Krishna Shringar

Silver ki pichakari Available
DM

||🌷🌷🌷🌷🌷🌷🌷🌷🌷||
*શ્રી ગોવર્ધનનાથજી હવેલી*
*~~~~~~~~~~~~~~~~~~~~*
*કારતક સુદ ૯*
*અક્ષય નવમી / કુષ્માંડદાન / શ્રીપ્રભુની ગ્વાલમાં આજે નવ પરિક્રમા કરવી*

કારતક સુદ ૯ ને અક્ષયનવમી કહે છે. આ યુગાદિ તિથિ છે. આ તિથિએ સત્યુગનો જન્મ થયો છે. આ તિથિનો કદી ક્ષય થતો નથી . આ તિથિએ ગોવિંદાભિષેકોત્સવ કરવામાં આવે છે.

અક્ષય નોમે અક્ષયલીલાનાં ( પ્રભુ દર્શન કરતાં ) ભાવો છે. તે દિવસે અન્નકૂટનો જ શ્રૃંગાર ધરાય. સફેદ જરીની કુલ્હે ઉપર પાંચ ચંદ્રિકાનો સાદો જોડ, ને લાલ જરીના ગોકર્ણ ધરાય છે, તેમાં ચાર યૂથાધિપતિ અને પ્રભુ વચ્ચે બિરાજે એ ભાવ અને અક્ષય નોમે, અક્ષયલીલા, ગોચરણ લીલાનો ભાવ હોવાથી ગોકર્ણ ખાસ ધરાય છે.

અક્ષય નોમે ગોવિંદભિષેકોત્સવ મનાય છે, ( અને મનોરથ પણ સૌરાષ્ટ્રમાં કરવામાં આવે છે )કારણકે શ્રીકૃષ્ણએ કારતક સુદ પડવાનો ઇન્દ્ર યોગ બંધ કર્યો તેથી કોપાયમાન થયેલ ઇન્દ્રએ, બારે મેધ ( આર્વત, સંર્વત, નીલક, પુષ્કર, દ્રોણ વગેરે )ને, ગોકુળ સમસ્તને ડૂબાડી દેવાની આજ્ઞા કરી . એટલે મધ્યાહન સમયે અંધારૂં ઘોર કરી, ગાજવીજ સાથે ધોધમાર વરસાદ અને કરા પડવાથી, ડરીને તમામ વ્રજવાસીઓ પ્રભુ શ્રીકૃષ્ણને શરણે ગયા. આથી પ્રભુએ એકદમ ટચલી આંગળી ઉપર ગિરિરાજને ધારણ કર્યો અને વ્રજવાસીઓને તેની નીચે તળેટીમાં આશરો આપ્યો. ઇન્દ્રએ સાત દિવસ સુધી મૂશળધાર વરસાદ વરસાવ્યો. છતાં એક ટીપું પણ ગિરિરાજની તળેટીમાં પ્રવેશ્યું ન હતું,અને કાંઇ પણ આંચ આવી ન હતી, તેથી વ્રજવાસીઓ માનવા લાગ્યા કે કૃષ્ણ આપણો સાચો રક્ષક છે અને આ ગિરિરાજ પ્રત્યક્ષ દેવ છે.
ભગવાનની આ લીલા પૌગંડ અવસ્થાની છે. પૌગંડ અવસ્થા ૫ થી ૧૦ વર્ષ સુધીની ગણાય છે, માટે ભગવાનની આ વખતે ઉંમર પણ ૭ વર્ષની જ હતી. ભગવાને ૭ વર્ષની ઉમરે અને ટચલી આંગળીના ટેરવે ગોવર્ધન અદ્ધર રાખ્યો, આ ભગવાનની વીર્ય લીલાનું લક્ષણ છે.

કોપાયમાન ઇન્દ્રે જોયું કે જેણે સાત દિવસ સુધી એક આંગળી ઉપર ગોવર્ધન પર્વતને, મૂશળધાર વરસાદ હોવા છતાં ઊંચો રાખ્યો છે તે સાક્ષત્ પુરૂષોત્તમ નંદરાયજીને ત્યાં પ્રગટ થઇ આ લીલા કરી છે. પ્રભુ શ્રીકૃષ્ણ જે ત્રણ લોકના નાથ છે તેમની સાથે દ્વેષ અને મદ કરવો ઉચિત નથી. મેં એ સમર્થ પ્રભુનો અપરાધ કર્યો તેનો મને અવશ્ય દંડ થશે એવો ભય પામી, ઇન્દ્ર બારે મેઘોને પાછા બોલાવીને બંધ કર્યા . ઇન્દ્ર પોતાનાં તમામ સાધનો સહિત આવીને પ્રથમ પ્રભુનાં ચરણારવિંદમાં પડી અપરાધની ક્ષમાયાચના કરી, તે સ્થળ વ્રજમાં સુરભિ કુંડ છે જ્યાં સુરભિ ગાયના દૂધથી ઇન્દ્રએ પ્રભુનો “ગોવિંદાભિષેક” કર્યો છે. અને પછી ઐરાવત હાથી પોતાની સૂંઢમાં આકાશગંગાનું જળ લઇ આવ્યો તે વડે પ્રભુને અભિષેક કર્યો. આજ થી ભગવાને ગોવિંદ નામ ધારણ કર્યુ. બાદ ઇન્દ્રએ ભગવાનની સ્તુતિ કરી, દંડવત્ પ્રણામ કરીને પ્રભુ આજ્ઞા લઇ સ્વર્ગમાં સિધાવ્યો. વ્રજમાં સુરભિ કુંડ, ઐરાવતકુંડ અને ગોવિંદ કુંડનું મહત્વ છે. આ કુંડોમાં સ્નાન —પાન કરવાથી પ્રભુ ચરણની પ્રાપ્તિ થાય છે એમ જણાવ્યું છે.

*=========================*