Furra e Books

Me rastin e 12 vjetorit të furrikut, kam këndaqsinë të njoftoj se çmimin Furra e Books për prumjen ma të mirë në kulturën e shkrueme shqipe, sivjet e fiton prof. Andrea Shundi me veprën Enciklopedi për vreshtarinë dhe verëtarinë, si nji kontribut unikal jo vetëm në lamijen përkatëse por edhe ma gjanë në mbarë filologjinë shqiptare.
Meriton me u gdhendë në mermer edhe citati i zgjedhur për ballinë: “Si për çudë, këtu në Scodrinon pinë verë edhe gratë.”

Ju përshëndoshim me botimin ma të ri prej koleksionit Furra e Books, përkthye prej meje dhe Armandit Dedej. E kam korrigjue së paku 10 herë dhe ju garantoj se asht i qëruem, përveçse i qendisun.