Babyease By Batool

كل عام و كل سيدة و أم بألف خير يا رب
اليوم انا انولدت و ظهرت على العالم 🤭
فخورة بكل انجاز عملته ولو كان صغير....
فرحتي عظيمة لما أم تحكيلي ابني صار ينام او صار اهدى من المساج ❤️

اليوم حابة اربح وحده منكم فرصه لتجرب المساج مع طفلها من اي مكان بالعالم...
خطوات المشاركة سهلة 👇👇

المسابقه عالانستغرام فقط 💖

١. شير لهذا البوست مع جملة ( اول دورات مساج للبيبي في الاردن) و منشن لحسابي هاد اهم شي
٢. منشن بس ٢ من صاحباتك الامهات بالتعليقات
٣. بس تخلصي اكتبي تم

اليوم المسا ان شا الله بعمل سحب آلي و بختار من التعليقات

حتى لو جربتي المساج معي فيكي تشاركي و اذا ربحتي ممكن تهديه لصاحبتك 💖❤️

الخوفة عند الأطفال...
الخوفة تختلف عن الخوف الطبيعي.. هي خوف شديد يصاحبها تغيرات مفاجئة بالجسم.. شرحت عنها بالتفصيل في فيديو (لقط الخوفة)
حابه اخبركم تجربتي مع الخوفة الي صابت بنتي سارا(سنتين)
عند نتائج التوجيهي في الاردن الكل كان يحتفل بالألعاب الناريه و التزمير.. ما بلومهم الله يباركلهم نجاحهم...
المهم كان في العاب ناريه قبالنا بالشارع مسافه جدا قريبه و انا حامله سارا بنتي و مبسوطة كتيير حضرتي..بعشق الالعاب الناريه.كانت سارا خايفه كتير ونا بطمن فيها و بحكيلها شوفي ماما حلو كتييير
بس خلصت الالعاب الناريه سارا ضلت ترجف لمدة ربع ساعة أو اكتر، و الالعاب الناريه ما وقفت اربع ايام و كل مرة نسمع صوتها هي تنصرع و تصرخ ونا أحملها و اركض عالشباك و احكيلها شوفي ما احلاه ...
تغيرت سارا و صارت ملزقه فيي طول الوقت و بدها أحملها و ما تبعد عني و تخاف من اقل صوت، حتى صوت السيارات بالشارع
بعد كم يوم انتبهت عحالي اني اخطأت كتير بحقها، ما اعترفت بخوفها، أنكرته تماما و كنت اخليها تواجه الالعاب الناريه و احكيلها هيو حلو ما بخوف.
الاعترااااااااااف بمشاعر الطفل كتير مهم، صرت لما اسمع صوت الألعاب الناريه اسكر الشباك واضمها و احكيلها انا معك ماما.
حاولت اكون وسطية بالموضوع، ما احميها تماما من مخاوفها ولا اخليها تواجههم بالغصب. نزلت لعبة العاب ناريه عالموبايل و باصبعها تعمل العاب ناريه الشاشة. عملتلها مساج لقط الخوفه لمدة ٣ ايام و الحمدلله تحسنت صارت بس تسمع صوت العاب ناريه تيجي لعندي شوي بعدين تروح عالشباك تشوفهم و خف التعلق فيي.
اذا طفلك خاف من شي لا تستخفي مشاعره و تنكريها

الملع لدى الاطفال خرافة ام ألم حقيقي ؟؟

دراسة خاصة اقوم بها للبحث عن التفسير العلمي الملع و طرق معالجته....

اذا كانت لديكي تجربه مع الملع ( بيبي مملوع)... ابعتي لي رساله لارسل لك استبيان سريع و بسيط لتعبئته...

بحاجة ماسه لأكبر قدر من الاجابات و التجارب 💕💖💖