UBAID SAQAFI

#തിരുമൊഴി
ഒരിക്കൽ തിരുനബി ﷺ സ്വഹാബികളോട് ചോദിച്ചു. "പാപങ്ങളെ മായ്ക്കുന്നതും (സ്വർഗ്ഗത്തിൽ) ഉന്നത സ്ഥാനം ലഭിക്കുന്നതുമായ കാര്യങ്ങൾ ഞാൻ നിങ്ങളെ അറിയിക്കട്ടെ." "അതെ,നബിയെ," അനന്തരം അവിടുന്ന് വിശദീകരിച്ചു. "(പ്രയാസ ഘട്ടങ്ങളിൽ) 'വുളു' പൂർണ്ണമായും ചെയ്യുക. ഒരു നിസ്കാര ശേഷം അടുത്ത നിസ്കാരത്തിനായി (മനസ്സ്‌ കൊണ്ട്‌) കാത്തിരിക്കുക. പള്ളിയിലേക്കുള്ള നടത്തം വർദ്ധിപ്പിക്കുക. ഇവ സത്യമാർഗ്ഗത്തിലേക്കുള്ള സന്നദ്ധതയാണ് . സത്യമാർഗ്ഗത്തിലേക്കുള്ള സന്നദ്ധതയാണ്."
(صحيح مسلم-1/151)
23/08/2024

അല്ലാഹു നമ്മെ ഇരുലോകത്തും വിജയിപ്പിക്കട്ടെ

#തിരുമൊഴി
തിരുനബിﷺ പറയുന്നു."നിശ്ചയം പിശാച് കഠിന ഗ്രാഹ്യശേഷിയുള്ളവനും നക്കി തുടക്കുന്നവനു മാണ്. അതിനാൽ നിങ്ങളുടെ കാര്യത്തിൽ അവനെ ഭയപ്പെടുക.(ഭക്ഷണ ശേഷം നന്നായി കൈ കഴുകുക.) ഒരാൾ അന്തിയുറങ്ങുമ്പോൾ തന്റെ കൈയിൽ മാംസ/നെയ്യ് വാസനയുണ്ടാവു കയും തദ്വാരാ (ഭ്രാന്ത്, വെള്ളപ്പാണ്ട് തുടങ്ങിയ) വല്ല പ്രയാസവും ഉണ്ടായാൽ അവനെയല്ലാതെ മറ്റാരെയും അവൻ കുറ്റപ്പെടുത്തേണ്ടതില്ല."
( سنن الترمذي- ٤/ ٢٨٩)
30-06-2023
+971507091679
പിശാചിന്റെ ഉപദ്രവങ്ങളിൽ നിന്നും അല്ലാഹു നമ്മെ രക്ഷിക്കട്ടെ

#തിരുചരിതം

ബനൂ ഇസ്‌റാഈല്യരിൽ 200 വയസ് വരെ ജീവിച്ച ധിക്കാരിയായ ഒരു മനുഷ്യനുണ്ടായിരുന്നു. അദ്ദേഹം മരണപ്പെട്ടപ്പോൾ ജനങ്ങൾ ആ ജനാസയെടുത്ത് മാലിന്യങ്ങൾ തള്ളുന്ന സ്ഥലത്ത് കൊണ്ടു പോയിട്ടു. അല്ലാഹു മൂസ നബി (അ)യോട് വഹ്‌യ്‌ അറിയിച്ചു. "ആ ജനാസ എടുത്ത് നിസ്കാരം നിർവ്വഹിച്ച് മറവ് ചെയ്യുക." അല്ലാഹുവിനോട് മൂസ നബി (അ) ചോദിച്ചു. "രക്ഷിതാവേ, 200വർഷം ജീവിച്ചിട്ടും ഈ വ്യക്തി നിന്നെ ധിക്കരിച്ച് നടന്നവനാണെന്ന് ബനൂ ഇസ്‌റാഈല്യർ മുഴുവനും സാക്ഷ്യപ്പെടുത്തുണ്ടല്ലോ? ”അല്ലാഹു പറഞ്ഞു “കാര്യം അങ്ങനെയാണെങ്കിലും അദ്ദേഹം തൗറാത്ത് മറിക്കുന്ന സമയം ‘മുഹമ്മദ് ’ എന്ന നാമം കാണുമ്പോഴൊക്കെ വിരൽ ചുംബിച്ച് രണ്ട് കണ്ണിലും വെക്കുകയും തിരുനബിﷺ യുടെ മേൽ സ്വലാത്ത് ചൊല്ലുകയും ചെയ്യാറുണ്ടായിരുന്നു. അതിന്‌ നന്ദിയായി ഞാൻ എല്ലാം പൊറുത്ത് കൊടുക്കുകയും എഴുപത് സ്വർഗീയ ഹൂറികളെ ആ വ്യക്തിക്ക് ഇണയാക്കി കൊടുക്കുകയും ചെയ്തിരിക്കുന്നു."
(تَفْسِيرُ الدُّرّ الْمَنْثُور-3/579)

27/8/2024

തിരുനബിയോടുള്ള സ്നേഹം കാരണം അല്ലാഹു നമ്മെയും ഇരുലോകത്തും വിജയിപ്പിക്കട്ടെ