Idea Business

ធ្វើ​រឿង​ទាំង​នេះ​បើ​អ្នក​មិន​ចង់​បាត់​បង់ការ​គោរព​ពីអ្នកដទៃ​
មិនថានៅក្នុងជីវិតរស់នៅសព្វថ្ងៃ ឬ ជីវិតការងារនោះទេមនុស្សម្នាក់ៗ ត្រូវការការផ្ដល់តម្លៃការគោរពពីអ្នកដទៃជុំវិញខ្លួនបើទោះបីជាឋានៈអ្នកតូចទាបប៉ុនណាទេ ហើយក្នុងនាមជាមនុស្សក៏ដូចគ្នា ការដែលចេះគោរពឱ្យតម្លៃអ្នកដទៃជាគុណធម៌ដ៏សំខាន់បំផុត។ នៅពេលដែលអ្នកចេះគោរពអ្នកដទៃ គេក៏នឹងគោរពឱ្យតម្លៃអ្នកវិញដូចគ្នា។ បើនិយាយពីការងារវិញ ការដែលអ្នកអាចធ្វើខ្លួនឱ្យចុះសម្រុងជាមួយមិត្តរួមការងារ បង្កើតទំនាក់ទំនងល្អជាមួយមនុស្សគ្រប់គ្នា ជាផ្នែកមួយដែលអ្នកបើកឱកាសឱ្យខ្លួនឯងរកផ្លូវអភិវឌ្ឍខ្លួនបានកាន់តែល្អ ហើយអ្នកក៏នឹងទទួលបានទំនាក់ទំនងដ៏ពិតប្រាកដមួយដែរ។

ក្នុងអត្ថបទនេះនាងខ្ញុំនឹងលើកយកពីរឿងរ៉ាវ និងទំលាប់មួយចំនួនដែលអ្នកគួរធ្វើនៅកន្លែងការងារ។
1. ឱ្យក្រេឌីតទៅអ្នកពាក់ព័ន្ធ
យើងដឹងហើយថាការងារជាក្រុមមិនអាចសម្រេចបានទេបើគ្មានការចូលរួមចំណែកពីសមាជិកម្នាក់ៗក្នុងក្រុម។ នៅពេលការងារក្រុមអាចសម្រេចបានលទ្ធផលល្អ វាគឺជាភាពជោគជ័យមួយដែលនាំឱ្យគ្រប់គ្នារីករាយ និងពេញចិត្ត ហើយម្នាក់ៗដែលបានចូលរួមធ្វើការងារមួយនេះច្បាស់ជាចង់បានត្រលប់មកវិញនូវការសរសើរ ឬ ការទទួលស្គាល់ស្នាដៃនៃការងារនេះ។ បើអ្នកជាប្រធានក្រុមដឹកនាំក៏បានអ្នកគួរនិយាយពាក្យនេះ៖ «នេះជាសមិទ្ធផលរួមរបស់យើង គ្រប់គ្នាសុទ្ធតែបានខិតខំប្រឹងប្រែងលើការងារមួយនេះ ប្រសិនបើគ្មានការលះបង់ពីអ្នកទាំងអស់គ្នា យើងក៏មិនអាចសម្រេចវាបានដែរ»។ អ្នកក៏អាចនិយាយក្នុងនាមជាសមាជិកក្រុមម្នាក់ដោយបែបនេះថា៖ «អរគុណសម្រាប់ការជួយរបស់ដេនី មែនទែនទៅការងារនេះបើឱ្យខ្ញុំធ្វើម្នាក់ឯងប្រាកដជាចំណាយពេលយូរជាងនេះមិនខាន»។ ដូច្នេះវាមិនខុសទាស់អ្វីនោះទេដែលអ្នកគ្រាន់តែនិយាយ ឬផ្ដល់ក្រេឌីតដល់អ្នកពាក់ព័ន្ធ ឬអាចនិយាយបានថាចេះដឹងគុណពេលគេជួយក៏ថាបាន។

