Computer Planet

രാജ്യത്തെ മുഴുവൻ അസംഘടിത തൊഴിലാളികൾക്കും ഏകീകൃത തിരിച്ചറിയൽ നമ്പറും കാർഡും നൽകാനുള്ള രജിസ്ട്രേഷൻ കേന്ദ്ര തൊഴിൽ മന്ത്രാലയം ആരംഭിച്ചു. വിവിധ സാമൂഹിക ക്ഷേമപദ്ധതികളുടെ ആനുകൂല്യം ഇനി രജിസ്റ്റർ ചെയ്ത തൊഴിലാളികൾക്കായിരിക്കും നൽകുക. വീട്ടുജോലിക്കാർ, കർഷക തൊഴിലാളികൾ, ആശാരിമാർ, തൊഴിലുറപ്പ് തൊഴിലാളികൾ, തെരുവുകച്ചവടക്കാർ തുടങ്ങിയ എല്ലാ അസംഘടിത മേഖലയിലുള്ള തൊഴിലാളികൾക്കും രജിസ്റ്റർ ചെയ്യാം. രാജ്യത്തുടനീളം ഇതുപയോഗിക്കാം.

അസംഘടിത മേഖലയിലെ തൊഴിലാളികളുടെ എണ്ണത്തിന് അനുസരിച്ചുള്ള സാമൂഹിക ക്ഷേമപദ്ധതികൾ കേന്ദ്ര-സംസ്ഥാന സർക്കാരുകൾ ആവിഷ്കരിക്കും. രജിസ്റ്റർ ചെയ്യുന്ന തൊഴിലാളികൾക്ക് പ്രധാനമന്ത്രി സുരക്ഷ ബീമ യോജന (പി.എം.എസ്.ബി.വൈ.) പദ്ധതി പ്രകാരം ഇൻഷുറൻസ് പരിരക്ഷ ലഭിക്കും. അപകടമരണത്തിന് രണ്ടുലക്ഷവും പൂർണമായുള്ള ശാരീരിക വൈകല്യങ്ങൾക്ക് ഒരുലക്ഷം രൂപയുമാണ് പരിരക്ഷ. സർക്കാരിന്റെ വിവിധ തൊഴിൽ നൈപുണ്യപരിശീലന പരിപാടികളിൽ പങ്കെടുക്കാനും തൊഴിൽ നേടാനും സാധിക്കും.അടുത്തുള്ള ഡിജിറ്റൽ സേവാ കോമൺ സർവീസ് സെന്ററുകളിലൂടെ അസംഘടിത തൊഴിലാളികൾക്ക് രജിസ്റ്റർ ചെയ്യാം. ഓൺലൈനായി നേരിട്ട് രജിസ്റ്റർചെയ്യാനും സൗകര്യമുണ്ടാകും. 16 മുതൽ 59 വയസ്സുവരെയുള്ള ഇ.എസ്.ഐ., പി.എഫ്. ആനുകൂല്യമില്ലാത്ത വരുമാന നികുതി അടയ്ക്കാത്ത എല്ലാ അസംഘടിത തൊഴിലാളികൾക്കും രജിസ്റ്റർ ചെയ്യാം. ആധാർ നമ്പർ, ആധാർ ബന്ധിപ്പിച്ച മൊബൈൽ നമ്പർ അല്ലെങ്കിൽ ബയോമെട്രിക് ഓതന്റിക്കേഷൻ, ബാങ്ക് അക്കൗണ്ട് വിവരങ്ങൾ എന്നിവയാണ് രജിസ്ട്രേഷനായി വേണ്ടത്.
csc, palakkal ,
computer planet : 7034006446