Pro Samachar

महाविद्यालयात हिजाबबंदी कायम राहणार : मुंबई उच्च न्यायालयाचे निर्देश, विद्यार्थ्यांची याचिका फेटाळली

फोटोमधे असलेले ब्रॅंड ओळखा...

मंजिरी देव यांना 'पद्मश्री' पुरस्काराने सन्मानित करा : डॉ. राजेश मढवी

ठाणे: तब्बल तीन पिढ्यांची नृत्य कारकिर्द घडवणाऱ्या ठाण्यातील प्रख्यात कथ्थक गुरु मंजिरी देव यांना 'पद्मश्री' पुरस्काराने सन्मानित करा, अशी जाहिर मागणी भाजप ठाणे शहर उपाध्यक्ष डॉ. राजेश मढवी यांनी केली आहे.
श्रावण मासी हर्ष मानसी हिरवळ दाटे चोहिकडे या निसर्गकवी बालकवींच्या काव्याला स्मरून आनंदघन हा सुंदर कलाविष्कार हस्तकला उद्योग समूहाचे प्रवीण छेडा यांच्यावतीने ठाण्यातील डॉ. काशिनाथ घाणेकर नाट्यगृहात नुकताच सादर करण्यात आला. या कलामहोत्सवाचे उद्घाटन डॉ. राजेश मढवी यांच्याहस्ते झाले. त्यावेळी बोलताना त्यांनी ही मागणी केली.

कार्यक्रमाचे उद्घाटन डॉ. राजेश मढवी तसेच भाजपच्या माजी नगरसेविका प्रतिभा मढवी, प्रख्यात नृत्यांगना मंजिरी देव व तबला वादक मुकुंद देव यांचा उपस्थितीत पार पडले. सदर कला महोत्सवात राधा कृष्णाच्या रासलीलांवर प्रसिद्ध नृत्यांगना मनाली देव यांनी अप्रतिम नृत्यकला सादर केली. त्याचबरोबर भरतनाट्य नृत्यांचेही सादरीकरण नर्तक पवित्र कृष्ण भट यांनी केले.

डॉ.दाभोलकर बलिदान दिनानिमित्त विवेक निर्धार मेळावा संपन्न

ठाणे : महाराष्ट्र अंधश्रद्धा निर्मूलन समितीचे संस्थापक शहीद डॉ. नरेंद्र दाभोलकर यांच्या 9 व्या बलिदानदिनानिमित्त पुण्यात विवेक निर्धार मेळाव्याचे आयोजन करण्यात आले होते.
यावेळी जेष्ठ सामाजिक कार्यकर्ते डॉ. बाबा आढाव, ज्येष्ठ साहित्यिक अच्युत गोडबोले ,अंनिसचे अध्यक्ष अविनाश पाटील, अंनिसचे कार्याध्यक्ष माधव बावगे, साहित्याचे अभ्यासक डॉ. शशिकांत पट्टन, ज्येष्ठ सामाजिक कार्यकर्ते प्रा. सुभाष वारे व अनिल करवीर, अतुल सवाखंडे, सचिन गोवळकर अशोक निकम, बालाजी राऊत, धर्मराज चौरे, सारिका देहनकर, गजानन गायकवाड, घनश्याम येणगे, रेश्मा खाडे, विनोद खरटमोल, शीतल वसावे, अरविंद शिंदे, पी. एम. जाधव, प्रदीप हिवाळे, राजेश देवरुखकर अंनिसचे कार्यकर्ते उपस्थित होते.

या मेळाव्यात ज्येष्ठ सामाजिक कार्यकर्ते डॉ. बाबा आढाव यांनी मार्गदर्शन केले.ज्येष्ठ साहित्यिक अच्युत गोडबोले यांनी वैज्ञानिक दृष्टिकोनाची मांडणी केली. महाराष्ट्र अंनिसचे अध्यक्ष अविनाश पाटील कार्याध्यक्ष माधव बावगे, वाचन साहित्याचे अभ्यासक डॉ. शशिकांत पट्टन, ज्येष्ठ सामाजिक कार्यकर्ते प्रा. सुभाष वारे यांनी मनोगत व्यक्त केले.या कार्यक्रमाची सुरुवात श्री.गोवळकर,करवीर यांनी प्रबोधनात्मक गित गाऊन केली. राज्य प्रधानसचिव संजय बनसोडे यांनी प्रस्तावित व राज्य पदाधिकारी विशाल विमल यांनी सूत्रसंचलन केले.