Xxqueen

ប្តីខ្ញុំតែងតែនិយាយថា ការមានស្រីខាងក្រៅជារឿងធម្មតា របស់មនុស្សប្រុស អញ្ចឹងមានន័យថា ការធ្វើបាបចិត្តប្រពន្ធ ជារឿងធម្មតាសម្រាប់មនុស្សប្រុសមែនទេ?
គាត់តែងនិយាយថា មនុស្សប្រុសនៅពេលមានលុយ ច្បាស់ជារកនឹកអ្វីៗដែលធ្វើអោយជីវិតសប្បាយៗ ដូចជា ដើរសីុផឹកជាមួយមិត្តភ័ក្រ រកស្រីស្អាតៗកំដរ លេងល្បែងខ្លះ ព្រោះគេខ្លាចជីវិតគេស្លាប់ទៅគ្មានន័យ.
អញ្ចឹងបានន័យថា មានតែជីវិតប្រពន្ធទេ ដែលស្លាប់ទៅអត់ន័យនោះ ព្រោះថា កាលដែលពួកយើងរៀបការនៅគ្រារក្រ ប្តីមិនដែលមានលុយនាំប្រពន្ធដើរលេង មិនដែលមានលុយទិញខោអាវ ស្បែកជើងល្អៗ គ្រឿងអលង្ការអោយប្រពន្ធទេ តែប្រពន្ធនៅតែស្រលាញ់ប្តី នៅក្បែរប្តី ក្រៅពីបំពេញតួរនាទីជាមេផ្ទះដោយគ្មានកម្រៃ ប្រពន្ធនៅត្រូវទៅធ្វើការរកលុយដើម្បីជីវភាពគ្រួសារ.
ដល់ពេលចាប់ផ្តើមមានលុយតិចតួច ប្តីចេះបែកគំនិត ដើរផឹកសីុ រកស្រីអស់ពី១ទៅ១ មើលម៉ោប្រពន្ធគ្មានតម្លៃក្នុងចិត្ត!
និយាយគ្នាលែងស្តាប់បាន ពេលមានលុយចង់ចេញទៅញាុំរបស់ឆ្ងាញ់ជាមួយគ្នា បាត់ប្តី ប្តីខ្ញុំកំពុងកំដរអ្នកផ្សេងក្នុង ktv អោបរឹត អ្នកផ្សេង ចំនែកប្រពន្ធញាុំបាយកំដរទឹកភ្នែក ម៉ោដល់ផ្ទះ សួរនាំតិចតួច គេថាយើងគួរអោយធុញ ចិត្តចង្អៀត.
ខ្ញុំក៏ចង់មានពេលនៅជាមួយមនុស្សដែលខ្ញុំស្រលាញ់ដែរ តែពេលនេះមនុស្សជាទីស្រលាញ់ខ្ញុំ ក្លាយជាអ្នកផ្សេងហើយ!
( credit : ជីវិតប្តីប្រពន្ធ )