2. កំណត់ព្រំដែនការងារ
មិនមែនឱ្យអ្នកកំណត់ព្រំដែនហើយមិនជួយការងារអ្នកដទៃ ធ្វើជាមនុស្សអាត្មានិយមទេ តែការចេះកំណត់ព្រំដែននេះ គឺកុំធ្វើអ្វីហួសដែនសមត្ថកិច្ចរបស់អ្នក កុំព្យាយាមលូកដៃលើការងារអ្នកដទៃទាំងដែលគ្មានការអនុញ្ញាត ឬក៏ជាការងារដែលអ្នកមិនចេះឱ្យសោះ។ ម្យ៉ាងវិញទៀត អ្នកក៏អាចរៀនបដិសេធលើការងារមួយចំនួនដែលមិនមែនជាតួនាទី ភារកិច្ចទទួលខុសត្រូវរបស់អ្នក ការងារដែលលើសពីសមត្ថភាព ការងារដែលធ្វើទៅហើយអាចទទួលនូវគុណវិបត្តិច្រើនជាងគុណសម្បត្តិ និងប៉ះពាល់ដល់អ្នកនាពេលខាងមុខ។

3. ចេះគ្រប់គ្រងអារម្មណ៍ និងបញ្ហាដែលកើតមានឱ្យបានសមរម្យ
គ្មានការងារណាមួយដែលមិននាំបញ្ហាមកឱ្យអ្នកទេ ហើយក៏គ្មានការងារដែលមិនធ្វើឱ្យអ្នកឈឺក្បាលខូចអារម្មណ៍សោះនោះដែរ។ តែអ្វីដែលសំខាន់ពេលជួបបញ្ហាហើយ តើអ្នកនឹងដោះស្រាយវាដោយរបៀបណា ហើយអ្នកនឹងគ្រប់គ្រងអារម្មណ៍ខ្លួនឯងយ៉ាងដូចម្ដេច ដើម្បីឆ្លើយតបនឹងបញ្ហានោះ។ មិត្តរួមការងារភាគ ច្រើនតែងកើតមានបញ្ហាទាស់សម្ដីគ្នា ខ្នាំងខ្នាក់ចិត្តជាមួយគ្នានៅពេលដែលកើតមានការខ្វែងគំនិតយោបល់លើការងារ និងការដែលមិនចេះគ្រប់គ្រងកំហឹងរបស់ខ្លួននេះឯង។ មនុស្សដែលមានសមត្ថភាពឆ្លើយតបនឹងកំហឹងរបស់ខ្លួនឯង និងកំហឹងរបស់អ្នកទៃបានល្អ ឆ្លើយតបដោយសន្ដិវិធីបូកផ្សំជាមួយសមត្ថភាពបំពេញការងាររបស់គេផង ជាមនុស្សម្នាក់ដែលស័ក្ដិសមក្លាយខ្លួនជាអ្នកដឹកនាំនាពេលអនាគត។

ទាំងនេះជាគន្លឹះតិចៗ តែវាផ្ដល់ផលធំដល់ការងាររបស់អ្នករួមទាំងអនាគតអ្នកទាំងមូលតែម្ដង៕

ដោយ៖ Clara
ប្រភព៖ www.themuse.com

📚ស្តាប់សៀវភៅសង្ខេបជាភាសាខ្មែរ200ក្បាលជាងនៅលើ WEREAD 📚ចូលស្តាប់ និងអានអត្ថបទចំណេះដឹងទូទៅឥតគិតថ្លៃ✅️
👉ចុះឈ្មោះនៅទីនេះ៖ https://www.weread.asia/ #/login?code=9Iz45P
ជម្រើសកាត VIP 3 ជម្រើសដូចខាងក្រោម៖
✅️ កាត VIP 1 ខែ 5$ ស្តាប់សាកល្បងមួយខែសិន
✅️ កាត VIP 1 ឆ្នាំ 30$ ទិញមួយឆ្នាំ ថែមជូនមួយឆ្នាំ
✅️ កាត VIP ♾ 50$ បង់ប្រាក់តែម្តង ស្តាប់បានរហូត
👉ចូលគ្រុបTelegram WERead Cambodia😊៖ https://t.me/WEReadCambodia

