Challenge Code

يعطيكم العافيه
مطلوب موظف تسويق هاتفي في شركه رمز التحدي للبرمجيات يفضل من لديه خبرة ، الداتا جاهزة بس بدنا المسوق المبدع 👍👍
لارسال السيرة الذاتيه على ايميل [email protected]

منقول **
لرواد الأعمال.. البوست طويل

بخصوص الفكرة الي عندك اياها، لازم تحقق الشروط التالية عشان نروح للمرحلة التالية :
- بتحل مشكلة موجودة بالسوق، مثل شركة MadfooatCom الاردنية حلت مشكلة الدفع الالكتروني عن طريق خدمة eFAWATEERcom.
- بتساعد بحل مشكلة موجودة وفي ناس حاليتها بس الحل مش مثالي، مثل شركة اوبر الي حلت مشكلة النقل مع العلم انو التكاسي حلت المشكلة زمان لكن مش بكفاءة.
- طبعا هذا الشيء غير كافي، لازم تعمل دراسة جدوى، حتى لو عملتها لحالك ما في مشكلة هالاكمن يوم رح احط نموذج لدراسة جدوى رح يساعدكم جدا، وعادي رح تكون في ارقام مش صحيحة ورح تألف ارقام كمان لانو كلها لازالت توقعات، لكن بتزيد مصداقيتك اذا زادت توقعاتك صحة، وحتى اذا توقعاتك مش صح بس مبنية على اساس صحيح رح تعطيك فرصة بتصديق دراسة الجدوى الخاصة فيك.
- هل هذا كافي، طبعا لا ، لازم تسأل العالم الي حواليك عن الفكرة بعد كل هالحكي وتسألهم بشكل لطيف وودي، ولا تتعامل مع التطبيق كأنو ابنك ابدا ابدا ابدا، بحذرك من هالاشي بشكل تام، اسمع انطباعاتهم افهم منهم، شوفهم بيفهموا عليك شو بتحكي.
- طبعا سؤال الي حواليك غير مهم ابدا ولكن الغاية منو توسيع مداركك وزيادة قدرتك على التواصل، المهم سؤال الزباين شوف زباينك المحتملين شو مدى رغبتهم بتجربة المنتج، مجرد استعدادهم لتجربة المنتج شيء رائع جدا جدا جدا، مجرد يحكيلك ممكن اجربو عندي اشي كثير ممتاز وبحفزك تنتقل لمرحلة البرمجة.

ملاحظة ، لما تفكر بفكرة او تحاول تقلد فكر بشيء قابل للتطبيق وبجيب مصاري بسرعة، حتى لو مش كثير مصاري لا تعمل مشروع بدو كثير مصاري وتكاليف وبدو كثير موارد، يعني يمص دمك ودم عيلتك عالفاضي، لانو ما بيخلص تنفيذو ابدا وبضل يستنزف منك مصاري وومجهود ووقت وتنساش العمر بيجري كمان، انت كريادي جديد لازم تبلش من الصفر، ولازم تعمل اشي منيح وعقدك بدون مبالغة، يعني لازم تعمل نسخة اولى توريها للعالم بإمكانياتك مهما تواضعت، وتنساش اول حد لازم تلجألو بطلب الدعم بالبداية هم عائلتك.

مرحلة البرمجة
- اصعب اشي بالبداية هي برمجة التطبيق، وهون بنحكي اصعب اشي مش اهم اشي، بدك اولا اما تبرمج على حسابك او تشوفلك شريك مبرمج، ولازم تختار المنصة الانسب للبدأ وحاليا هي التلفونات يعني تبلشش ابدا بالويب عالفاضي ،زي ما بحكيلك عالفاضي.

- اوعك تخاف ابدا عالكود المصدري وحاول تكون واعي لكل اشي ، يعني لا تتشاطر على المبرمج ولا تتأمر عليه اتعامل بذكاء معاه، اكثر فئة حساسة بالكلام المبرمجين بتأثرو بأي شيء، اذا ما كان شريكك اعمل اتفاقية جيدة وبنودها واضحة واهم بند يكون تاريخ تسليم المنتج .

