Delicious fruit plants Distributor

Teaching vacancies for 2024-2025 Accademic Year

Male nurses,X-ray Technician and Staff nurses

സ്ട്രോബെറി

നല്ല മൂത്ത് പഴുത്ത സ്ട്രോബെറി എടുത്ത് വിരൽ കൊണ്ട് വിത്തുകൾ പുറത്തേക്കെടുക്കുക.സ്ട്രോബെറിയുടെ പുറത്ത് മൃദുവായി ഉരസുമ്പോൾ വിത്തുകൾ താഴെ വീഴും.
ഒരു ഗ്രോബാഗിൽ 60 ശതമാനം ചകിരിച്ചോറും ജൈവ രീതിയിൽ നിർമിച്ച 40 ശതമാനം കമ്പോസ്റ്റും യോജിപ്പിക്കുക. ഇതിലേക്ക് വിത്തുകൾ പാകുക. വിത്തുകൾ പോട്ടിങ്ങ് മിശ്രിതം കൊണ്ട് ചെറുതായി മൂടുക. സൂര്യപ്രകാശം വിത്തുകളിൽ പതിക്കുന്ന രീതിയിൽ മാത്രമേ മൂടാൻ പാടുള്ളു.

ചെറുതായി നനയ്ക്കുക. സൂര്യപ്രകാശം കിട്ടുന്ന രീതിയിൽ ഗ്രോബാഗ് വെക്കുക. 15 -16 ദിവസങ്ങൾക്കുള്ളിൽ വിത്ത് മുളയ്ക്കാൻ തുടങ്ങും.
35 ദിവസങ്ങളാകുമ്പോൾ 3 മുതൽ 5 വരെ ഇലകൾ വരും. ഈ സമയത്ത് ചട്ടയിലേക്ക് മാറ്റി നടാം.

നല്ല നീർവാർച്ചയുള്ള മണ്ണാണ് നല്ലത്. 50 ശതമാനം മണ്ണും 40 ശതമാനം ജൈവകമ്പോസ്റ്റും 10 ശതമാനം മണലും നന്നായി യോജിപ്പിക്കുക. ചട്ടിയിൽ പോട്ടിങ്ങ് മിശ്രിതം നിറയ്ക്കുക. ഇലകൾ വന്ന സ്ട്രോബെറിച്ചെടികൾ ഇതിലേക്ക് നടുക. നന്നായി നനച്ചു കൊടുക്കുക. ഈർപ്പം നിലനിർത്താൻ ശ്രമിക്കണം. ചെടികളുടെ ചുവട്ടിൽ ഉണങ്ങിയ കരിയിലകൾ പുതയിട്ടുകൊടുത്താൻ ഈർപ്പം നിലനിർത്താം.
ചെടികൾ വളരാൻ 6 മണിക്കൂർ സൂര്യപ്രകാശം ആവശ്യമാണ്.
ചട്ടിയിലേക്ക് മാറ്റി നട്ടുകഴിഞ്ഞാൽ 18 മുതൽ 22 വരെ ദിവസങ്ങൾക്കുള്ളിൽ ജൈവവളം ചേർത്തുകൊടുക്കണം. 32 ദിവസങ്ങൾ കൊണ്ട് ചെടികൾ പൂവിട്ട് കായ്കൾ ഉണ്ടാകാൻ തുടങ്ങും. 42 ദിവസങ്ങൾ കൊണ്ട് പഴുത്ത് വിളവെടുക്കാം.

Indoor and outdoor plants