Zilla Parishad Solapur

*सीईओ जैन यांची मुख्यमंत्री समृद्ध पंचायत राज अभियानांतर्गत नांदेड जिल्हा भेट व तपासणी.*

मुख्यमंत्री समृद्ध पंचायत अभियानांतर्गत जिल्हास्तरीय मुल्यमापन समितीमार्फत राज्यभरात तपासणी सुरू आहे. सोलापूर जिल्हा परिषदेचे मुख्य कार्यकारी अधिकारी कुशल जैन, उपमुख्य कार्यकारी अधिकारी ग्रा.पं. सुर्यकांत भुजबळ व जिल्हा आरोग्य अधिकारी डॉ. सतीश कोपूरवाड यांची मुल्यमापन समिती 1 जून पासून नांदेड जिल्हा दौऱ्यावर आहे. याप्रसंगी सीईओ जैन याच्या समितीने नांदेड जिल्ह्यातील मुखेड तालुक्यातील कामळजा, देगलूर तालुक्यातील अंतापूर, येरगी,अंबुलगा आदी गावांना प्रत्यक्ष गावभेटी देवून मुख्यमंत्री समृद्ध पंचायत राज अभियानांतर्गत झालेली कामे तसेच दाखविण्यात येणारी कामे व त्या अनुषंगाने उपलब्ध करून देण्यात येणाऱ्या कागदपत्रांच्या आधारे गावांचे मुल्यमापन करीत आहे. यावेळी जैन मुल्यमापन समितीमार्फत ग्रामपंचायत कार्यालय, शाळा, अंगणवाडी, पाणी पुरवठा योजना, घनकचरा व्यवस्थापन, आरोग्य केंद्र व गाव परिसरात भेटी देऊन अभियानांतर्गत झालेल्या कामांचा आढावा घेतला. यावेळी सीईओ जैन यांनी जिल्हा परिषद शाळेतील मुलांशी संवाद साधला. येरगी येथील जिल्हा परिषद प्राथमिक शाळेतील विद्यार्थिनीने जैन यांच्यासमोर प्रात्यक्षिक सादर केले. यावेळी जैन यांनी सदर विद्यार्थिनीचे कौतुक केले. याप्रसंगी सीईओ जैन, उपमुख्य कार्यकारी अधिकारी सुर्यकांत भुजबळ, जिल्हा आरोग्य अधिकारी डॉ सतीश कोपूरवाड यांचा येथील विद्यार्थिनीच्या हस्ते सत्कार करण्यात आला. यावेळी संबंधित गावचे सरपंच, पदाधिकारी, ग्रामसेवक व ग्रामस्थ उपस्थित होते.