស់ ស័ក្ដិកន្លែងសាកថ្មជីវិត សម្រាប់មិត្តយុវវ័យ។

ខិតខំធ្វើការងាររកស៊ី រកទុក កុំភ្លេចថែរក្សាសុខភាព និងដើរកម្សាន្តលម្ហែកាយ រំសាយភាពធុញថប់ផងណា!

ការងារជាមុខរបរចិញ្ចឹមជីវិត សុខភាពជាទ្រព្យសម្បត្តិ រីឯការកម្សាន្តជាចំណីផ្លូវចិត្ត😍
—
ដោយ: បងរ៉ាន់ សហគមន៍ខ្នងវាល

បើទំនេរ កុំភ្លេច ទៅលេងទឹកធ្លាក់យាយម៉ៅផងណា ។
មួយជីវិមនុស្សតើមានដប់ឆ្នាំប៉ុន្មានដង? ជីវិ គឺខ្លីណាស់ ដូចនេះ កុំរវល់ខិតខំធ្វើការងារ រហូតភ្លេចផ្ដល់វង្វាន់ជូនខ្លួនឯង។

ដើរលេងព្រៃភ្នំ ស្ដាប់សំឡេងសត្វយំ បណ្ដែតអារម្មណ៍តាមសូរសៀងខ្យល់បក់ប្របស្លឹកព្រឹក្សព្រៃ និងគយគន់ទេសភាពវាលស្មៅខៀវខ្ចី ផឹកតែ ពិភាក្សាបញ្ហាជីវិត បញ្ហារកស៊ីរកទុក បញ្ហាសង្គមជាតិ ក៏អាចចាត់ទុកថា ជាការផ្ដល់រង្វាន់ជូនខ្លួនឯងដែរ ដើរលេងទាន់នៅមានកម្លាំង។

ទឹកធ្លាក់យាយម៉ៅ ស្ថិតនៅក្នុងភូមិសូរិយា ឃុំតាសាល ស្រុកឱរ៉ាល់ ខេត្តកំពង់ស្ពឺ ជាកន្លែងកម្សាន្តបែបសាមញ្ញ រងចាំទទួលបងប្អូន! បងប្អូនដឹងទេថា ការដើរលេងព្រៃក៏ជាការចូលរួមលើកកម្ពស់ជីវភាពសហគមន៍មូលដ្ឋានដែរ!
--
រូបភាព៖ បងរ៉ាន់៕

ទិដ្ឋភាពថ្ងៃរះ និងទេសភាព ពេលព្រឹកព្រហាម លើភ្នំខ្នងកាំភ្លើងធំ និងខ្នងសំពៅ នាដើមរដូវវស្សា ពិតជាស្រស់ស្រាយណាស់ 🌴🌱