LP Express

ជំងឺឬសដូងច្រមុះ (Nasal Polyps) គឺជាការដុះសាច់ច្រមុះមួយប្រភេទ ដែលដុំសាច់ទន់ មានរាងដូចជាដំណក់ទឹកតូចៗ ឬសណ្ឋានដូចទំពាំងបាយជូរ ដែលអាចវិវត្តន៍នៅក្នុងស្រទាប់នៃប្រហោងឆ្អឹងច្រមុះ និងរន្ធច្រមុះ។ វាមិនបង្កការឈឺចាប់ និងមិនមែនជាជំងឺមហារីកនោះទេ ប៉ុន្តែពួកវាអាចកាន់តែធំ ឬវិវត្តទៅជាចង្កោម។
ប្រសិនបើឬសដូងនៅតូច លោកអ្នកប្រហែលជាមិនដឹងថាមានជំងឺឬសដូងច្រមុះទេ។ ប៉ុន្តែប្រសិនវាលូតលាស់ច្រើន ឬដុំសាច់ធំ វាអាចរាំងស្ទះរន្ធច្រមុះ និងប្រហោងឆ្អឹងច្រមុះរបស់អ្នក។
រោគសញ្ញាទូទៅនៃជំងឺឬសដូងច្រមុះរួមមាន៖
- ហៀរសំបោរ ឬហូរសំបោរធ្លាក់ទៅខាងក្រោយ
- តឹងច្រមុះ
- ការថយចុះ ឬអវត្តមាននៃក្លិន
- ការបាត់បង់រសជាតិ
- ឈឺក្បាល ឬឈឺមុខ
- ឈឺចាប់ធ្មេញខាងលើ
- មានអារម្មណ៍ធ្ងន់លើថ្ងាស និងមុខ
- គេងស្រមុក
- ការហូរឈាមច្រមុះញឹកញាប់។
មូលហេតុដែលលោកអ្នកអាចងាយរងនូវជំងឺឬសដូងច្រមុះ៖
- នៅក្នុងបន្ទប់បិទជិតដែលសម្បូរធូលី
- រលាកប្រហោងឆ្អឹងច្រមុះរ៊ាំរ៉ៃ
- អាលែកស៊ីច្រមុះ
- ហឺត។
វិធីបង្ការ៖
- ប្រសិនបើលោកមានជំងឺអាឡែស៊ីច្រមុះ លោកអ្នកគប្បី តមអាហារត្រជាក់ ផ្អាប់ និងគ្រឿងសមុទ្រ
- ជៀសវាងសារធាតុដែលងាយបង្កការរលាកច្រមុះ ដូចជាផ្សែងបារី ឬធូលីដី
- ឧស្សាហ៍លាងសម្អាតច្រមុះជាមួយទឹកសេរ៉ូមប្រៃ ឬស្រ្ពៃយ៍បាញ់ច្រមុះ
ជំងឺឬសដូងច្រមុះ (Nasal Polyps) ចែកជា ៤ ដំណាក់កាល។
- ដំណាក់កាលទី១៖ ដុំសាច់ស្ថិតក្នុងប្រហោងឆ្អឹងច្រមុះ មិនទាន់ចេញមកក្រៅ ឬអាចចេញមកក្រៅ និងត្រូវការឧបករណ៍អង់ដូស្កុបឆ្លុះដើម្បីមើលឃើញ
- ដំណាក់កាលទី២៖ ដុំសាច់ចេញមកត្រឹមសាច់ច្រមុះកណ្ដាល
- ដំណាក់កាលទី៣៖ ដុំសាច់ចេញផុតពីសាច់ច្រមុះកណ្ដាល
- ដំណាក់កាលទី៤៖ ដុំសាច់រាលចេញមកផ្នែកច្រមុះខាងមុខ
វិធីសាស្រ្តព្យាបាល គឺត្រូវព្យាបាលទៅតាមដំណាក់កាល។ សម្រាប់ដំណាក់កាលទី ១ និងទី២ លោកអ្នកអាចប្រើប្រាស់ស្រ្ពៃយ៍បាញ់ច្រមុះ ដើម្បីទប់ស្កាត់ដុំសាច់កុំឲ្យរីកលូតលាស់ជាងនេះទៀត។ ចំពោះដំណាក់កាលទី ៣ និងទី៤ ពិសារថ្នាំព្យាបាល។
☎️ ឥឡូវនេះលោកអ្នកអាចជួបពិគ្រោះអាការៈជំងឺជាមួយខាងយើងខ្ញុំបានតាមរយៈទូរសព្ទ័ 📞 ឬ 🌐 ដើម្បីទទួលបានការការណែនាំពីរបៀបការថែទាំខ្លួននៅផ្ទះ ការពិសារថ្នាំព្យាបាល នឹងថ្នាំជំនួយផ្សេងៗទៀត...។ Tel: 012 755 723 / 098 755 723 / 097 77 55 723