MB Book Store

កុំរំពឹងរឿងល្អពីគេច្រើនពេក
"មនុស្សល្អៗជាច្រើនដែលយើងបានជួបអាចទៅចោលយើងនៅថ្ងៃណាមួយ ប៉ុន្តែបើយើងជាមនុស្សល្អវិញ យើងនឹងនៅជាមួយខ្លួនឯងរហូតដល់ដង្ហើមចុងក្រោយ"។

#ប្រាកដជាមានហេតុផលដែលនាំយើងឱ្យទៅស្គាល់ឬក៏ស្រលាញ់អ្នកណាម្នាក់

-អ្វីៗកើតឡើងដោយហេតុផល
-ទោះមិនបានជាគូ ក៏រំភើប
-ទោះមិនបានជាមិត្ត ក៏អរគុណ

ក្នុងជីវិតនេះ យើងមិនចេះតែជួប ឬចេះតែពាក់ព័ន្ធគ្នាដោយគ្មានឩបនិស្ស័យនោះឡើយ។ អុីចឹងហើយ ចូរប្រើពេលវេលាដែលមានជាមួយគ្នាឱ្យក្លាយជាអនុស្សាវរីយ៍ល្អៗ តទៅថ្ងៃក្រោយ ទោះពួកគេទៅឆ្ងាយយ៉ាងណាក៏ដោយ ក៏យើងអាចប្រាប់ខ្លួនឯងបានថា "ខ្ញុំសប្បាយចិត្តដែលបានស្គាល់គេ" ។
ជួនកាលខ្ញុំក៏ខូចចិត្ត និងគិតឆ្ងល់ដូចគ្នា ថាហេតុអ្វីក៏បណ្តោយឱ្យខ្ញុំស្គាល់គេ ស្គាល់ការខកចិត្ត? ប៉ុន្តែគិតៗទៅ គួរតែអរគុណ ស្គាល់គ្នាគ្រានេះ ព្រោះនិស្ស័យពីគ្រាមុន។ អរគុណដែលមានឱកាសតបស្នង។ អ្នកប្រហែលជាមិនខ្វល់ទេថាខ្ញុំមានអារម្មណ៍បែបណាចំពោះអ្នក តែខ្ញុំនៅតែនឹកនៅតែស្រលាញ់។

ដកស្រង់ចេញពីសៀវភៅ"មនោសញ្ចេតនា"។