Thy Rith

អ្នកបើកបរម៉ូតូ នៅផ្លូវជាតិលេខ៣ ...
31/05/2026
(ប្រភព : Kin Karona)

វីដេអូប្រតិបត្តិការរបស់កម្លាំងសមត្ថកិច្ចនគរបាលព្រហ្មទណ្ឌ បង្ក្រាបករណីចាប់បង្ខាំងមនុស្ស ជំរិតទារប្រាក់

នៅថ្ងៃទី២៧ ខែឧសភា ឆ្នាំ២០២៦ នាយកដ្ឋាននគរបាលព្រហ្មទណ្ឌ បានទទួលពាក្យបណ្តឹងរបស់ឈ្មោះ Liu Weihua ភេទប្រុស អាយុ៤៣ឆ្នាំ ជនជាតិចិន ដោយក្មួយស្រីរបស់ឈ្មោះ Huang Xiyi ភេទស្រី អាយុ២២ឆ្នាំ ជនជាតិចិន ត្រូវបានជនមិនស្គាល់អត្តសញ្ញាណ ធ្វើសកម្មភាពបង្ខាំង និងជំរិតទារប្រាក់ ចំនួន ២លានយ័ន។

ក្រោយពីទទួលបានពាក្យបណ្តឹងខាងលើ ដោយទទួលបទបញ្ជាពីលោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ កម្លាំងជំនាញដឹកនាំដោយលោកឧត្តមសេនីយ៍ត្រី ហ៊ុន មុន្នីរ័ត្ន វរសេនីយ៍ឯក ហែម បូណា និងវរសេនីយ៍ឯក ឆាន់ គីមលី អនុប្រធាននាយកដ្ឋាន បានធ្វើការស្រាវជ្រាវតាមនីតិវិធី និងជំនាញរហូតកំណត់បានទីតាំងបង្ខាំងខាងលើ។

នៅថ្ងៃដដែល វេលាម៉ោង ១៦:១០នាទី កម្លាំងជំនាញបានធ្វើការជួយសង្គ្រោះបានជនរងគ្រោះ ចំនួន០៣នាក់ រួមមាន ៖
១.ឈ្មោះ HUANG XIYI ភេទស្រី អាយុ២២ឆ្នាំ ជនជាតិចិន
២.ឈ្មោះ XU YUE ភេទស្រី អាយុ៣០ឆ្នាំ ជនជាតិចិន
៣.ឈ្មោះ DIAN JIE ភេទស្រី អាយុ២៦ឆ្នាំ ជនជាតិចិន។

ឃាត់ខ្លួនបានជនសង្ស័យ ចំនួន០២នាក់ ៖
១.ឈ្មោះ AR SAN ភេទប្រុស អាយុ២៩ឆ្នាំ ជនជាតិមីយ៉ាន់ម៉ា
២.ឈ្មោះ AI NI ភេទប្រុស អាយុ២០ឆ្នាំ ជនជាតិមីយ៉ាន់ម៉ា ត្រង់ចំណុចភូមិភៀនសារ ឃុំព្រះនិពាន្ធ ស្រុកគងពិសី ខេត្តកំពង់ស្ពឺ។

ជនសង្ស័យ និងជនរងគ្រោះ ត្រូវបានបញ្ជូនទៅកាន់នាយកដ្ឋាននគរបាលព្រហ្មទណ្ឌ ដើម្បីសាកសួរ និងបន្តនីតិវិធី៕

(ប្រភព : នាយកដ្ឋាននគរបាលព្រហ្មទណ្ឌ)