Law lyheng

សាលាឧទ្ធរណ៍សម័យបារាំង

សម័យអាណាព្យាបាលបារាំង, មុន​ពេលមានសាលាវិនិច្ឆ័យ(តុលាការកំពូល) ឃើញថាសាលាឧទ្ធរណ៍​ជាតុលាការ​ជាន់ខ្ពស់​តែមួយគត់​។ ករណីមិនសុខចិត្តសាលក្រមសាលាឧទ្ធរណ៍ ត្រូវប្តឹងតវ៉ា​ទៅ​កុងសីយសេនាបតី (ក្រុមប្រឹក្សា​រដ្ឋមន្ត្រី)។ មួយវិញទៀត​ដំបូងមាន​សាលាឧទ្ធរណ៍ក្រុងភ្នំពេញ ក្រោយមកមានសាលា​ឧទ្ធរណ៍ដែនបាត់ដំបងមួយទៀត តែពេលមានការកែទម្រង់តុលាការ​ជា​ហេតុនាំឱ្យសាលាឧទ្ធរណ៍​មានតែមួយវិញនៅក្រុងភ្នំពេញ និងវត្តមានសាលាវិនិច្ឆ័យ។

Telegram ៖ https://t.me/lawlyheng/joinchat/

#ច្បាប់សម័យអាណាព្យាបាលបារាំង #ស្ថាប័ននិងច្បាប់សម័យបារាំង #សាលាឧទ្ធរណ៍ #យុត្តិធម៌

ច្បាប់ហាមមិនឱ្យមន្ត្រីណាជក់អាភៀនកញ្ឆា

នាម៉ឺនសព្វមុខមន្ត្រី និងខ្ញុំរាជការដែលបន្តជក់អាភៀន ឬកញ្ឆា ត្រូវហូតងារចេញពីរាជការ។ បើផ្អែកតាមប្រការ ២ នៃព្រះរាជប្រកាស ក៏បានបង្ហាញពីការបង្អង់ការអនុវត្ត ទុករយៈពេលសម្រាប់ផ្សព្វផ្សាយ ១ឆ្នាំផងដែរ ឱ្យមន្ត្រី និងរាស្ត្របានដឹងពីការហាមជក់អាភៀនកញ្ឆា។
មួយវិញទៀតអ្នកផ្សេងៗទៀតដែលមានទម្លាប់ជក់អាភៀនកញ្ឆា មិនឱ្យចូលធ្វើរាជការ។ រាជការសម័យបារាំង សំដៅទៅលើរាជការដ្ឋបាល និងខាងតុលាការ។

Telegram ៖ https://t.me/lawlyheng/joinchat/

#ច្បាប់សម័យអាណាព្យាបាលបារាំង #ស្ថាប័ននិងច្បាប់សម័យបារាំង #គ្រឿងញៀន #មហាផ្ទៃ

ក្រមរដ្ឋប្បវេណីដំបូងនៅសម័យបារាំង

ឯកសារក្រមរដ្ឋប្បវេណី ឆ្នាំ១៩១៣ (ពាក្យពីដើម អត្តៈភាវគតិ) មាត្រាចំនួន ៩៣៥មាត្រា និងសរសេរអក្សរដោយដៃ បង្ហាញពីការសរសេរដំបូង។ បើទោះបីជាមានច្បាប់ប្រកាសឱ្យប្រើក្រមរដ្ឋប្បវេណី ក៏ត្រូវរងចាំដល់ឆ្នាំ១៩២០ បន្ទាប់ពីមានការកែប្រែចុងក្រោយ។

Telegram ៖ https://t.me/lawlyheng/joinchat/

#ច្បាប់សម័យអាណាព្យាបាលបារាំង #ស្ថាប័ននិងច្បាប់សម័យបារាំង #ក្រមរដ្ឋប្បវេណី #យុត្តិធម៌