CT

🧰 ដំណឹងជ្រើសរើស
- អ្នកគ្រប់គ្រង ១ រូប
ប្រាក់ខែចរចារ
📱 ព័ត៌មានបន្ថែម👇

និស្សិតមហាវិទ្យាល័យ! ..... ម៉ោង ២ រំលងអធ្រាត្រទៀតហើយ...

អង្គុយសម្លឹងអេក្រង់កុំព្យូទ័ររហូតដល់ខួរក្បាលឡើងគាំង លែងចង់ដើរ។
ដៃនៅវាយក្ដារចុច តែក្នុងក្បាលស្រាប់តែផុសសំណួរមួយឡើងមកកាត់ផ្ដាច់ភាពស្ងាត់ជ្រងំ៖ "នេះខ្ញុំជិតរៀនជិតចប់មែនហ្នឹង?"

និយាយតាមត្រង់ចុះ... ពេលវេលាវាដើរលឿនដល់ថ្នាក់គួរឲ្យខ្លាច។

ចាំបានថា កាលចូលឆ្នាំទី១ អង្គុយរាប់ថ្ងៃរាប់ខែថា ពេលណាទើបផុត ៤ ឆ្នាំនេះ។ ពេលនោះ ធ្លាប់តែរអ៊ូថាហត់ ចង់ប្រញាប់រៀនចប់ ចង់ចេញធ្វើការ ចង់មានលុយខ្លួនឯង។ តែមកដល់ពេលនេះ ពេលដែលពាក្យថា "បញ្ចប់ការសិក្សា" មកឈរចាំត្រង់មុខ... អារម្មណ៍ពិតនៅពេលនេះ គឺមិនមែនរំភើប ១០០% ទេ តែវាលាយឡំនឹងភាព "ភ័យ" និង "វង្វេង" ច្រើនជាង។

៤ ឆ្នាំកន្លងផុតទៅយ៉ាងលឿនដូចគេកុហក។ អ្វីដែលនៅសល់ក្នុងក្បាលច្បាស់ជាងគេ មិនមែនទ្រឹស្ដីក្នុងសៀវភៅក្រាស់ៗទេ តែវាជា៖

យប់ដែលអត់ងងុយ ផឹកកាហ្វេរហូតដល់ញ័រទ្រូង ដើម្បីវាយ Assignment ឲ្យទាន់ Deadline ម៉ោង ១១:៥៩ នាទីយប់។

អារម្មណ៍ភ័យបែកញើស ពេលឡើង Present ទាំងដែលទើបតែរៀបចំ Slide ចប់មុននេះ ៥ នាទី។

អារម្មណ៍ដែលហត់ចង់យំ ពេលការងារសាលាផង ការងារក្រៅផង គរលើគ្នា រហូតដល់ចង់បោះបង់ចោលទាំងអស់។

អត់នឹកស្មានថា ភាពហត់នឿយទាំងនេះ វាបានក្លាយជាទម្លាប់... ហើយវាក៏ជិតក្លាយជាអតីតកាលទៅហើយ។

ស្រាប់តែមានអារម្មណ៍ថា ស្ដាយពេលវេលាដែលនៅសាលា។ ជិតត្រូវក្លាយជា "មនុស្សឯករាជ្យ" ពេញលេញហើយ ត្រូវប្រឈមមុខនឹងសង្គមការងារពិតប្រាកដ។ តែងតែសួរខ្លួនឯងថា "តើខ្ញុំពិតជាត្រៀមខ្លួនរួចហើយមែនទេ? តើខ្ញុំមានសមត្ថភាពគ្រប់គ្រាន់ហើយឬនៅ?" វាជាអារម្មណ៍មួយដែលពិបាកពន្យល់... គឺចង់រៀនចប់ តែមិនទាន់ចង់ប្រឈមមុខនឹងអ្វីដែលនៅបន្ទាប់។

តោះ! តទល់ជាមួយការពិតបន្តទៀត។
សម្រាប់អ្នកដែលកំពុងអានអត្ថបទនេះ ហើយកំពុងស្ថិតក្នុងស្ថានភាពដូចគ្នា... បើហត់ខ្លាំង សម្រាកបន្តិចចុះ។
អារម្មណ៍ភ័យ អារម្មណ៍ហត់ និងភាពស្ទាក់ស្ទើរទាំងនេះ គឺជារឿងធម្មតាទេ ពួកយើងសុទ្ធតែធ្លាប់ឆ្លងកាត់វា។

ផ្ញើការលើកទឹកចិត្តមួយពីចម្ងាយ... ពួកយើងនឹងរុញទូកមួយនេះឲ្យដល់ត្រើយទាំងអស់គ្នា! 🫂💻☕

និស្សិតរៀនមេឌៀ ធ្វើការងារមេឌៀ បានប្រពន្ធស្អាតឆ្លាត🥰

នៅសល់ត្រឹមតែ ១ខែប៉ុណ្ណោះ សូមប្អូនៗ ត្រៀមខ្លួន ការទទួលទានអាហារ ការធ្វើដំណើរ សូមមានការប្រុងប្រយ័ត្នខ្ពស់ កុំអោយមានជម្ងឺមកបៀតបៀនអោយសោះ​ រឹតតែសំខាន់នោះគឺគេងអោយបានគ្រប់គ្រាន់

សល់ត្រឹមតែ ១ខែទៀតប៉ុណ្ណោះ នៃការសម្រុកដុសខាត់សមត្ថភាព មុនថ្ងៃប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៦ ឈានចូលមកដល់។ សូមប្អូនៗតាំងស្មារតី និងបញ្ចេញសមត្ថភាពឱ្យអស់ពីលទ្ធភាពក្នុងដំណាក់កាលដ៏សំខាន់នេះ។

តាមដានព័ត៌មានផ្លូវការទាក់ទងនឹងការប្រឡង ៖ https://linktr.ee/moeyscambodia