ក្លាយជា​បុគ្គលិក​ឆ្នើម​បាន​ដោយ​ធ្វើ​រឿង​ទាំង​នេះ​
នៅក្នុងវ័យដែលកំពុងប្រឡូកជាមួយនឹងអាជីពការងារគោលបំណងធំរបស់មនុស្សម្នាក់ៗគ្មានអ្វីក្រៅពីការដែលអាចសម្រេចបានលទ្ធផលការងារល្អប្រកបដោយភាពជោគជ័យលើកការងាររបស់ខ្លួននោះទេ។ ហេតុផលនៅក្នុងការគិតបែបនេះ គ្មានអ្វីក្រៅពីចង់ឱ្យខ្លួនឯងមានការអភិវឌ្ឍទៅមុខអាចទទួលបានការឡើងតំណែង មានការទទួលស្គាល់ស្នាដៃការងារ ហេតុអ្វីដែលសំខាន់ជាងគេចុងក្រោយនោះគឺ ការឡើងប្រាក់ខែ និងទទួលបានអត្ថប្រយោជន៍ផ្សេងៗទៀតនេះឯង។ ជាមួយគ្នានេះដែរគេសង្កេតឃើញថាបុគ្គលិកឆ្នើម គឺជាមនុស្សដែលងាយនឹងទទួលបាននូវលក្ខខណ្ឌដែលបានលើកឡើងនេះនឹងមានអាទិភាពទទួលបានវាច្រើនជាង។ ដូច្នេះនៅក្នុងអត្ថបទនេះនឹងលើកយកពីគន្លឹះឬក៏វិធីសាស្ត្រមួយចំនួនដែលអាចជួយឱ្យអ្នកក្លាយទៅជាបុគ្គលិកឆ្នើមម្នាក់បាន។

1. គោរពគោលការណ៍របស់ក្រុមហ៊ុន ឬ ស្ថាប័ន
នេះគឺជាចំណុចសំខាន់បំផុតដែលអ្នកត្រូវដឹងពីគោលការណ៍របស់ក្រុមហ៊ុនឱ្យបានច្បាស់ជាមុនសិន។ ប្រសិនបើអ្នកធ្វើអ្វីមួយប្រាស់ចាកពីគោលការណ៍របស់ស្ថាប័ន ឧទាហរណ៍ដូចជាការមិនគោរពវិន័យទៅធ្វើការយឺតមិនបានបំពេញការងារបានត្រឹមត្រូវ មិនបានធ្វើអ្វីបាញ់ឆ្ពោះទៅដល់ការសម្រេចគោលដៅរបស់ក្រុមហ៊ុន នោះវានឹងធ្វើឱ្យអ្នកពិបាកទទួលបានឱកាសក្លាយទៅជាបុគ្គលិកឆ្នើម។

2. គោរពឱ្យតម្លៃអ្នកដទៃ
អ្នកត្រូវចាំពាក្យមួយឃ្លាថា បើចង់ឱ្យគេគោរពអ្នក អ្នកត្រូវគោរពគេ បើអ្នកចង់បានអ្វីអ្នកក៏នឹងត្រូវធ្វើទង្វើមួយនោះដែរ។ អ្នកត្រូវប្រើពាក្យសម្ដីដែលល្អ មានសីលធម៌ ដឹងខុសត្រូវ ខ្ពស់ទាបជាមួយមិត្តរួមការងារ។ លើសពីនេះ រៀនស្ដាប់មតិយោបល់អ្នកដទៃឱ្យបានច្រើន វាក៏បង្ហាញពីការគោរពរបស់អ្នកទៅកាន់អ្នកដទៃដែរ។

3. ប្រឹងប្រែងធ្វើការឱ្យអស់ពីសមត្ថភាព
ចង់ឱ្យការងារមួយសម្រេចទៅបានដោយលទ្ធផលល្អអ្នកមិនអាចធ្វើការងារនោះលំៗឱ្យតែរួចពីដៃទេ គឺត្រូវប្រឹងប្រែងធ្វើវាឱ្យអស់ពីលទ្ធភាព។ ចំណាយពេលបំពេញការងារ និង គម្រោងដែលអ្នកត្រូវធ្វើឱ្យបានរួចរាល់ និងមានប្រសិទ្ធភាព ដើម្បីសម្រេច KPI(Key Performance Indicator) និងជួយឱ្យក្រុមហ៊ុនទទួលបានជោគជ័យ។ តែទោះជាយ៉ាងណាក៏ដោយ កុំភ្លេចសំរាកខ្លះ ព្រោះវាជួយឱ្យអ្នកមានអារម្មណ៍ស្រស់ស្រាយ និង ត្រៀមខ្លួនរួចរាល់ ដើម្បីបន្ដការងាររបស់អ្នក។

