PICH
Share
21/10/2021
***ការពារភ្នែកកូនពីពន្លឺអេក្រង់ដោយសាររៀនអនឡាញ តាមតិចនិកទាំងនេះ។
ការពារភ្នែកកូន ជាកត្តាសំខាន់ ព្រោះពេលរៀនអនឡាញ កូនត្រូវសម្លឹងមើលកញ្ចក់អេក្រង់រាប់ម៉ោងពីមួយថ្ងៃទៅមួយថ្ងៃ ដូចយើងមនុស្សធំដែរក្នុងសម័យកូវីដ-១៩ នេះ។ យើងដឹងហើយ ការដែលសម្លឹងអេក្រង់យូរ នោះពន្លឺខៀវពីកញ្ចក់ទូរស័ព្ទ ឬកុំព្យូទ័រអាចបង្កផលប៉ះពាល់ដល់ភ្នែកបាន។ ដើម្បីធានាថា អាអូនរៀនអនឡាញបានមិនប៉ះពាល់ដល់ភ្នែក ម៉ាក់ប៉ាអាចប្រើតិចនិកថែទាំខាងក្រោមនេះ ការពារភ្នែកអាអូនពីពន្លឺអេក្រង់។
*តិចនិកការពារភ្នែកកូនអំឡុងពេលរៀនអនឡាញ
១. ឲ្យអាអូនរៀនអនឡាញនៅក្នុងបន្ទប់មានពន្លឺភ្លឺ និងរក្សាកម្រិតពន្លឺអេក្រង់ទូរស័ព្ទ ឬកុំព្យូទ័រ ត្រឹមពាក់កណ្ដាល កុំឲ្យភ្លឺពេក ឬងងឹតពិបាកមើលពេក។ ការមើលអេក្រង់នៅក្នុងបន្ទប់ដែលមានពន្លឺទាបនាំឱ្យមានការឈឺ ឬស្ពឹកភ្នែក ព្រោះភ្នែកត្រូវប្រឹងមើលអេក្រង់។
២. បង្រៀនកូនឲ្យឧស្សាហ៍ព្រិចភ្នែកពេលកំពុងរៀនអនឡាញ ព្រោះជាទូទៅ ពេលរវល់ស្ដាប់គ្រូពេក អាចសម្លឹងអេក្រង់យូរ កម្រព្រិចភ្នែក អាចធ្វើឲ្យភ្នែកកូនស្ងួត
៣. អនុវត្តតាមក្បួន២០-២០-២០។ រាងរាល់២០នាទីម្ដង ឲ្យកូនងាកចេញពីអេក្រង់ សម្លឹងមើលវត្ថុអ្វីចម្ងាយ៥-៦ម៉ែត្រពីខ្លួន រយៈពេល២០វិនាទី
៤. ឃើញកូនរៀនយូរម៉ោង ម៉ាក់ប៉ាត្រូវដាក់ពេលវេលាឲ្យកូនសម្រាកភ្នែក ពីកញ្ចក់ទូរស័ព្ទ ឬកុំព្យូទ័រ៣-៥នាទី សឹមបន្តរៀនទៀត
៥. ការពារភ្នែកកូនដោយជំរុញឲ្យអាអូនលេងនៅរបស់របរផ្សេងៗក្រៅផ្ទះ (ដូចជាលេងបាល់ ឬកីឡាផ្សេង) ពេលទំនេរពីរៀនអនឡាញ ចៀសវាងឲ្យកូនមើលទូរស័ព្ទលេងក្រោយរៀនចប់។
៦. ផ្ដល់អាហារមានតុល្យភាពឲ្យអាអូនញ៉ាំបានគ្រប់គ្រាន់ ក្នុងអាហារមួយពេលៗគួរមានសាច់ បន្លែ ផ្លែឈើ គ្រប់សារធាតុចិញ្ចឹម ពិសេសអាហារដែលផ្ដល់ប្រយោជន៍ដល់ភ្នែកច្រើន។
៧. នាំអាអូនទៅពិនិត្យភ្នែកយ៉ាងតិច ១ឆ្នាំម្ដង និងតាមដានសញ្ញាដូចជា ឈឺក្បាល ឧស្សាហ៍ភ្នែក ព្រិចភ្នែកញឹកញាប់ពេក ឬអស់កម្លាំង ព្រោះវាអាចជាសញ្ញាបញ្ហាភ្នែក។
បន្ថែមពីលើនេះ ម៉ាក់ប៉ាក៏ត្រូវណែនាំឲ្យអាអូនដាក់ទូរស័ព្ទ ឬកុំព្យូទ័រដែលត្រូវរៀនឲ្យឆ្ងាយពីភ្នែក និងអង្គុយរៀនត្រង់ខ្លួន ដើម្បីការពារភ្នែកកូនពីពន្លឺខៀវ។ ម៉្យាងវិញទៀត កញ្ចក់អេក្រង់ទូរស័ព្ទ ឬកុំព្យូទ័រត្រូវសម្អាតជាប្រចាំផងដែរ។
ដកស្រង់ចេញពី hellokrupet
12/10/2021
កុមារអភិវឌ្ឍន៍ ជំនាញកីឡាតាមលំដាប់លំដោយដូច្នេះលំដាប់នីមួយៗគួរតែត្រូវបានផ្តល់ឱ្យអតិបរមាសម្រាប់កុមារនោះ។ ប្រសិនបើដំណាក់កាលអភិវឌ្ឍន៍នីមួយៗត្រូវបានបង្កើតឡើងយ៉ាងពេញលេញកូនសកម្មរបស់អ្នកមានសមត្ថភាពឈានដល់សមត្ថភាពអតិបរមារបស់គេក្នុងការចូលរួមក្នុងកីឡា។
Click here to claim your Sponsored Listing.
Category
Contact the business
Telephone
Address
PO SENCHEY District
Phnom Penh
12000
