Learn Tai Ahom language

𑜹/ তাঈ-আহোম ভাষাত যৌগিক শব্দ সমূহ যদি বুজাত অসুবিধা হলে আধুনিকীকৰণ কৰি লিখিব লাগে। অৰ্থ্যৎ শব্দৰ মাজত “—” হাইফেন ব্যৱহাৰ কৰিব লাগে যেনেঃ
𑜍𑜂𑜫—𑜀𑜃𑜫 —𑜆𑜨𑜂𑜫—𑜀𑜃𑜫 = আলোচনা কৰা
𑜉𑜡 —𑜎𑜰𑜫 —𑜀𑜢𑜃𑜫 =যেতিয়াই-তেতিয়াই
𑜀𑜢𑜤𑜐𑜫—𑜈𑜡—𑜓𑜣 = উচ্চ প্ৰশংসা কৰা

★ তাঈ-আহোম ভাষাত শব্দ গঠনত মন কৰিব লগীয়া কথাঃ খণ্ড-৩
𑜉/ দুটা ব্যঞ্জন বৰ্ণৰে গঠিত শব্দত আগৰ ব্যঞ্জনত “আ” উচ্চাৰণ যুক্ত হ’লে প্ছৰ বৰ্ণত কোনো স্বৰ চিহ্ন লিখা নহয় আৰু শব্দটো মাতোতে বা পঢ়োঁতে “আ” উচ্চাৰণ নহয়। যেনেঃ 𑜉𑜃𑜫= সি/তাই, 𑜇𑜃𑜫=সৃষ্টি কৰা
𑜊/ “𑜐/ঞা ” বৰ্ণটো পঢ়োতে ইয়াৰ উচ্চাৰণ কেতিয়াবা “য়” কেতিয়াবা “ন্য” কেতিয়াবা “ন” হয় । যেনেঃ 𑜏𑜢𑜐𑜫 =উত্তম, 𑜎𑜢𑜐𑜫 =ল’ৰ মৰা
𑜋/ “𑜉/ম” উচ্চৰণৰে শেষ হোৱা ব্যঞ্জনান্ত শব্দ হলে শেষত কেতিয়াবা 𑜉𑜫 /ম লিখিব পাৰিলেও সাধাৰণতে “ 𑜪 ” কাম স্বৰ চিহ্নটো লিখা হয়।যেনেঃ 𑜃𑜪=পানী, 𑜁𑜪=সোণ,𑜓𑜪 =মৃতক

★তাঈ-আহোম ভাষাৰ বৈশিষ্টঃ তাই ভাষাৰ কিছুমান স্বকীয় বৈশিষ্ট আছে। সেই বৈশিষ্ট বিলাক আহোম ভাষাটো আছে। যেনেঃ ক/একাক্ষৰীক খ/ সুৰ প্ৰধান
ক/ একাক্ষৰীয়ঃ তাঈ-ভাষা এক আক্ষৰিক বা একস্বৰ ধ্বনিত শব্দৰ ভাষা।একোটা তাঈ শব্দ মাত্ৰ এটা স্বৰ বৰ্ণৰ উচ্চাৰণতে হয়।এটা মাত্ৰ স্বৰ বৰ্ণ উচ্চাৰণ হোৱা বৰ্ণ বা সমষ্টিয়েই একোটা অংশ।তাঈ ভাষাত এনে একোটা অংশই একোটা অৰ্থযুক্ত সম্পূৰ্ণ সৰল শব্দ (𑜌𑜩𑜨 )হয়।
একাধিক অংশ ( অৰ্থ যুক্ত স্বতন্ত্ৰ শব্দ). লগ লাগি একোটা যৌগিক শব্দ সৃষ্টি হলেও তাৰ প্ৰতিটো অংশ ৰ নিজস্ব একোটা স্বতন্ত্ৰ অৰ্থযুক্ত শব্দ (অৰ্থ শূণ্য একাধিক শব্দৰে গঠিত কোনো শব্দ তাঈ আহোম শব্দ নহয়)।যেনেঃ 𑜎𑜧𑜨 𑜉𑜢𑜤𑜂𑜫 (বক্তৃতা দিয়া/ভাষন দিয়া), 𑜎𑜧𑜨= কথা কোৱা, 𑜉𑜢𑜤𑜂𑜫= দেশ,ৰাজ্য,সংসাৰ,ঘৰচোৱা।
খ/ সুৰপ্ৰধানঃ তাঈ ভাষা সুৰ প্ৰধান ভাষা একোটা বানানেৰে একোটা শব্দ বিভিন্ন উচ্চাৰণ আৰু সুৰৰে কোৱা হয় আৰু বিভিন্ন সুৰত অৰ্থ আৰু ভাৱো বিভিন্ন হয়।ফলত একোটা শব্দৰে অনেক অৰ্থ হব পাৰে । সেইদৰে বিভিন্ন পদৰূপে বাক্যত ব্যৱহাৰ হয়।শব্দৰূপে পদ নিৰ্ণয় নহৈ বাক্যত ব্যৱহাৰ অনুযায়ীহে পদ নিৰ্ণয় হয়।
আহোম ভাষাত সুৰ বুজাবলৈ কোনো চিহ্ন নাই।𑜈𑜥 𑜍𑜨𑜃𑜫 𑜊𑜣 পাঠ চাই আহোম সকলৰ সুৰ অন্য তাঈ ভাষী সকলৰ দৰে একে হব বুলি ধৰা হৈছে।যেনেঃ
১ঃসম মধ্যম সুৰ
২ঃউচ্চ সুৰ
৩ঃগম্ভীৰ কন্ঠস্থ সুৰ
৪ঃঅনুদাত্ত সুৰ
৫ঃগম্ভীৰ সুৰ
৬ঃ উচ্চ উদাত্ত সুৰ
আহোম ভাষাৰ শব্দবোৰ সুৰত মতা বা কোৱা ওপৰিও শব্দৰ পাৰ্থক্য কৰি দেখুৱাব বাবে যৌগিক বা কেইবাটাও অৰ্থযুক্ত শব্দ সমষ্টিয়ে এটা শব্দ হব পাৰে।যেনেঃ 𑜀𑜤𑜃𑜫 𑜉𑜣= মাইকী মানুহ, 𑜃𑜤𑜤𑜀𑜫 𑜀𑜡 𑜀𑜦𑜧=পাৰ, 𑜉𑜡 𑜄𑜢𑜤𑜂𑜫= কুকুৰ, 𑜓𑜢𑜃𑜫 𑜓𑜪= কয়লা,𑜃𑜪 𑜄𑜡= চকুৰ পানী। শব্দ বাক্যত যি ৰূপতেই ব্যৱহাৰ হওক একোটা শব্দ ৰূপ কেতিয়াও সলনি নহয়।সদায় একে ৰূপ আৰু বানানতে থাকে।সেয়ে উচ্চাৰণৰ ক্ষেত্ৰত কেতিয়াবা সলনি হয়। যেনেঃ 𑜄𑜣 𑜀𑜄𑜫= তা কাত 𑜄𑜣 𑜆𑜩 = তা পাই আদি। মুখমেলি কৰা সুৰ আৰু মুখ জপাই বা চেপি কৰা সুৰক বিবৃত সুৰ বুলি কোৱা হয়।