Rangooner

Postcards from ROMA 🇮🇹

Roma မြို့လေးက အနုပညာ ၊ အစားအသောက်နဲ့ ဝိုင်ကောင်းကောင်းတွေကို ချစ်တတ်တဲ့ မြို့လေးလို့ ခံစားရတယ် 🎨🍷

အမှတ်တရအဖြစ်ဆုံးကတော့ “Al dente” ဆိုတာလေးကို ပထမဆုံးကြားဖူးပြီး စားဖူးခဲ့တာပါပဲ 🍝

သူက အီတလီဘာသာစကားပါ၊ အင်္ဂလိပ်လိုပြန်ရင် “to the tooth” လို့ ပြန်ရမယ်ထင်တယိ

သူက ပါစတာကို ပုံမှန်ခေါက်ဆွဲပြုတ်သလို ပျော့သွားအောင် မပြုတ်ပဲ သွားနဲ့ကိုက်ရင် ခေါက်ဆွဲသားက နည်းနည်း မာဆတ်ဆတ်လေး ဖြစ်နေတဲ့အချိန်မှာ ပြုတ်တာ ရပ်လိုက်တာပေါ့နော်

အစကတော့ စားရတာ တမျိုးလေးဖြစ်နေပေမယိ့ ရက်နည်းနည်းကြာလာတော့ ခေါက်ဆွဲရဲ့အရသာကို ပိုခံစားမိသလိုပဲမို့ တခါတလေ Roma မြို့လေးကို သတိရတဲ့အခါ အဲ့လိုလေး ချက်စားဖြစ်ပါတယ် ♥️

တစ်မြို့လုံးကလဲ လှလိုက်တာဆိုတာ မြို့ပတ်နေရတာနဲ့ မတူပဲ museum အကြီးကြီးထဲ လမ်းလျှောက်နေရသလိုပါပဲ ...

ရုပ်ရှင်ထဲမှာပဲ မြငိဖူးနေကြ Colosseum ကိုအလည်ရောက်တော့ အစက လှလိုက်တာလို့တွေးပီးပြီး ခဏနေတော့ အဲ့နေရာမှာ ဖြစ်ခဲ့တဲ့ ရက်စက်မှူတွေကို တွေးမိပီး စိတ်မကောင်းဖြစ်ရတယ်

အမှတ်ရစရာလေး နောက်တစ်ခုကတော့ ကိုယ်တည်းတဲ့နေရာမှာ ဝန်ထမ်းအမျိုးသမီးလေးတစ်ဦးကို Tip ပေးမလို့ ပြင်တော့ သူက “နေပါစေ၊ တို့တွေက သက်တူလောက်ပဲ ၊ ကျောင်းသူများပဲလား၊ တို့လဲအတူတူပဲ၊ မုန့်စားဖို့ သိမ်းထားနော်“ ဆ်ုပီး ပြန်ပြောတာရယ် ...

ဒါကလဲ Romaကအပြန် မြို့ရဲ့အလှတရားတွေနဲ့ အတူ အမြဲမှတ်မိချင်နေတဲ့ လူလူချင်းထားတဲ့ မေတ္တာတရား တစ်ခုပါပဲ 💌