BACK TO SCHOOL

Helpful so much

Update:

Bloomberg៖ ម្ចាស់ភាគហ៊ុនធំរបស់ធនាគារ ABA កំពុងស្វែងរកជម្រើសថ្មីសម្រាប់ធនាគារនេះ រួមទាំងការលក់ក្នុងតម្លៃជាង ២ពាន់លានដុល្លារ

ម្ចាស់ភាគហ៊ុនរបស់ធនាគារ ABA គឺធនាគារជាតិកាណាដា (National Bank of Canada) កំពុងស្វែងរកជម្រើសសម្រាប់ធនាគារបុត្រសម្ព័ន្ធរបស់ខ្លួន ដែលមានមូលដ្ឋាននៅកម្ពុជាមួយនេះ រួមទាំងការលក់ក្នុងតម្លៃជាង ២ពាន់លានដុល្លារអាមេរិកផងដែរ។ នេះបើតាមសេចក្ដីរាយការណ៍ មួយដោយសារព័ត៌មាន Bloomberg ដែលបានស្រង់ប្រភពពីអ្នកដែលបានដឹងរឿងរាវនេះ។
សេចក្ដីរាយការណ៍ដែលបានផ្សាយថ្ងៃទី ១២ ខែមីនា ឆ្នាំ២០២៤ ដដែលនេះ ក៏បានបញ្ជាក់ដែរថា ជម្រើសផ្សេងទៀតរបស់ធនាគារជាតិកាណាដា សម្រាប់ធនាគារ ABA ក៏អាចជាការលក់ភាគហ៊ុនភាគតិច ឬភាគហ៊ុនភាគច្រើន ដែលមាននៅក្នុងធនាគារនេះផងដែរ។
ក្រោយពីការចុះផ្សាយរឿងនេះប៉ុន្មានម៉ោង ធនាគារជាតិកាណាដា បានចេញសេចក្ដីថ្លែងការណ៍មួយដោយបញ្ជាក់ថា បច្ចុប្បន្ននេះ ខ្លួនពុំមានទំនាក់ទំនង នៅក្នុងដំណើរការ ឬការចរចា សម្រាប់ការលក់ភាគហ៊ុនរបស់ធនាគារ ABA នោះទេ ហើយក៏មិនបានជួលអ្នកប្រឹក្សាសម្រាប់ធ្វើការងាររឿងទាំងនេះដែរ។

ធនាគារជាតិកាណាដា បានគ្រប់គ្រងភាគហ៊ុនទាំងស្រុងរបស់ធនាគារ ABA នៅក្នុងឆ្នាំ២០១៩ បន្ទាប់ពីបានបង្កើនភាគហ៊ុនរបស់ខ្លួនជាបន្តបន្ទាប់គិតតាំងពីឆ្នាំ២០១៤មក។
គិតត្រឹមចុងឆ្នាំ២០២៣ ធនាគារ ABA មានទ្រព្យសកម្មសរុបជាង ១១ពាន់លានដុល្លារ ប្រាក់បញ្ញើសរុប ប្រមាណ ៩ពាន់លានដុល្លារ និងកម្ចីដុលមានជាង៧ពាន់៧រយលានដុល្លារ។

អ្នកដឹកនាំថ្មីរបស់កម្ពុជា