Prime Jobs

هەلی کار لە تۆڕی میدیایی رووداو بۆ مۆشن دیزاینەری پێشکەوتوو

سیڤییەکانتان بنێرن بۆ
[email protected]

گوتەبێژی بەڕێوەبەرایەتی گشتیی حەج و عومرە دەڵێت، پێویستیان بە سێ چێشتلێنه‌رە لە هه‌ر سێ پارێزگاکانی هەرێمی کوردستان بۆ ئاماده‌کردنی خواردنی حاجیان بۆ وه‌رزی حه‌جی 2025 له‌ سعودیه‌.

‎ کاروان ستوونی، گوتەبێژی بەڕێوەبەرایەتی گشتی حەج و عومرە راگەیاند: "پێویستمان بە سێ چێشتلێنه‌ر لە هەرسێ پارێزگاکانی هه‌ولێر، دهۆک و سلێمانی دەبێت بۆ سه‌رپه‌رشتیکردن و چاودێری ئاماده‌کردنی خواردنی حاجیان بۆ وه‌رزی حه‌جی 2025 له‌ سعودیه‌."

‎گوتەبێژی بەڕێوەبەرایەتی گشتی حەج و عومرە دەڵێت، ئەوەی داواکاریی پێشکەش دەکات دەبێت ئەو مەرجانەی تێدابێت:

‎1- داواکار شاره‌زایه‌کی ته‌واوی هه‌بێت له‌ چۆنیه‌تی ئاماده‌کردنی خواردن و ئاماده‌بێت له‌ به‌رامبه‌ر لیژنه‌ شاره‌زایی خۆی بسه‌لمێنێت و له‌ کاره‌که‌ی به‌رده‌وام بێت.

‎2- داواکار ته‌ندروستیی باش بێت و توانای کارکردنی هه‌بێت.

‎3- داواکار ده‌بێت خاوه‌ن ناوبانگێکی باش بێت و خوره‌وشتی به‌رز بێت.

‎4- داواکار پابه‌ند بێت به‌ سه‌رجه‌م رێنماییه‌کانی به‌رێوه‌به‌رایه‌تی گشتیی حه‌ج و عومره‌ له‌ سعودیه‌.

‎5- داواکار له‌ تاقیکردنه‌وه‌ی تیۆری به‌رامبه‌ر لیژنه دەربچێت‌.

‎6- داواکار ته‌مه‌نی له‌ 20 ساڵ که‌متر نه‌بێت و له‌ 55 ساڵ زیاتر نه‌بێت.

‎7- گوژمه‌یه‌ک پاره‌ له‌ به‌رێوه‌به‌رایه‌تی گشتی حه‌ج و عومره‌ دابنێت وه‌کوو بارمته‌ تاوه‌کو کۆتایی هاتنی پڕۆسه‌ی حه‌ج.

‎8-داواکار به‌ڵگه‌نامه‌ فه‌رمییه‌کان و دوو وێنه‌ی که‌سی له‌کاتی پێشکهش‌کردن له‌گه‌ڵ خۆی بهێنێت.

‎9- به‌رێوه‌به‌رایه‌تی گشتی حه‌ج و عومره‌ ته‌یها ڤیزای حه‌ج و شوێنی مانه‌وه‌ و خواردن بۆ داواکار دابین ده‌کات.

‎10-داواکار سه‌رجه‌م تێچووی حه‌ج بدات.

‎11- دوای دانانی ناوی داواکار بۆی نییه‌ به‌ هیچ شێوه‌یه‌ک پاشگه‌زببێته‌وه‌ به‌ پێچه‌وانه‌وه‌ تووشی لێپێچینه‌وه‌ی یاسایی ده‌بێته‌وه‌.

‎12- رۆژی چاوپێکه‌وتن له‌ به‌رێوه‌به‌رایه‌تی گشتی حه‌ج و عومره‌ دیاری ده‌کرێت و سه‌رجه‌م داواکاره‌کان که‌ مه‌رجه‌کان ده‌یانگرێته‌وه‌ ئاگادار ده‌کرێنه‌وه‌.

‎13- داواکار زمانی عه‌ره‌بی به‌ باشی بزانێت.

‎14- پابه‌ند بێت به‌ کاتی ده‌وام له‌ عه‌ره‌بستانی سعوودیه‌ که‌ پێویسته‌ بۆ ماوه‌ی 24 کاژێر یه‌کێک له‌ چێشتلێنه‌ره‌کان له‌ شوێنی کارکردنی ئاماده‌بێت.

‎15- پێویسته‌ له‌سه‌ر هه‌موو چێشتلێنه‌ره‌کان رۆژانه‌ سه‌رنج و تێبینییه‌کانی حاجیان وه‌ربگرن و ئه‌وه‌ی گونجاوه‌ کاری له‌سه‌ر بکه‌ن.

‎لە بارەی کاتی وەرگرتنی داواکارییەکان گوتەبێژی بەڕێوەبەرایەتی گشتی حەج و عومرە گوتی: "ماوه‌ی پێشکه‌شکردن له‌ 27/10/2024 ده‌ستپێده‌کات و له‌ 10/11/2024 کۆتایی دێت، پێویستە بۆ وه‌رگرتنی فۆرمی پێشکه‌شکردن سه‌ردانی به‌شی کاروباری یاسایی و گرێبه‌سته‌کان له‌ به‌رێوه‌به‌رایه‌تی گشتیی حه‌ج و عومره‌ی هه‌رێمی کوردستان بکەن."

هەلی کار
دێسکی تەندروستیی رووداو پێویستی بە پێشکەشکاری هەواڵە تەندروستییەکانە.
سیڤییەکانتان بنێرن بۆ👇