4. ផ្ដល់តម្លៃដល់កន្លែងការងារ
អ្នកត្រូវធ្វើខ្លួនឱ្យទៅជាមនុស្សម្នាក់ដែលក្រុមហ៊ុនឱ្យតម្លៃយើងខ្ពស់ និងគិតថាមិនអាចខ្វះយើងបាន តែកុំគិតរហូតមានអំនួតជ្រុល។ អ្នកអាចរៀនជំនាញជាក់លាក់ណាមួយ ដែលមិនមានបុគ្គលិករួមការងារផ្សេងទៀតចេះ។ រាល់ពេលមានកិច្ចប្រជុំ អ្នកអាចចែករំលែកគំនិតល្អៗដែលអ្នកមាន។

5. ចេះដំណោះស្រាយបញ្ហា
កុំផ្ដោតលើបញ្ហា តែត្រូវផ្ដោតលើដំណោះស្រាយ កុំទុកឱ្យបញ្ហាអូសបន្លាយពេលយូរ ត្រូវធ្វើខ្លួនជាមនុស្សដែលចេះច្នៃបញ្ហាជាឱកាសនៃការរៀនសូត្រ និងរីកចម្រើន។ អ្នកត្រូវធ្វើខ្លួនឱ្យសកម្ម និង ជួយដោះស្រាយបញ្ហាឱ្យក្រុមហ៊ុននៅពេលមានបញ្ហាស្មុគស្មាញណាមួយកើតឡើង ត្រូវបង្ហាញថាអ្នកជាបុគ្គលិកដែលប្រឹងប្រែងក្នុងការងារខ្លួន។

6. បើកចិត្តទទួលយកការផ្លាស់ប្ដូរ
ចំណុចខ្លាំងមួយរបស់បុគ្គលិកខ្លាំង នោះគឺពួកគេពូកែបត់បែន។ មនុស្សខ្លាំងមនុស្សពូកែជាមនុស្សដែលហ៊ានបើកចិត្តទទួលយកការផ្លាស់ប្ដូរ ដើម្បីចាប់យកឱកាសបានលឿន។

7. ទទួលស្គាល់កំហុសរបស់ខ្លួន
ធ្វើខុសត្រូវហ៊ានចេញមុខទទួលកំហុស ជាការបង្ហាញថាយើងជាបុគ្គលិកជាមនុស្សម្នាក់ដែលស្មោះត្រង់។ រាល់លើកដែលធ្វើឱ្យមានកំហុស រិះរកវិធីសាស្ដ្រក្នុងការដោះស្រាយ។ អ្នកណាក៏ធ្លាប់ធ្វើខុសដែរ តែវាជាករណីលើកលែងសម្រាប់តែអ្នកណាដែលដឹងខុស ហើយព្រមកែតែប៉ុណ្ណោះ។

ដោយ៖ Clara
ប្រភព៖ www.indeed.com

📚ស្តាប់សៀវភៅសង្ខេបជាភាសាខ្មែរ200ក្បាលជាងនៅលើ WEREAD 📚ចូលស្តាប់ និងអានអត្ថបទចំណេះដឹងទូទៅឥតគិតថ្លៃ✅️
👉ចុះឈ្មោះនៅទីនេះ៖ https://www.weread.asia/ #/login?code=9Iz45P
ជម្រើសកាត VIP 3 ជម្រើសដូចខាងក្រោម៖
✅️ កាត VIP 1 ខែ 5$ ស្តាប់សាកល្បងមួយខែសិន
✅️ កាត VIP 1 ឆ្នាំ 30$ ទិញមួយឆ្នាំ ថែមជូនមួយឆ្នាំ
✅️ កាត VIP ♾ 50$ បង់ប្រាក់តែម្តង ស្តាប់បានរហូត
👉ចូលគ្រុបTelegram WERead Cambodia😊៖ https://t.me/WEReadCambodia