- حاولت لا تستثمر كثير مصاري بالنسخة الاولى، مش معنى كلامي اشتغل اي اشي او اعمل حيالله تطبيق، طبعا لا ، بتزيد كلفة التطبيق كل ما زادت عدد ساعات العمل عليه، طيب كيف بنقلل ساعات العمل بنختصر التطبيق بالخدمة الجوهرية بس وما بنبالغ وبنعبيه خدمات ،لا يعني ابدا انو ملان خدمات انو العالم رح تستخدموا ، بيجي واحد بقلك اصلا مشروعي كبير، برجع بحكيلوا زي ما كتبتلك فوق لا تبلش بمشروع يستنزف مصاريك وجهدك، خليه المشروع رقم ٢ او رقم ٣، بلش بشيء أبسط، حتى لو معك كثير مصاري لا تجرب وتغامر بهالمبالغ .

- أثناء فترة البرمجة انت كريادي بدك تشوف شو فرصك بالسوق، وشو خياراتك وشو امكانياتك، يعني بدك تتطلع التطبيق اذا هو للنقل بدك تشوف مين شركاء النقل تبعونك وهنه الكباتن مثلا، واذا هو للتجارة الالكتروني بدك تشوف وين التخزين او مين المصدر او مين شركة التوصيل والخ، يعني المفروض بدك تبلش تعقد معاهم اتفاقيات اولية او مسودات اتفاق.

- بس يجهز التطبيق بتوصل لمرحلة التسويق، اذا ما معك كثير مصاري عادي فكر بطريقة مختلفة، بلش بالعمولات للناس اذا تطبيقك ب ٢٠٠ دينار سنوي مثلا اعطي المسوقين ٣٠ دينار عالنسخة الوحدة، طيب اذا تطبيقك للبدلات الرسمية و تجارة الكترونية اعمل شراكة مع متجر مهم للبيع مثلا روح على ضراغمة(محل بدلات اردني) احكيلو انا بحط البدلات تبعتك ببلاش وبطلع بدلاتك اول اشي بنتائج البحث، وما باخذ منك عمولة لاول سنة مقابل انك تسوق منتجي بين زباينك وعلى السوشيل ميديا، طبعا لا تحكيلي هيك غش وما غش انو بضاعتو تطلع اول اشي، هو شريكك بالنجاح لازم تكرموا.

- زي ما ذكرت حلول التسويق ممكنة بأقل التكاليف، بدك تكون ذكي وتعرف مين بحتاجك ومين بستفيد منك، روح عليه واشتغل معاه، بالبداية لا تطلب من حد مصاري ما حد رح يعطيك، بالبداية اطلب شراكة اعمال وخلي هدفك استفادتك من هاي الشراكة تكون بالتسويق .

- الان سوقنا التطبيق ونجح واسم الله عليه، اذا حبيت انك تزيد فرصك، بدك مصاري، بهاي المرحلة اطلب مصاري او استثمار بكل قلب قوي روح على مسارعات الاعمال او الحاضنات ، او الشركات الي بتدعم المشاريع او او او مثال عليهم : الصندوق الاردني لريادة الاعمال ، اويسس ٥٠٠ ، شركة زين ، شركة امنية، شركة اورانج، شركة انتاج ، كثير كثير شركات.

- ضلك اقرأ وتابع التطبيقات واخبار التقنية والاستثمار.

- بالتوفيق

شركة رمز التحدي للبرمجيات تهنئكم بقدوم عيد الفطر السعيد، أعاده الله علينا وعليكم باليمن والخير والبركات😊

شركة رمز التحدي للبرمجيات تهنئكم بقدوم شهر رمضان المبارك شهر الرحمة والمغفرة، سائلين المولى ان يعيده علينا وعليكم بالخير واليمن والبركات.

'' وكل عام وأنتم بألف خير ''

شركه رمز التحدي للبرمجيات تبحث عن مدرب في:
1- لغة asp. Net بخبرة في البرمجه ٥ سنوات.
*للتواصل على الخاص